Fjörutíu prósent færri íbúðir nú í eigu Íbúðalánasjóðs Sæunn Gísladóttir skrifar 27. apríl 2016 07:00 Íbúðum í eigu Íbúðalánasjóðs hefur fækkað um 834 eða tæplega fjörutíu prósent á síðustu tveimur árum. Í lok mars 2016 voru 1.287 eignir í eigu Íbúðalánasjóðs samanborið við 2.121 í mars árið 2014. Stefnt er að því að þær verði 750 í árslok. Samkvæmt upplýsingum frá Íbúðalánasjóði er meirihluti íbúða seldur einstaklingum. Eignir á Suðurnesjum hafa selst sérstaklega vel á tímabilinu. Íbúðalánasjóður hefur losað fjölda eigna að undanförnu. Í desember síðastliðnum voru svo 504 eignir í fimmtán eignasöfnum settar í söluferli og rann tilboðsfrestur út þann 3. febrúar síðastliðinn. Í síðustu viku var tilkynnt að nú þegar hafi Íbúðalánasjóður og Heimavellir náð samkomulagi um sölu á 139 þeirra íbúða. Markmiðið er að selja eftirstandandi eignir í safninu á árinu.Ágúst Kr. BjörnssonÁ síðustu tveimur árum hefur íbúðum Íbúðalánasjóðs á öllu landinu fækkað mismikið eftir landshlutum, eða um fimm til fimmtíu og þrjú prósent. „Sala eigna hefur tekið vel við sér á flestum markaðssvæðum í landinu en þó misfljótt. Nú er lífleg sala nánast um land allt en mismikil þó eftir landsvæðum eins og fram kemur um Suðurnes,“ segir Ágúst Kr. Björnsson, forstöðumaður fullnustueigna Íbúðalánasjóðs. Íbúðum í eigu sjóðsins hefur fækkað um 432 á Suðurnesjum á tímabilinu. Ágúst segir að mikil eignasala á Suðurnesjum tengist að líkindum sterkara atvinnulífi, uppbyggingu í ferðamannaþjónustu og fjölgun starfa á Keflavíkurflugvelli. Til stendur að selja níu hundruð eignir á árinu 2016. Nú hafa 313 eignir selst og búið að samþykkja kauptilboð í 331 eign til viðbótar. Á sama tíma er áætlað að þrjú hundruð eignir bætist við safnið. Markmiðið er því að í árslok 2016 verði eignir orðnar um sjö hundruð. „Helsta ástæða þess að þrjú hundruð eignir bætast við á árinu er að nú er verið að ljúka úrvinnslu þungra greiðsluerfiðleikamála þar sem þessar eignir hafa verið í sérstakri skuldameðferð sem ekki hefur gengið upp eða hafa ekki náð að fá lausn í slíkum úrræðum. Þá er stundum um að ræða eignir þar sem eigendur eru fluttir til annarra landa og þar af leiðandi hefur tekið lengri tíma að ná fram fullnustu. Ætla má að til lengri tíma litið komi inn í kringum 100 eignir að jafnaði á ári af slíkum ástæðum,“ segir Ágúst. Íbúðum í eigu fjármálastofnana fækkaði verulega á síðustu tveimur árum. Frá desember 2013 til desember 2015 fækkaði þeim úr 3.532 í 2.246, eða um 46 prósent. Samkvæmt upplýsingum frá Íbúðalánasjóði er meirihluti eigna seldur einstaklingum í gegnum fasteignasölur. Frá ársbyrjun 2008 til 24. apríl 2016 hefur sjóðurinn selt 3.159 eignir. Af þeim hafa 425 eignir farið í tveimur pakkasölum til leigufélaga, þá hafa 450 eignir farið í dótturfélag sjóðsins, Leigufélagið Klett. Ágúst segir að eignir Íbúðalánasjóðs séu seldar á markaðsverði, hvort sem þær séu seldar leigufélögum eða öðrum. „Við sölu eigna leggur Íbúðalánasjóður áherslu á að verðleggja eignir sem allra best í takt við markaðsvirði þeirra eftir því á hvaða landsvæði þær eru og eftir því í hvaða ástandi þær eru. Rétt er að benda á að markaðsvirði eigna er mjög mismunandi eftir landsvæðum, hæst í Reykjavík og á höfuðborgarsvæðinu og lægra í öðrum landshlutum. Þá eru til svæði þar sem markaðsverð er einungis brot af verði sambærilegrar eignar í Reykjavík,“ segir Ágúst.Fréttin birtist fyrst í Fréttablaðinu 27. apríl. Birtist í Fréttablaðinu Mest lesið Davíð Tómas ráðinn framkvæmdastjóri Viðskipti innlent Ballið búið fyrir fullt og allt á B5 Viðskipti innlent Snýr aftur til Snjallgagna Viðskipti innlent Ráðin forstöðumaður hjá OK Viðskipti innlent Farþegum fjölgaði og sætanýting um 85 prósent Viðskipti innlent „Fólk heldur kannski að það sé saklaust að kaupa eina falsaða tösku“ Atvinnulíf Háttsemi dómara ekki saknæm og Isavia fær því enga milljarða Viðskipti innlent Hætta skerðingum til stórnotenda Viðskipti innlent Krökkunum finnst hálf hallærislegt að mamman kunni Friends þættina utan að Atvinnulíf Þarf að greiða kortareikninginn og meira til í málskostnað Neytendur Fleiri fréttir Hætta skerðingum til stórnotenda Davíð Tómas ráðinn framkvæmdastjóri Farþegum fjölgaði og sætanýting um 85 prósent Ráðin forstöðumaður hjá OK Snýr aftur til Snjallgagna Ballið búið fyrir fullt og allt á B5 Yfir milljón farþegar fyrstu fjóra mánuði ársins Háttsemi dómara ekki saknæm og Isavia fær því enga milljarða Mímir nýr forstöðumaður hjá Högum Matvöruverslun og íbúðir steinsnar frá Keflavíkurflugvelli Röntgen Domus og Orkuhúsið fá ekki að sameinast Viljinn tekinn til gjaldþrotaskipta Spá því að stýrivextir haldist óbreyttir Bein útsending: Ársfundur SFS – Best í heimi? Mun bjóða upp á sömu flugáætlun og Bláfugl áður Grindvíkingar borgi allt að þriðjungi hærri leigu en aðrir Guðný og Sigurður Helgi til SI Tekur við stöðu sviðsstjóra Netöryggismiðstöðvar Íslands Hagnaður Íslandsbanka 5,4 milljarðar á fyrsta fjórðungi Arnar Már nýr aðstoðarforstjóri Vinnunetföng algeng leið fyrir hakkara til að brjótast inn í íslensk fyrirtæki Sjö vilja taka við af Gunnari Hagnaður Landsbankans nam 7,2 milljörðum á fyrstu þremur mánuðum ársins Frumkvöðlar koma saman í Kolaportinu Hefja sölu á íbúðum á Orkureitnum Bein útsending: Stærri styrktækifæri í mannvirkjaiðnaði Lokar Önnu Jónu og segir það mikinn létti Hagnaður Arion dróst saman um tvo milljarða Hefja úthlutun lóða í Vatnsendahvarfi Ráðherra bað um tíu milljarða króna í viðbót í arð Sjá meira
Íbúðum í eigu Íbúðalánasjóðs hefur fækkað um 834 eða tæplega fjörutíu prósent á síðustu tveimur árum. Í lok mars 2016 voru 1.287 eignir í eigu Íbúðalánasjóðs samanborið við 2.121 í mars árið 2014. Stefnt er að því að þær verði 750 í árslok. Samkvæmt upplýsingum frá Íbúðalánasjóði er meirihluti íbúða seldur einstaklingum. Eignir á Suðurnesjum hafa selst sérstaklega vel á tímabilinu. Íbúðalánasjóður hefur losað fjölda eigna að undanförnu. Í desember síðastliðnum voru svo 504 eignir í fimmtán eignasöfnum settar í söluferli og rann tilboðsfrestur út þann 3. febrúar síðastliðinn. Í síðustu viku var tilkynnt að nú þegar hafi Íbúðalánasjóður og Heimavellir náð samkomulagi um sölu á 139 þeirra íbúða. Markmiðið er að selja eftirstandandi eignir í safninu á árinu.Ágúst Kr. BjörnssonÁ síðustu tveimur árum hefur íbúðum Íbúðalánasjóðs á öllu landinu fækkað mismikið eftir landshlutum, eða um fimm til fimmtíu og þrjú prósent. „Sala eigna hefur tekið vel við sér á flestum markaðssvæðum í landinu en þó misfljótt. Nú er lífleg sala nánast um land allt en mismikil þó eftir landsvæðum eins og fram kemur um Suðurnes,“ segir Ágúst Kr. Björnsson, forstöðumaður fullnustueigna Íbúðalánasjóðs. Íbúðum í eigu sjóðsins hefur fækkað um 432 á Suðurnesjum á tímabilinu. Ágúst segir að mikil eignasala á Suðurnesjum tengist að líkindum sterkara atvinnulífi, uppbyggingu í ferðamannaþjónustu og fjölgun starfa á Keflavíkurflugvelli. Til stendur að selja níu hundruð eignir á árinu 2016. Nú hafa 313 eignir selst og búið að samþykkja kauptilboð í 331 eign til viðbótar. Á sama tíma er áætlað að þrjú hundruð eignir bætist við safnið. Markmiðið er því að í árslok 2016 verði eignir orðnar um sjö hundruð. „Helsta ástæða þess að þrjú hundruð eignir bætast við á árinu er að nú er verið að ljúka úrvinnslu þungra greiðsluerfiðleikamála þar sem þessar eignir hafa verið í sérstakri skuldameðferð sem ekki hefur gengið upp eða hafa ekki náð að fá lausn í slíkum úrræðum. Þá er stundum um að ræða eignir þar sem eigendur eru fluttir til annarra landa og þar af leiðandi hefur tekið lengri tíma að ná fram fullnustu. Ætla má að til lengri tíma litið komi inn í kringum 100 eignir að jafnaði á ári af slíkum ástæðum,“ segir Ágúst. Íbúðum í eigu fjármálastofnana fækkaði verulega á síðustu tveimur árum. Frá desember 2013 til desember 2015 fækkaði þeim úr 3.532 í 2.246, eða um 46 prósent. Samkvæmt upplýsingum frá Íbúðalánasjóði er meirihluti eigna seldur einstaklingum í gegnum fasteignasölur. Frá ársbyrjun 2008 til 24. apríl 2016 hefur sjóðurinn selt 3.159 eignir. Af þeim hafa 425 eignir farið í tveimur pakkasölum til leigufélaga, þá hafa 450 eignir farið í dótturfélag sjóðsins, Leigufélagið Klett. Ágúst segir að eignir Íbúðalánasjóðs séu seldar á markaðsverði, hvort sem þær séu seldar leigufélögum eða öðrum. „Við sölu eigna leggur Íbúðalánasjóður áherslu á að verðleggja eignir sem allra best í takt við markaðsvirði þeirra eftir því á hvaða landsvæði þær eru og eftir því í hvaða ástandi þær eru. Rétt er að benda á að markaðsvirði eigna er mjög mismunandi eftir landsvæðum, hæst í Reykjavík og á höfuðborgarsvæðinu og lægra í öðrum landshlutum. Þá eru til svæði þar sem markaðsverð er einungis brot af verði sambærilegrar eignar í Reykjavík,“ segir Ágúst.Fréttin birtist fyrst í Fréttablaðinu 27. apríl.
Birtist í Fréttablaðinu Mest lesið Davíð Tómas ráðinn framkvæmdastjóri Viðskipti innlent Ballið búið fyrir fullt og allt á B5 Viðskipti innlent Snýr aftur til Snjallgagna Viðskipti innlent Ráðin forstöðumaður hjá OK Viðskipti innlent Farþegum fjölgaði og sætanýting um 85 prósent Viðskipti innlent „Fólk heldur kannski að það sé saklaust að kaupa eina falsaða tösku“ Atvinnulíf Háttsemi dómara ekki saknæm og Isavia fær því enga milljarða Viðskipti innlent Hætta skerðingum til stórnotenda Viðskipti innlent Krökkunum finnst hálf hallærislegt að mamman kunni Friends þættina utan að Atvinnulíf Þarf að greiða kortareikninginn og meira til í málskostnað Neytendur Fleiri fréttir Hætta skerðingum til stórnotenda Davíð Tómas ráðinn framkvæmdastjóri Farþegum fjölgaði og sætanýting um 85 prósent Ráðin forstöðumaður hjá OK Snýr aftur til Snjallgagna Ballið búið fyrir fullt og allt á B5 Yfir milljón farþegar fyrstu fjóra mánuði ársins Háttsemi dómara ekki saknæm og Isavia fær því enga milljarða Mímir nýr forstöðumaður hjá Högum Matvöruverslun og íbúðir steinsnar frá Keflavíkurflugvelli Röntgen Domus og Orkuhúsið fá ekki að sameinast Viljinn tekinn til gjaldþrotaskipta Spá því að stýrivextir haldist óbreyttir Bein útsending: Ársfundur SFS – Best í heimi? Mun bjóða upp á sömu flugáætlun og Bláfugl áður Grindvíkingar borgi allt að þriðjungi hærri leigu en aðrir Guðný og Sigurður Helgi til SI Tekur við stöðu sviðsstjóra Netöryggismiðstöðvar Íslands Hagnaður Íslandsbanka 5,4 milljarðar á fyrsta fjórðungi Arnar Már nýr aðstoðarforstjóri Vinnunetföng algeng leið fyrir hakkara til að brjótast inn í íslensk fyrirtæki Sjö vilja taka við af Gunnari Hagnaður Landsbankans nam 7,2 milljörðum á fyrstu þremur mánuðum ársins Frumkvöðlar koma saman í Kolaportinu Hefja sölu á íbúðum á Orkureitnum Bein útsending: Stærri styrktækifæri í mannvirkjaiðnaði Lokar Önnu Jónu og segir það mikinn létti Hagnaður Arion dróst saman um tvo milljarða Hefja úthlutun lóða í Vatnsendahvarfi Ráðherra bað um tíu milljarða króna í viðbót í arð Sjá meira