FÖSTUDAGUR 24. MARS NÝJAST 16:01

Nauđgađi 17 ára samstarfskonu sinni á árshátíđ vinnunnar

FRÉTTIR

Einn tónlistarskóli í Reykjavík fái peningana

 
Innlent
13:54 04. JÚNÍ 2015
Einn tónlistarskóli í Reykjavík fái peningana
FRÉTTABLAĐIĐ/PJETUR

Ráðgert er að veita allt fjármagn ríkisins sem ætlað er til framhaldsnáms í tónlist til eins tónlistarskóla í Reykjavík. Sveitarfélög munu þar með reka sína tónlistarskóla án fjárframlags frá ríkinu.

Þetta kemur fram í greinargerð starfshóps sem 25 manna hópur tónlistarskólastjóra af öllu landinu undirritar. Þar eru þessar hugmyndir um breytingar á uppbyggingu tónlistarnáms á framhaldsstigi harðlega gagnrýndar og áhyggjur viðraðar af aðgengi nemenda og jafnrétti til náms.

Unnið er að málinu í ráðuneytinu og var nýverið skipaður starfshópur um nýtt fyrirkomulag á stuðningi ríkisins við námið. Ekki var leitað til samtaka tónlistarskóla eða tónlistarkennara um aðkomu að nefndinni. Starfshópurinn hefur ekki enn komið saman..

Bréf vegna málsins hefur verið sent þingmönnum allra flokka, borgarfulltrúum, sveitarstjórnarmönnum og öðrum sem málið varðar.

Árni Harðarson, skólastjóri Tónlistarskóla Kópavogs, annar þeirra sem undirritar greinargerðina, sýnist sem grunnhugmyndin snúist um að hverfa aftur um nokkur ár og aftengja samkomulag ríkisins og Sambands sveitarfélaga frá 2011 um eflingu tónlistarnáms og jöfnun á aðstöðumun nemenda til tónlistarnáms. Samkvæmt núgildandi lögum eru tónlistarskól­arnir á ábyrgð sveitarfélaganna en ríkið hefur lagt tæplega 250 til 300 milljónir í framhaldsnámið samkvæmt samkomulaginu í gegnum Jöfnunar­sjóð sveitarfélaga. Því sé ljóst að sveitarfélögin muni þar með reka sína tónlistarskóla án fjárframlags frá ríkinu, þótt engar mótaðar hugmyndir hafi hann séð.

Í greinargerð skólastjórahópsins segir að ráðherra vilji í stað núverandi fyrirkomulags semja við eina sameinaða stofnun tveggja tón­listar­skóla í Reykjavík; Tónlistarskólans í Reykjavík og Tónlistarskóla FÍH.

„Það virðist vera hugmyndin að koma á legg framhaldsskóla í tónlist,“ segir Árni en veit ekki ­hverjum standi til boða skólavist þar. Nemendafjöldi skólanna tveggja var 239 á síðustu haustönn en á landsvísu ríflega 900. Nemendur á framhaldsstigi í hljóðfæraleik og einsöng í fyrrahaust voru rúmlega 900 – þar af 677 utan þessara tveggja sem stæðu að baki nýja skólanum verði hugmyndirnar að veruleika.

Þær virðast hins vegar þegar nokkuð þroskaðar miðað við bréf sem Söngskóli Sigurðar Demetz fékk 2. mars frá ráðuneytinu. Þar segir að „af hálfu ráðuneytisins er ekki ráðgert að fjárhagslegum stuðningi verði haldið áfram með óbreyttum hætti og verið hefur frá haustmisseri 2011“.


Deila
Athugiđ. Allar athugasemdir eru á ábyrgđ ţeirra er ţćr rita. Vísir hvetur lesendur til ađ halda sig viđ málefnalega umrćđu. Einnig áskilur Vísir sér rétt til ađ fjarlćgja ćrumeiđandi eđa ósćmilegar athugasemdir og ummćli ţeirra sem tjá sig ekki undir eigin nafni.

 

MEST LESIĐ

  • Nýjast á Vísi
  • Mest Lesiđ
  • Fréttir
  • Sport
  • Viđskipti
  • Lífiđ
Forsíđa / Fréttir / Innlent / Einn tónlistarskóli í Reykjavík fái peningana
Fara efst