FÖSTUDAGUR 9. DESEMBER NÝJAST 21:11

Mađur handtekinn í Rotterdam grunađur um ađ skipuleggja hryđjuverk

FRÉTTIR

Ekki góđ vinnubrögđ ađ skuldbinda Ísland án umrćđu

 
Innlent
20:00 16. JANÚAR 2016
Katrín Jakobsdóttir formađur VG og ţingmađur í
Katrín Jakobsdóttir formađur VG og ţingmađur í

Innviðafjárfestingabanki Asíu var formlega stofnaður í Kína í dag með aðkomu fjölda ríkja, þar á meðal Íslands. Tilgangur bankans er að stuðla að sjálfbærri efnahagsþróun svæðisins og sagði Bjarni Benediktsson á Facebook síðu sinni í dag að með aðild opnist aukin tækifæri fyrir íslenskt viðskiptalíf í Asíu.

Frosti Sigurjónsson formaður efnahags- og viðskiptanefndar hefur hinsvegar lýst miklum efasemdum um aðild Íslands og spurt hvers vegna íslenskir skattgreiðendur ættu að leggja til hliðar 2,3 milljarða til að styðja hugsanlega útrás íslenskra fyrirtækja í Asíu, þegar ávinningurinn sé mjög óljós.



Frosti Sigurjónsson formađur efnahags- og viđskiptanefndar mćlti gegn ţví á Alţingi í desember ađ heimild yrđi veitt á fjáraukalögum fyrir 2,3 milljarđa skuldbindingu ríkissjóđs til kaupa á hlut í asíska fjárfestingabankanum.
Frosti Sigurjónsson formađur efnahags- og viđskiptanefndar mćlti gegn ţví á Alţingi í desember ađ heimild yrđi veitt á fjáraukalögum fyrir 2,3 milljarđa skuldbindingu ríkissjóđs til kaupa á hlut í asíska fjárfestingabankanum.

Bankinn hafinn yfir lög og reglur á Íslandi
Á Facebook síðu sinni í dag bendir Frosti auk þess á að Bjarni fari mögulega erindisleysu því Alþingi eigi enn eftir að fullgilda stofnsamning bankans. Eftir á að koma í ljós hvort þingmenn muni samþykkja þingsályktunartillögu þess efnis, því þar er krafist undanþágu bankans og starfsmanna hans frá sköttum og fjármálaeftirliti.

Frosti segir að bankinn verði því í raun hafinn yfir lög og reglur Íslands og alls óvíst hvort almannahagsmunir af aðild séu nægir til að réttlæta það.

Engin tillaga komið fyrir þingið á tæpu ári
Katrín Jakobsdóttir á einnig sæti í efnahags- og viðskiptanefnd. Hún segist ekki vera fyrirfram á móti aðild Íslands að asíska bankanum, en hinsvegar sé full ástæða til að ræða málið. Það hafi enn ekki verið gert, þrátt fyrir að bráðum verði liðið ár síðan ríkisstjórnin ákvað að óska eftir aðild að bankanum.

„Í raun og veru þá ákveður ríkisstjórnin að fara í þessa vegferð síðasta vor, í mars 2015. Málið er kynnt fyrir utanríkismálanefnd, en síðan hefur engin tillaga komið inn í þingið. Hún skilar sér þegar starfsáætlun er útrunnin, 16. desember, og þá er búið að afgreiða fjárheimild. Þannig að í raun og veru hefur enn engin efnisleg umræða um málið farið fram á Alþingi," segir Katrín.



Bjarni Benediktsson fjármálaráđherra var viđstaddur stofnfund Innviđafjárfestingabanka Asíu í Peking í Kína í dag.
Bjarni Benediktsson fjármálaráđherra var viđstaddur stofnfund Innviđafjárfestingabanka Asíu í Peking í Kína í dag.

Ekki einhugur innan stjórnarliðsins
Heildarskuldbinding Íslands verður um 2,3 milljarðar króna, en Bjarni Benediktsson hefur ítrekað að aðeins fimmtungur þeirrar skuldbinginr greiðis á fimm ára tímabili, um 100 milljón krónur á ári. Hann telur ólíklegt að fjárfestingabankinn muni kalla eftir því að fá hin 80% af framlaginu til sín. Bankinn hefur þó alltaf rétt á því.

Katrín segir vaxandi tilhneigingu til þess á þinginu að afgreiða stór mál eins og þetta gegnum fjárlög og fjáraukalög án þess að þau séu tekin fyrir og rædd efnislega. „Þetta eru ekki góð vinnubrögð. Þetta er ávísun á frekari átök, eins og sést núna að það er ekki einu sinni einhugur innan stjórnarliðsins um þessa ákvörðun."


Deila
Athugiđ. Allar athugasemdir eru á ábyrgđ ţeirra er ţćr rita. Vísir hvetur lesendur til ađ halda sig viđ málefnalega umrćđu. Einnig áskilur Vísir sér rétt til ađ fjarlćgja ćrumeiđandi eđa ósćmilegar athugasemdir og ummćli ţeirra sem tjá sig ekki undir eigin nafni.

 

MEST LESIĐ

  • Nýjast á Vísi
  • Mest Lesiđ
  • Fréttir
  • Sport
  • Viđskipti
  • Lífiđ
Forsíđa / Fréttir / Innlent / Ekki góđ vinnubrögđ ađ skuldbinda Ísland án umrćđu
Fara efst