Viðskipti innlent

Styrkja stöðuna í Suður-Ameríku

Samskip hafa styrkt stöðu sína í frystivöru- og flutningsmiðlun í Suður-Ameríku með samstarfssamningum við argentínska flutningafélagið Transaltic SA annars vegar og brasilíska flutningafélagið Unitrader International hins vegar.

Í fréttatilkynningu frá Samskipum segir að viðræður hafi staðið yfir við forsvarsmenn argentínska félagsins í um ár áður en formlegur samstarfssamningur var undirritaður í þessum mánuði. Transaltic var stofnað árið 1999 og annast bæði frystivöru- og gámaflutninga til og frá Argentínu, auk annarrar skyldrar starfsemi, svo sem vöruhúsaþjónustu, rekstur frystigeymslna og landflutninga.

Unitrader International, sem er með höfuðstöðvar í Sao Paulo, var stofnað árið 1994. Félagið rekur einnig skrifstofur í borgunum Petrolina, Recife og Itajai. Það er sérhæft í flutningum á ávöxtum og grænmeti, pappír, plastvarningi og baðmull.

Birtist í Fréttablaðinu Héðan og þaðan


Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið