Viðskipti innlent

Kýr slá líka Íslandsmet

Það voru ekki aðeins íslensku viðskiptabankarnir sem slógu hvert afkomumetið á fætur öðru á síðasta ári. Íslensku kýrnar virðast síst eftirbátar bankanna enda mjólkuðu þær sem aldrei fyrr á liðnu ári.

Í Bændablaðinu sem kom út í vikunni er fjallað um niður-stöður úr skýrsluhaldi nautgriparæktarinnar í fyrra. Þar kemur fram að skýrslufærðar kýr hafa ekki verið fleiri í landinu í hundrað ár. Afurðir kúnna jukust um 102 kíló á milli ára og skilaði meðalkýrin 5.383 kílóum af sér í fyrra.

Blúnda 468 á Helluvaði á Rangárvöllum trónir á toppnum yfir afurðamestu kusurnar en hún skilaði 13.327 kílóum af mjólk í fyrra þrátt fyrir að hafa verið geld á fyrsta mánuði síðasta árs.

Á gráa svæðinu Bankahólfið Markaðir


Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið