Kaupmáttur launa rýrnaði

Kaupmáttur launa rýrnaði um 0,6% á fyrsta ársfjórðungi samkvæmt launakönnun Kjararannsóknanefndar. Ástæðan er sú að á sama tíma og laun hækkuðu um hálft annað prósent, hækkaði vísitala neysluverðs um rúmlega tvö prósent og gerði því gott betur en að éta upp launahækkunina. Meðallaun þeirra 15 þúsund starfsmanna á almenna vinnumarkaðinum sem könnunin náði til voru 256.500 krónur og meðalvinnutími var rúmlega 45 klukkustundir á viku.