Enginn samningur veriđ gerđur um makaskipti

 
Innlent
20:21 25. JANÚAR 2016
Hafnartorg.
Hafnartorg. VÍSIR/VALLI

Enginn samningur hefur verið gerður um makaskipti á stjórnarráðsreitnum og svokölluðu Hafnartorgi, að sögn Sigmundar Davíðs Gunnlaugssonar forsætisráðherra. Forsætisráðuneytið hefur að undanförnu átt í viðræðum við eigendur lóðarinnar við Hafnartorg, Landstólpa þróunarfélag, um að aðilar skiptist á lóðum.

„Það er ekki komið neitt mál til þess að samþykkja í ríkisstjórn. Það eina sem hefur gerst í þessu er að fulltrúar ráðuneytisins hafa fallist á boð þessa fyrirtækis um að eiga viðræður um aðkomu að þessu húsnæði á einn eða annan hátt. Þar eru menn opnir fyrir því að skoða ólíkar leiðir og ég ætla ekki að fara að skipa mönnum fyrir úr þessari pontu eða annars staðar frá um það hvaða lending á að nást í því á meðan við vitum ekki hvað raunverulega stendur þarna til boða,“ sagði Sigmundur í óundirbúnum fyrirspurnum á Alþingi í dag.

Lengi verið til skoðunar að finna nýtt húsnæði
Svandís Svavarsdóttir, þingmaður Vinstri grænna, spurði hvort forsætisráðherra hafi verið falið þetta hlutverk, að ráðstafa eignum ríkisins, sem samkvæmt forsetaúrskurði eigi að vera á hendi fjármálaráðherra.

Sigmundur sagði að komi til undirritunar samnings um einhvers konar makaskipti, leigusamnings eða annars slíks, fari það eftir þeim reglum sem almennt gildi um slíkt. Lengi hafi verið til skoðunar að finna nýtt húsnæði fyrir stjórnarráðið eða hluta þess.

„Sú þörf er orðin mjög knýjandi núna vegna þess að að minnsta kosti forsætisráðuneytið er að missa það húsnæði sem megnið af ráðuneytinu hefur haft aðstöðu í. Þar af leiðandi er óhjákvæmilegt að leita leiða til að leysa úr því,“ sagði Sigmundur.


Deila
Athugiđ. Allar athugasemdir eru á ábyrgđ ţeirra er ţćr rita. Vísir hvetur lesendur til ađ halda sig viđ málefnalega umrćđu. Einnig áskilur Vísir sér rétt til ađ fjarlćgja ćrumeiđandi eđa ósćmilegar athugasemdir.

 

MEST LESIĐ

  • Nýjast á Vísi
  • Mest Lesiđ
  • Fréttir
  • Sport
  • Viđskipti
  • Lífiđ
Forsíđa / Fréttir / Innlent / Enginn samningur veriđ gerđur um makaskipti
Fara efst