Edda Heiðrún Backman jarðsungin í dag Hulda Hólmkelsdóttir skrifar 10. október 2016 18:00 Edda Heiðrún Backman var jarðsungin frá Hallgrímskirkju í dag. Vísir/Eyþór Edda Heiðrún Backman var jarðsungin frá Hallgrímskirkju í dag. Edda Heiðrún lést 58 ára að aldri þann 1. október eftir langa baráttu við MND sjúkdóminn. Edda Heiðrún var ein ástsælasta listakona þjóðarinnar. Hún lauk stúdentsprófi árið 1978 og leikaraprófi frá Leiklistarskóla Íslands árið 1983. Hún átti farsælan feril sem leikari til ársins 2004. Þá sneri hún sér að leikstjórastörfum eftir að hafa greinst með MND sjúkdóminn. Árið 2008 hóf hún myndlistarferil þegar hún hóf að mála með munninum, bæði vatnlista- og olíumyndir. Þá var Edda Heiðrún einnig ötul baráttukona fyrir réttindum fatlaðs fólks. Hennar er minnst á minningarsíðum Morgunblaðsins í dag.„Sumum listamönnum er gefin ríkari andagift og hæfileikar en öðrum. Það gerir þá einstaka og dýrmæta. Edda Heiðrún Backman var slíkur listamaður.“Vísir/EyþórAri Matthíasson þjóðleikhússtjóri er einn þeirra sem minnist Eddu Heiðrúnar. „Sumum listamönnum er gefin ríkari andagift og hæfileikar en öðrum. Það gerir þá einstaka og dýrmæta. Edda Heiðrún Backman var slíkur listamaður,“ skrifar Ari. „Ég sat í stiganum í Þjóðleikhúsinu kvöldið eftir að Edda Heiðrún lést því að ég átti ekki sæti, nokkrum þrepum aftar en hún hafði setið fyrir örfáum vikum að horfa á son sinn, Arnmund Ernst, frumsýna og eiga glæsilegt kvöld á sviðinu sem hún hafði unnið marga sigra á. Og ég vissi hvernig Adda leið kvöldið eftir að hann hafði kvatt móður sína, því við sem höfum misst mæður okkar ungir vitum að þar fór sú manneskja í lífinu sem elskaði mann skilyrðislaust, en Addi vildi leika fyrir sig og minningu móður sinnar og fyrir okkur öll eins og hún hafði gert svo ótal sinnum. Og ég fann harminn í brjóstinu og fann fyrir Eddu að horfa á strákinn sinn stolt og glöð eins og hún hafði gert fyrir svo örskömmu.“„Þó Edda sé nú flogin á braut, eins og fallegu fuglarnir á málverkunum hennar, þá mun minning hennar lifa með þjóðinni. Á lífsleið sinni snerti hún ótal strengi og þau áhrif sem hún hafði munu lifa með okkur öllum sem nutum.“Vísir/EyþórÓmar Ragnarsson minnist Eddu Heiðrúnar sem hetju og sigurvegara. „Hetja. Sigurvegari. Fordæmi. Lýsandi kyndill fyrir okkur öll. Stór orð en sönn þegar um sönnustu og mestu sigurvegarana er að ræða, þá sem verða stærstir í ósigrum sínum. Því Edda Heiðrún Backman var slíkur sigurvegari í baráttu við miskunnarlausan og ólæknandi sjúkdóm og háði þá baráttu á þann hátt að lengi verður í minnum haft,“ skrifar Ómar. „Síðasta stóra verkefnið var að stofna samtökin Rödd náttúrunnar í samræmi við stórbrotna hugsjón hennar á sviði umhverfis- og náttúruverndarmála. Ég tel það einhverja mestu gæfu mína að hafa átt þess kost að taka þátt í þessu lokaverkefni lífs hennar með henni og njóta eldmóðs hennar og leiftrandi persónutöfra, djúprar speki, glettni og kímnigáfu á miklum endaspretti hennar í mark lífshlaups síns. Djúp þökk, Edda mín, er drúpi ég höfði og hneigi mig fyrir þér, þegar tjaldið er dregið fyrir í lok þeirrar einstæðu sýningar, sem fólst í jarðvist þinni. Magnús Geir Þórðarson, útvarpsstjóri og fyrrum borgarleikhússtjóri minnist einnig Eddu Heiðrúnar. „Jákvæðni, kjarkur og baráttuþrek Eddu var næstum yfirnáttúrulegt. Í stað þess að leggja árar í bát þegar hún þurfti að stíga af leiksviðinu vegna veikinda sinna þá fann hún kröftum sínum nýjan farveg.“Edda Heiðrún Backman.Vísir/Stefán„Leikhúsið snýst um að gefa og þiggja. Það kunni Edda manna best. Hún naut þess að sækja leikhús og fáir frumsýningargestir voru tryggari en Edda heiðrún. Ætíð mætti hún, þrátt fyrir veikindi sín, í fylgd sinna góðu vina. Edda Heiðrún var dáð fyrir list sína og óþrjótandi lífsþrótt. Hún var ötul baráttukona fyrir réttindum fatlaðra og stóð meðal annars fyrir landssöfnun til uppbyggingar á Grensásdeild. Edda var sannkölluð hetja. Þó Edda sé nú flogin á braut, eins og fallegu fuglarnir á málverkunum hennar, þá mun minning hennar lifa með þjóðinni. Á lífsleið sinni snerti hún ótal strengi og þau áhrif sem hún hafði munu lifa með okkur öllum sem nutum.“ Þá skrifar Auður Ava Ólafsdóttir rithöfundur einnig fallega klausu til minningar um vinkonu sína. „Eiginlega var maður farinn að trúa því í alvöru að sumarið ætlaði að gera undantekningu og vera áfram um kyrrt. Að það yrðu jafnvel tvær árstíðar á úthafseyjunni, líkt og tíðkast sums staðar í útlöndum. Að djúpar lægðarmiðjur heyrðu til sögunni. Alveg eins og það hvarflaði ekki eitt augnablik að manni annað en að Edda myndi upphugsa sniðuga leið til að snúa á þá skrítnu skepnu forlögin og halda áfram að koma okkur á óvart með sínum stórbrotnu tvöþúsund plönum. Eða var ekki enn eitt matarboðið í uppsiglingu á Vatnsstígnum? Og þá kom haustið óvænt á einum sólarhring, með láréttri rigningu og roki og hreinsaði í skyndi allt gullið af reynitrénu í garðinum. Og slökkti á norðurljósunum.“ Mest lesið Ár frá morðtilrauninni: „Reyndi að drepa mig og það var eins og að drekka vatn fyrir hann“ Innlent Fréttamaður Ríkisútvarpsins sakaður um áreitni Innlent Frelsinu fagnað á fjórhjóli sem Sjúkratryggingar greiða ekki niður Innlent Lögreglan fjarlægði „fátæktargildru“ ÖBÍ Innlent Fella niður vörugjöld á vistvæna bíla en hækka á aðra Innlent Dró strax í land með sölu stýriflauga eftir spjallið við Pútín Erlent Gagnrýnir ummæli Elds Smára: „Slökkvum eldinn“ Innlent Oddný Sv. Björgvinsdóttir er látin Innlent Máttu gauka nafni tengdamóðurinnar að Ásthildi Lóu Innlent Tugi heimila sópaði út á haf í Alaska Erlent Fleiri fréttir Fara fram á gæsluvarðhald yfir meintum brennuvargi Fréttamaður Ríkisútvarpsins sakaður um áreitni Um sé að ræða afturför í jafnréttismálum Fella niður vörugjöld á vistvæna bíla en hækka á aðra Máttu gauka nafni tengdamóðurinnar að Ásthildi Lóu Fimm ár fyrir að stinga mann í tvígang í brjóstið Misskilningur að flugvélin hafi breytt um stefnu vegna veðurs Getur ekki sagt til um hvort hún myndi kvitta undir náðun Kouranis Framtíð PCC á Bakka ekki útséð „Ekki á réttri leið“ samþykki samfélagið fátækt Ár frá morðtilrauninni: „Reyndi að drepa mig og það var eins og að drekka vatn fyrir hann“ Oddný Sv. Björgvinsdóttir er látin Uppsagnir hjá Sýn, staða fjölmiðla og trans dans Miðflokksins Bein útsending: Ætlum við að móta okkar eigin framtíð? Lögreglan fjarlægði „fátæktargildru“ ÖBÍ Yfir þúsund börn bíða eftir því að komast til talmeinafræðings Gagnrýnir ummæli Elds Smára: „Slökkvum eldinn“ Frelsinu fagnað á fjórhjóli sem Sjúkratryggingar greiða ekki niður Áætlanir um málsafgreiðslu ráðuneytis brugðust 26 sinnum Vill breytingar á úreltum reglum, sama í hvora áttina Höggvið á hnút svo börnin í Nuuk fái loks nýja skólann Gagnrýna drög að frumvarpi um brottfararstöð: Ætlað að líkjast fangelsi Sex vilja fyrrum embætti Úlfars Enginn matur í ísskápum dæmi um vanrækslu Skoða hvort þurfi að tilkynna samningana til ESA Hverfið gert að umferðareyju raungerist hugmyndir Strætó Skoðar að tilkynna bensínstöðvamálið til ESA og nýtt líf með fjórhjóli Sýrlendingar samþykkja að taka við Kourani Ók á brott eftir að hafa keyrt á hjólandi dreng Átta daga seinkun kostar ríkið nítján milljónir Sjá meira
Edda Heiðrún Backman var jarðsungin frá Hallgrímskirkju í dag. Edda Heiðrún lést 58 ára að aldri þann 1. október eftir langa baráttu við MND sjúkdóminn. Edda Heiðrún var ein ástsælasta listakona þjóðarinnar. Hún lauk stúdentsprófi árið 1978 og leikaraprófi frá Leiklistarskóla Íslands árið 1983. Hún átti farsælan feril sem leikari til ársins 2004. Þá sneri hún sér að leikstjórastörfum eftir að hafa greinst með MND sjúkdóminn. Árið 2008 hóf hún myndlistarferil þegar hún hóf að mála með munninum, bæði vatnlista- og olíumyndir. Þá var Edda Heiðrún einnig ötul baráttukona fyrir réttindum fatlaðs fólks. Hennar er minnst á minningarsíðum Morgunblaðsins í dag.„Sumum listamönnum er gefin ríkari andagift og hæfileikar en öðrum. Það gerir þá einstaka og dýrmæta. Edda Heiðrún Backman var slíkur listamaður.“Vísir/EyþórAri Matthíasson þjóðleikhússtjóri er einn þeirra sem minnist Eddu Heiðrúnar. „Sumum listamönnum er gefin ríkari andagift og hæfileikar en öðrum. Það gerir þá einstaka og dýrmæta. Edda Heiðrún Backman var slíkur listamaður,“ skrifar Ari. „Ég sat í stiganum í Þjóðleikhúsinu kvöldið eftir að Edda Heiðrún lést því að ég átti ekki sæti, nokkrum þrepum aftar en hún hafði setið fyrir örfáum vikum að horfa á son sinn, Arnmund Ernst, frumsýna og eiga glæsilegt kvöld á sviðinu sem hún hafði unnið marga sigra á. Og ég vissi hvernig Adda leið kvöldið eftir að hann hafði kvatt móður sína, því við sem höfum misst mæður okkar ungir vitum að þar fór sú manneskja í lífinu sem elskaði mann skilyrðislaust, en Addi vildi leika fyrir sig og minningu móður sinnar og fyrir okkur öll eins og hún hafði gert svo ótal sinnum. Og ég fann harminn í brjóstinu og fann fyrir Eddu að horfa á strákinn sinn stolt og glöð eins og hún hafði gert fyrir svo örskömmu.“„Þó Edda sé nú flogin á braut, eins og fallegu fuglarnir á málverkunum hennar, þá mun minning hennar lifa með þjóðinni. Á lífsleið sinni snerti hún ótal strengi og þau áhrif sem hún hafði munu lifa með okkur öllum sem nutum.“Vísir/EyþórÓmar Ragnarsson minnist Eddu Heiðrúnar sem hetju og sigurvegara. „Hetja. Sigurvegari. Fordæmi. Lýsandi kyndill fyrir okkur öll. Stór orð en sönn þegar um sönnustu og mestu sigurvegarana er að ræða, þá sem verða stærstir í ósigrum sínum. Því Edda Heiðrún Backman var slíkur sigurvegari í baráttu við miskunnarlausan og ólæknandi sjúkdóm og háði þá baráttu á þann hátt að lengi verður í minnum haft,“ skrifar Ómar. „Síðasta stóra verkefnið var að stofna samtökin Rödd náttúrunnar í samræmi við stórbrotna hugsjón hennar á sviði umhverfis- og náttúruverndarmála. Ég tel það einhverja mestu gæfu mína að hafa átt þess kost að taka þátt í þessu lokaverkefni lífs hennar með henni og njóta eldmóðs hennar og leiftrandi persónutöfra, djúprar speki, glettni og kímnigáfu á miklum endaspretti hennar í mark lífshlaups síns. Djúp þökk, Edda mín, er drúpi ég höfði og hneigi mig fyrir þér, þegar tjaldið er dregið fyrir í lok þeirrar einstæðu sýningar, sem fólst í jarðvist þinni. Magnús Geir Þórðarson, útvarpsstjóri og fyrrum borgarleikhússtjóri minnist einnig Eddu Heiðrúnar. „Jákvæðni, kjarkur og baráttuþrek Eddu var næstum yfirnáttúrulegt. Í stað þess að leggja árar í bát þegar hún þurfti að stíga af leiksviðinu vegna veikinda sinna þá fann hún kröftum sínum nýjan farveg.“Edda Heiðrún Backman.Vísir/Stefán„Leikhúsið snýst um að gefa og þiggja. Það kunni Edda manna best. Hún naut þess að sækja leikhús og fáir frumsýningargestir voru tryggari en Edda heiðrún. Ætíð mætti hún, þrátt fyrir veikindi sín, í fylgd sinna góðu vina. Edda Heiðrún var dáð fyrir list sína og óþrjótandi lífsþrótt. Hún var ötul baráttukona fyrir réttindum fatlaðra og stóð meðal annars fyrir landssöfnun til uppbyggingar á Grensásdeild. Edda var sannkölluð hetja. Þó Edda sé nú flogin á braut, eins og fallegu fuglarnir á málverkunum hennar, þá mun minning hennar lifa með þjóðinni. Á lífsleið sinni snerti hún ótal strengi og þau áhrif sem hún hafði munu lifa með okkur öllum sem nutum.“ Þá skrifar Auður Ava Ólafsdóttir rithöfundur einnig fallega klausu til minningar um vinkonu sína. „Eiginlega var maður farinn að trúa því í alvöru að sumarið ætlaði að gera undantekningu og vera áfram um kyrrt. Að það yrðu jafnvel tvær árstíðar á úthafseyjunni, líkt og tíðkast sums staðar í útlöndum. Að djúpar lægðarmiðjur heyrðu til sögunni. Alveg eins og það hvarflaði ekki eitt augnablik að manni annað en að Edda myndi upphugsa sniðuga leið til að snúa á þá skrítnu skepnu forlögin og halda áfram að koma okkur á óvart með sínum stórbrotnu tvöþúsund plönum. Eða var ekki enn eitt matarboðið í uppsiglingu á Vatnsstígnum? Og þá kom haustið óvænt á einum sólarhring, með láréttri rigningu og roki og hreinsaði í skyndi allt gullið af reynitrénu í garðinum. Og slökkti á norðurljósunum.“
Mest lesið Ár frá morðtilrauninni: „Reyndi að drepa mig og það var eins og að drekka vatn fyrir hann“ Innlent Fréttamaður Ríkisútvarpsins sakaður um áreitni Innlent Frelsinu fagnað á fjórhjóli sem Sjúkratryggingar greiða ekki niður Innlent Lögreglan fjarlægði „fátæktargildru“ ÖBÍ Innlent Fella niður vörugjöld á vistvæna bíla en hækka á aðra Innlent Dró strax í land með sölu stýriflauga eftir spjallið við Pútín Erlent Gagnrýnir ummæli Elds Smára: „Slökkvum eldinn“ Innlent Oddný Sv. Björgvinsdóttir er látin Innlent Máttu gauka nafni tengdamóðurinnar að Ásthildi Lóu Innlent Tugi heimila sópaði út á haf í Alaska Erlent Fleiri fréttir Fara fram á gæsluvarðhald yfir meintum brennuvargi Fréttamaður Ríkisútvarpsins sakaður um áreitni Um sé að ræða afturför í jafnréttismálum Fella niður vörugjöld á vistvæna bíla en hækka á aðra Máttu gauka nafni tengdamóðurinnar að Ásthildi Lóu Fimm ár fyrir að stinga mann í tvígang í brjóstið Misskilningur að flugvélin hafi breytt um stefnu vegna veðurs Getur ekki sagt til um hvort hún myndi kvitta undir náðun Kouranis Framtíð PCC á Bakka ekki útséð „Ekki á réttri leið“ samþykki samfélagið fátækt Ár frá morðtilrauninni: „Reyndi að drepa mig og það var eins og að drekka vatn fyrir hann“ Oddný Sv. Björgvinsdóttir er látin Uppsagnir hjá Sýn, staða fjölmiðla og trans dans Miðflokksins Bein útsending: Ætlum við að móta okkar eigin framtíð? Lögreglan fjarlægði „fátæktargildru“ ÖBÍ Yfir þúsund börn bíða eftir því að komast til talmeinafræðings Gagnrýnir ummæli Elds Smára: „Slökkvum eldinn“ Frelsinu fagnað á fjórhjóli sem Sjúkratryggingar greiða ekki niður Áætlanir um málsafgreiðslu ráðuneytis brugðust 26 sinnum Vill breytingar á úreltum reglum, sama í hvora áttina Höggvið á hnút svo börnin í Nuuk fái loks nýja skólann Gagnrýna drög að frumvarpi um brottfararstöð: Ætlað að líkjast fangelsi Sex vilja fyrrum embætti Úlfars Enginn matur í ísskápum dæmi um vanrækslu Skoða hvort þurfi að tilkynna samningana til ESA Hverfið gert að umferðareyju raungerist hugmyndir Strætó Skoðar að tilkynna bensínstöðvamálið til ESA og nýtt líf með fjórhjóli Sýrlendingar samþykkja að taka við Kourani Ók á brott eftir að hafa keyrt á hjólandi dreng Átta daga seinkun kostar ríkið nítján milljónir Sjá meira