Fimm gætu orðið yngst til að taka sæti á þingi Jóhann Óli Eiðsson skrifar 28. október 2016 09:45 1.306 frambjóðendur verða í framboði til Alþingis í kosningunum á morgun á 62 listum. Elsti frambjóðandinn er 92 ára en þeir yngstu eru nýorðnir átján ára. Jóhanna María Sigmundsdóttir er yngsti þingmaður sem náð hefur kjöri á Alþingi, 21 árs og 303 daga gömul. Hún náði kjöri að vori en tók ekki sæti fyrr en nokkrum vikum síðar. Víðir Smári Petersen er því enn yngstur til að taka sæti á Alþingi en hann var 21 árs og 328 daga þegar það gerðist í september 2010. Sé litið til kannana er enginn líklegur til að slá met Jóhönnu Maríu. Nokkrir frambjóðendur gætu skotið Víði Smára ref fyrir rass ef gæfan verður þeirra flokkum hliðholl og ef þeir taka sæti nógu snemma á kjörtímabilinu.Leiðrétting: Í útgáfu fréttarinnar sem birtist í Fréttablaðinu og fyrst á Vísi gleymdist að taka tillit til Rúnars Gíslasonar, frambjóðanda Vinstri grænna. Rúnar skipar 4. sæti lista flokksins í Norðvesturkjördæmi og gæti orðið uppbótarþingmaður verði jöfnunarsætakapallinn honum hliðhollur. Hið sama á um aðra frambjóðendur sem reifaðir eru í grein þessari. Sjá einnig:Nýútskrifaður og býður sig fram gegn sitjandi þingmanni Rúnar er fæddur 17. apríl 1996 og þyrfti því að taka sæti á þingi fyrir 27. ágúst 2017 til að slá met Víðis Smára. Áður hefur verið fjallað um Rúnar á Vísi en hægt er að lesa um Rúnar og hans helstu baráttumál með því að smella á hlekkinn hér fyrir ofan. Páll Marís Pálssonmynd/framsóknarflokkurinnNafn: Páll Marís PálssonSæti: 3. sæti Framsóknarflokks í SuðvesturkjördæmiFæðingardagur: 11. maí 1997Til að slá metið þarf: Framsókn þyrfti að halda tveimur þingmönnum í Suðvestur og Páll að taka sæti fyrir 4. apríl 2019Helstu baráttumál: Afnám bleika skattsins, málefni innflytjenda og flóttamanna og nútímavæðing menntakerfisins. „Ég kynnti mér alla flokkana fyrir síðustu kosningar og heillaðist af þessari miðjusammvinnustefnu,“ segir Páll Marís Pálsson. Hann segir að hann hafi þurft að hugsa sig tvisvar um áður en hann ákvað að bjóða sig fram. „Maður hefur séð hvernig hið pólitíska umhverfi er og umræðan í kringum það. En ég lét slag standa og sé ekki eftir því.“ „Ég hafði ekki spáð í því að ég gæti orðið yngstur. Ég fór ekki í pólitík til að slá nein met,“ segir Páll en bætir við að skemmtilegt sé að svona skuli hafa hisst á. „Ef svo fer þá eru margir sem lögðu traust sitt á mig og ég mun gera mitt besta til að standa undir því.“ Að lokum vill Páll minna ungt fólk að fara á kjörstað. „Ef við viljum að rödd okkar heyrist þá verður ungt fólk að nýta lýðræðislegan rétt sinn og kjósa.“Melkorka Ýrr Yrsudóttirmynd/aðsendNafn: Melkora Ýrr YrsudóttirSæti: 6. sæti Sjálfstæðisflokksins í NorðausturFæðingardagur: 20. janúar 1998Til að slá metið þarf: Sjálfstæðisflokkurinn að bæta við sig þriðja þingmanninum í Norðaustur og Melkorka að taka sæti fyrir 15. desember 2019Helstu baráttumál: Virkja ungt fólk til stjórnmálaþátttöku, húsnæðismál og menntamál á landsbyggðinni „Ég hóf að kynna mér flokkana fyrir sveitarstjórnarkosningarnar árið 2014. Hugmyndir Sjálfstæðisflokksins um frelsi og sjálfstæði einstaklingsins heilluðu mig,“ segir Melkorka Ýrr Yrsudóttir. Út frá því hóf hún að starfa í Verði, félagi ungra Sjálfstæðismanna á Akureyri. Kosningabaráttan hefur gengið vel að sögn Melkorku. Hún hafi mætt nokkrum neikvæðum röddum en þær jákvæðu séu fleiri og vegi þyngra. „Þetta hefur verið mikill skóli og ég hef ítrekað þurft að stíga langt út fyrir þægindarammann.“ Að bjóða sig fram var ekki auðveld ákvörðun enda þátttaka í framboðinu tímafrek samhliða námi. Kostirnir voru hins vegar mun fleiri. „Það er svo margt ungt fólk sem hefur áhuga á stjórnmálum en skortir kannski kjark til að taka þátt. Ég tel mikilvægt að ungt fólk sé áberandi innan allra flokka. Síðan hvet ég alla til að kynna sér flokkana og nýta kosningaréttinn.“Bjarni Halldór Janussonmynd/viðreisnNafn: Bjarni Halldór JanussonSæti: 4. sæti Viðreisnar í SuðvesturFæðingardagur: 4. desember 1995Til að slá metið þyrfti: Viðreisn að ná tveimur mönnum inn í Suðvestur og Bjarni að taka sæti fyrir 27. október 2017Helstu baráttumál: Húsnæðisvandinn, aðgengilegri sálfræðiþjónusta, frjálslyndara samfélag „Ég hóf þátttöku í Viðreisn árið 2014 áður en aflið var formlega stofnað,“ segir Bjarni Halldór Janusson. Hann segir ferskleikann og fagmennskuna í kringum stefnumótunarstarf flokksins hafa gripið sig. „Ég trúi því að vinnubrögð Viðreisnar séu best til þess fallin að koma umbótum í framkvæmd.“ Að taka þátt í kosningabaráttunni hefur gefið Bjarna mikið. Sambönd myndist innan flokksins og þar sé að finna sterka liðsheild. Síðan takist einnig vinabönd við frambjóðendur annara flokka á þegar fólk hittist á hinum ýmsu viðburðum. „Ég hef lengi gengið með þingmann í maganum. Lengi vel var ég kallaður Bjarni ráðherra í gríni því ég hafði skoðun á svo mörgu,“ segir Bjarni. „Í grunnskóla grínaðist ég stundum með það að ég ætlaði að verða yngsti þingmaðurinn. Nú hefur fólk komið til mín og gantast með að það gæti orðið raunin.“Starri Reynissonmynd/björt framtíðNafn: Starri ReynissonSæti: 3. sæti Bjartrar framtíðar í Reykjavík norðurFæðingardagur: 6. júlí 1995Til að slá metið þyrfti: Björt framtíð að ná inn tveimur mönnum í Reykjavík norður og Starri að taka sæti fyrir 30. maí 2017Helstu baráttumál: Ísland í ESB, uppstokkun í menntakerfinu og umhverfismál Þrátt fyrir ungan aldur hefur Starri setið í stjórn Bjartrar framtíðar frá árinu 2014. „Björt framtíð er frjálslyndur, alþjóðasinnaður miðjuflokkur og ég er akkúrat frjálslyndur alþjóðasinnaður maður. Þetta var því rökréttasti kosturinn.“ Það var að miklu leiti utanaðkomandi þrýstingur sem varð til þess að Starri bauð sig fram. Sá þrýstingur kom bæði frá samflokksmönnum hans og ALDE, Evrópskum regnhlífasamtökum frjálslyndra miðjumanna. „Það voru allir svo æstir í að ég færi fram að ég sló til,“ segir Starri og hlær. „Kosningabaráttan hefur bara gengið vel. Við mældumst tvö prósent í september en höfum verið að daðra við átta níu prósentin nú. Björt framtíð hefur fundið fyrir velvilja í sinn garð,“ segir Starri. Birtist í Fréttablaðinu Kosningar 2016 Mest lesið Ritskoðun bjóra: „Þetta er gert fyrir börnin“ Innlent Réði lífvörð eftir árásina á bandamann Navalnís Erlent Vantrauststillagan felld Innlent Borgarstjóri sakaður um brot gegn dóttur sinni Erlent Frumskógur bílastæðagjalda og þau hæstu þúsund krónur Innlent Steingrímur J og Njáll Trausti sameinast í orkuvæðingu norðausturhornsins Innlent Segir „ómanneskjulegt“ álag á foreldrum einhverfra barna Innlent Reiðin kraumaði við ofsaakstur á Reykjanesbraut Innlent Flóttamenn tóku forskot á stóra plokkdaginn Innlent Hljóp á eftir stungumanninum um Faxafen með innyflin lafandi út úr sér Innlent Fleiri fréttir Fjölgun ofbeldisbrota gegn lögreglu og öðrum opinberum starfsmönnum Ritskoðun bjóra: „Þetta er gert fyrir börnin“ Steingrímur J og Njáll Trausti sameinast í orkuvæðingu norðausturhornsins Flóttamenn tóku forskot á stóra plokkdaginn Frumskógur bílastæðagjalda og þau hæstu þúsund krónur Grindvíkingar boða til mótmæla gegn Þórkötlu „Engin ástæða til að boða til kosninga“ Segir „ómanneskjulegt“ álag á foreldrum einhverfra barna Stungumaður þarf að dúsa inni fram að dómi Sagði upp til að annast einhverfa dóttur, vantraust á þingi og bílastæðagjöld Vantrauststillagan felld Skólabrú með garði á þakinu „djörf og fersk“ tillaga Hætta með safnskóla fyrir grindvísk börn Reiðin kraumaði við ofsaakstur á Reykjanesbraut Lýsir letilífi rándýrra hæstaréttardómara Hljóp á eftir stungumanninum um Faxafen með innyflin lafandi út úr sér Magni kaupmaður látinn 88 ára að aldri Húsfélag ekki skaðabótaábyrgt vegna myglu í séreign Tekist á í Stúdentaráði: „Furðulegasti fundur sem ég hef mætt á“ Fresta gildistöku kjarabóta til öryrkja til að slá á þenslu Monica Lewinsky fór flatt á því að segja satt Sá sem mölvaði rúðurnar glímir við alvarleg andleg veikindi Ölfusárbrú opnuð á ný eftir harðan aftanáakstur Öryrkjar gagnrýna frestun á lagabreytingu og FÍB vill grisja bílastæðafrumskóginn Fleiri gifta sig hjá sýslumanni en í kirkju Sagði höfuðhögg eiga að koma í veg fyrir að lögreglan fengi hann í hendurnar Landlæknir rannsaki ummæli formanns Geðlæknafélagsins Fimmtungur ánægður með störf Einars borgarstjóra Brynjar pirrar sig á undirskriftum gegn Bjarna Umferðaróhapp við Vesturlandsveg Sjá meira
1.306 frambjóðendur verða í framboði til Alþingis í kosningunum á morgun á 62 listum. Elsti frambjóðandinn er 92 ára en þeir yngstu eru nýorðnir átján ára. Jóhanna María Sigmundsdóttir er yngsti þingmaður sem náð hefur kjöri á Alþingi, 21 árs og 303 daga gömul. Hún náði kjöri að vori en tók ekki sæti fyrr en nokkrum vikum síðar. Víðir Smári Petersen er því enn yngstur til að taka sæti á Alþingi en hann var 21 árs og 328 daga þegar það gerðist í september 2010. Sé litið til kannana er enginn líklegur til að slá met Jóhönnu Maríu. Nokkrir frambjóðendur gætu skotið Víði Smára ref fyrir rass ef gæfan verður þeirra flokkum hliðholl og ef þeir taka sæti nógu snemma á kjörtímabilinu.Leiðrétting: Í útgáfu fréttarinnar sem birtist í Fréttablaðinu og fyrst á Vísi gleymdist að taka tillit til Rúnars Gíslasonar, frambjóðanda Vinstri grænna. Rúnar skipar 4. sæti lista flokksins í Norðvesturkjördæmi og gæti orðið uppbótarþingmaður verði jöfnunarsætakapallinn honum hliðhollur. Hið sama á um aðra frambjóðendur sem reifaðir eru í grein þessari. Sjá einnig:Nýútskrifaður og býður sig fram gegn sitjandi þingmanni Rúnar er fæddur 17. apríl 1996 og þyrfti því að taka sæti á þingi fyrir 27. ágúst 2017 til að slá met Víðis Smára. Áður hefur verið fjallað um Rúnar á Vísi en hægt er að lesa um Rúnar og hans helstu baráttumál með því að smella á hlekkinn hér fyrir ofan. Páll Marís Pálssonmynd/framsóknarflokkurinnNafn: Páll Marís PálssonSæti: 3. sæti Framsóknarflokks í SuðvesturkjördæmiFæðingardagur: 11. maí 1997Til að slá metið þarf: Framsókn þyrfti að halda tveimur þingmönnum í Suðvestur og Páll að taka sæti fyrir 4. apríl 2019Helstu baráttumál: Afnám bleika skattsins, málefni innflytjenda og flóttamanna og nútímavæðing menntakerfisins. „Ég kynnti mér alla flokkana fyrir síðustu kosningar og heillaðist af þessari miðjusammvinnustefnu,“ segir Páll Marís Pálsson. Hann segir að hann hafi þurft að hugsa sig tvisvar um áður en hann ákvað að bjóða sig fram. „Maður hefur séð hvernig hið pólitíska umhverfi er og umræðan í kringum það. En ég lét slag standa og sé ekki eftir því.“ „Ég hafði ekki spáð í því að ég gæti orðið yngstur. Ég fór ekki í pólitík til að slá nein met,“ segir Páll en bætir við að skemmtilegt sé að svona skuli hafa hisst á. „Ef svo fer þá eru margir sem lögðu traust sitt á mig og ég mun gera mitt besta til að standa undir því.“ Að lokum vill Páll minna ungt fólk að fara á kjörstað. „Ef við viljum að rödd okkar heyrist þá verður ungt fólk að nýta lýðræðislegan rétt sinn og kjósa.“Melkorka Ýrr Yrsudóttirmynd/aðsendNafn: Melkora Ýrr YrsudóttirSæti: 6. sæti Sjálfstæðisflokksins í NorðausturFæðingardagur: 20. janúar 1998Til að slá metið þarf: Sjálfstæðisflokkurinn að bæta við sig þriðja þingmanninum í Norðaustur og Melkorka að taka sæti fyrir 15. desember 2019Helstu baráttumál: Virkja ungt fólk til stjórnmálaþátttöku, húsnæðismál og menntamál á landsbyggðinni „Ég hóf að kynna mér flokkana fyrir sveitarstjórnarkosningarnar árið 2014. Hugmyndir Sjálfstæðisflokksins um frelsi og sjálfstæði einstaklingsins heilluðu mig,“ segir Melkorka Ýrr Yrsudóttir. Út frá því hóf hún að starfa í Verði, félagi ungra Sjálfstæðismanna á Akureyri. Kosningabaráttan hefur gengið vel að sögn Melkorku. Hún hafi mætt nokkrum neikvæðum röddum en þær jákvæðu séu fleiri og vegi þyngra. „Þetta hefur verið mikill skóli og ég hef ítrekað þurft að stíga langt út fyrir þægindarammann.“ Að bjóða sig fram var ekki auðveld ákvörðun enda þátttaka í framboðinu tímafrek samhliða námi. Kostirnir voru hins vegar mun fleiri. „Það er svo margt ungt fólk sem hefur áhuga á stjórnmálum en skortir kannski kjark til að taka þátt. Ég tel mikilvægt að ungt fólk sé áberandi innan allra flokka. Síðan hvet ég alla til að kynna sér flokkana og nýta kosningaréttinn.“Bjarni Halldór Janussonmynd/viðreisnNafn: Bjarni Halldór JanussonSæti: 4. sæti Viðreisnar í SuðvesturFæðingardagur: 4. desember 1995Til að slá metið þyrfti: Viðreisn að ná tveimur mönnum inn í Suðvestur og Bjarni að taka sæti fyrir 27. október 2017Helstu baráttumál: Húsnæðisvandinn, aðgengilegri sálfræðiþjónusta, frjálslyndara samfélag „Ég hóf þátttöku í Viðreisn árið 2014 áður en aflið var formlega stofnað,“ segir Bjarni Halldór Janusson. Hann segir ferskleikann og fagmennskuna í kringum stefnumótunarstarf flokksins hafa gripið sig. „Ég trúi því að vinnubrögð Viðreisnar séu best til þess fallin að koma umbótum í framkvæmd.“ Að taka þátt í kosningabaráttunni hefur gefið Bjarna mikið. Sambönd myndist innan flokksins og þar sé að finna sterka liðsheild. Síðan takist einnig vinabönd við frambjóðendur annara flokka á þegar fólk hittist á hinum ýmsu viðburðum. „Ég hef lengi gengið með þingmann í maganum. Lengi vel var ég kallaður Bjarni ráðherra í gríni því ég hafði skoðun á svo mörgu,“ segir Bjarni. „Í grunnskóla grínaðist ég stundum með það að ég ætlaði að verða yngsti þingmaðurinn. Nú hefur fólk komið til mín og gantast með að það gæti orðið raunin.“Starri Reynissonmynd/björt framtíðNafn: Starri ReynissonSæti: 3. sæti Bjartrar framtíðar í Reykjavík norðurFæðingardagur: 6. júlí 1995Til að slá metið þyrfti: Björt framtíð að ná inn tveimur mönnum í Reykjavík norður og Starri að taka sæti fyrir 30. maí 2017Helstu baráttumál: Ísland í ESB, uppstokkun í menntakerfinu og umhverfismál Þrátt fyrir ungan aldur hefur Starri setið í stjórn Bjartrar framtíðar frá árinu 2014. „Björt framtíð er frjálslyndur, alþjóðasinnaður miðjuflokkur og ég er akkúrat frjálslyndur alþjóðasinnaður maður. Þetta var því rökréttasti kosturinn.“ Það var að miklu leiti utanaðkomandi þrýstingur sem varð til þess að Starri bauð sig fram. Sá þrýstingur kom bæði frá samflokksmönnum hans og ALDE, Evrópskum regnhlífasamtökum frjálslyndra miðjumanna. „Það voru allir svo æstir í að ég færi fram að ég sló til,“ segir Starri og hlær. „Kosningabaráttan hefur bara gengið vel. Við mældumst tvö prósent í september en höfum verið að daðra við átta níu prósentin nú. Björt framtíð hefur fundið fyrir velvilja í sinn garð,“ segir Starri.
Birtist í Fréttablaðinu Kosningar 2016 Mest lesið Ritskoðun bjóra: „Þetta er gert fyrir börnin“ Innlent Réði lífvörð eftir árásina á bandamann Navalnís Erlent Vantrauststillagan felld Innlent Borgarstjóri sakaður um brot gegn dóttur sinni Erlent Frumskógur bílastæðagjalda og þau hæstu þúsund krónur Innlent Steingrímur J og Njáll Trausti sameinast í orkuvæðingu norðausturhornsins Innlent Segir „ómanneskjulegt“ álag á foreldrum einhverfra barna Innlent Reiðin kraumaði við ofsaakstur á Reykjanesbraut Innlent Flóttamenn tóku forskot á stóra plokkdaginn Innlent Hljóp á eftir stungumanninum um Faxafen með innyflin lafandi út úr sér Innlent Fleiri fréttir Fjölgun ofbeldisbrota gegn lögreglu og öðrum opinberum starfsmönnum Ritskoðun bjóra: „Þetta er gert fyrir börnin“ Steingrímur J og Njáll Trausti sameinast í orkuvæðingu norðausturhornsins Flóttamenn tóku forskot á stóra plokkdaginn Frumskógur bílastæðagjalda og þau hæstu þúsund krónur Grindvíkingar boða til mótmæla gegn Þórkötlu „Engin ástæða til að boða til kosninga“ Segir „ómanneskjulegt“ álag á foreldrum einhverfra barna Stungumaður þarf að dúsa inni fram að dómi Sagði upp til að annast einhverfa dóttur, vantraust á þingi og bílastæðagjöld Vantrauststillagan felld Skólabrú með garði á þakinu „djörf og fersk“ tillaga Hætta með safnskóla fyrir grindvísk börn Reiðin kraumaði við ofsaakstur á Reykjanesbraut Lýsir letilífi rándýrra hæstaréttardómara Hljóp á eftir stungumanninum um Faxafen með innyflin lafandi út úr sér Magni kaupmaður látinn 88 ára að aldri Húsfélag ekki skaðabótaábyrgt vegna myglu í séreign Tekist á í Stúdentaráði: „Furðulegasti fundur sem ég hef mætt á“ Fresta gildistöku kjarabóta til öryrkja til að slá á þenslu Monica Lewinsky fór flatt á því að segja satt Sá sem mölvaði rúðurnar glímir við alvarleg andleg veikindi Ölfusárbrú opnuð á ný eftir harðan aftanáakstur Öryrkjar gagnrýna frestun á lagabreytingu og FÍB vill grisja bílastæðafrumskóginn Fleiri gifta sig hjá sýslumanni en í kirkju Sagði höfuðhögg eiga að koma í veg fyrir að lögreglan fengi hann í hendurnar Landlæknir rannsaki ummæli formanns Geðlæknafélagsins Fimmtungur ánægður með störf Einars borgarstjóra Brynjar pirrar sig á undirskriftum gegn Bjarna Umferðaróhapp við Vesturlandsveg Sjá meira