Fréttir

Fá Barna­verndar­mál leiða til á­kæru og Herkastalinn í nýjar hendur

Um tuttugu prósent þeirra mála sem Barnavernd vísar til lögreglu, þar sem grunur er um alvarlegt ofbeldi gegn börnum, leiða til ákæru. Félagsráðgjafi segir málin mjög viðkvæm og sönnunarbyrðina þunga. Fjallað verður um málið í kvöldfréttum Stöðvar 2.

Innlent 5.6.2025 18:11

Ís­land, þvert á flokka boðar til annarra mót­mæla

Hópurinn Ísland, þvert á flokka hefur boðað til annars mótmælafundar á Austurvelli gegn stefnu stjórnvalda í útlendingamálum. Til stimpinga kom á milli mótmælenda og gagnmótmælenda síðastliðinn laugardag.

Innlent 5.6.2025 18:11

Parísarhjólið rís á ný

Reykjavíkurborg hyggst endurtaka leikinn frá síðasta sumri og semur við Taylor's Tivoli Iceland um uppsetningu á parísarhjóli í miðborginni.

Innlent 5.6.2025 17:41

Lög­regla fann bak­poka fullan af skil­ríkjum

Lögreglumenn á lögreglustöð þrjú sem sinnir verkefnum í Kópavogi og Breiðholti fann bakpoka fullan af skilríkjum. Hún lagði hald á skilríkin og skilaði þeim aftur til eiganda.

Innlent 5.6.2025 17:12

Trump segist „mjög von­svikinn“ út í Elon og ekki viss um að þeir geti átt gott sam­band

Donald Trump Bandaríkjaforseti segist verulega svekktur út í Elon Musk, auðugasta mann heims og einn nánasta samstarfsmann sinn til langs tíma. Gagnrýni hans á fjárlagafrumvarp sem Trump og félagar reyna nú að fá samþykkt virðist hafa fallið í grýttan jarðveg hjá forsetanum.

Erlent 5.6.2025 17:02

Braust inn hjá vin­sælum hársnyrti og hafði af honum vega­bréfið

Jad Mar hársnyrti brá heldur í brún þegar hann mætti í vinnuna í morgun og sá að brotist hafi verið inn á hársnyrtistofu hans í Garðabæ. Hann segir að þjófurinn hafi numið á brott reiðufé, rakvélar og jafnvel vegabréf.

Innlent 5.6.2025 16:58

Sérsveitin kölluð út vegna vopnaðs manns

Sérsveit ríkislögreglustjóra var kölluð út til aðstoðar lögreglunni á höfuðborgarsvæðinu við útkall á Frakkastíg við Hverfisgötu. Tilkynnt var um mann vopnaðan hníf. Hann hafði ekki uppi ógnandi framferði og engan sakaði.

Innlent 5.6.2025 16:39

Ferða­maður ók húsbíl niður göngu­stíg

Ferðamaður ók húsbíl inn á göngustíg við gatnamót Laugavegs og Kringlumýrarbrautar eftir að hafa næstum ekið yfir gangandi vegfaranda á gangbraut gatnanna á milli. Útleigjandinn segir það ekki á ábyrgð bílaleiga að upplýsa leigjendur um að forðast eigi að aka á göngustígum.

Innlent 5.6.2025 16:16

Biðjast af­sökunar á um­mælum björgunarmanns

Björgunarsveitin Dalvík hefur leiðrétt og beðist afsökunar á „full hvössum“ ummælum björgunarmanns sem sagði að sveitin hefði ítrekað sinnt útköllum á ákveðnum sveitarbæ. Sveitin harmar að ummælin hafi orðið ábúendum til ama.

Innlent 5.6.2025 15:59

Dómar fólks sem sótti fíkni­efni fyrir salann sinn mildaðir

Dómar tveggja vegna innflutnings mikils magns amfetamínsbasa hafa verið mildaðir úr þremur árum í tvö í Landsrétti. Málið sneri að eiturlyfjasala sem gerði viðskiptavini sína út í fíkniefnaviðskiptum. Sex ára dómur eiturlyfjasalans stendur.

Innlent 5.6.2025 15:23

Dómur yfir Erni Geir­dal mildaður

Landsréttur hefur dæmt Örn Geirdal Steinólfsson í fimm ára fangelsi fyrir manndrápstilraun í Vesturbæ Reykjavíkur í janúar í fyrra. Hann þarf að greiða karlmanni sem hann veitti lífshættulega áverka 2,2 milljónir króna í miskabætur.

Innlent 5.6.2025 15:20

Ó­skýrt hvort loftbyssuskot að hin­segin fólki hafi verið hatursglæpur

Hópur hinsegin og trans fólks var að stíga út úr leigubíl á Laugaveginum í gær þegar skotið var að honum úr loftbyssu. Samskipta- og kynningarstýra Samtakanna 78 segir óskýrt hvort um hatursglæp hafi verið að ræða en tilkynnir málið engu að síður til lögreglu. 

Innlent 5.6.2025 14:52

Ljósmyndaskólinn lokar dyrum sínum: „Þetta er mikil sorg“

Ljósmyndaskólinn lokar dyrum sínum á næsta ári þar sem reksturinn hefur reynst erfiður síðustu ár. Nemendur fá þó að klára nám sitt við skólann áður en hann lokar. Skólastjórnendur vonast til þess að námið verði fært inn í aðra menntastofnun.

Innlent 5.6.2025 14:51

Málinu lokið með sátt: „Við erum mjög sáttar með niður­stöðuna“

Máli þeirra Fjólu Sigurðardóttur og Davíðs Goða Þorvarðarsonar á hendur Eddu Falak, vegna hlaðvarpsins Eigin kvenna, hefur verið lokið með dómsátt. Þau kröfðu Eddu um þrjátíu milljónir króna en lögmaður Eddu segir hana mjög sátta með niðurstöðuna.

Innlent 5.6.2025 14:02

Fimm­tíu vilja nýja stöðu verkefnastjóra sam­skipta

Fimmtíu sóttu um nýja stöðu verkefnastjóra samskipta hjá umhverfis-, orku- og loftslagsráðuneytinu. Stór verkefni eru sögð fram undan, sem kalli á mikla upplýsingagjöf, en upplýsingafulltrúi er þegar starfandi í ráðuneytinu.

Innlent 5.6.2025 13:36

Metfjöldi barna í Kvenna­at­hvarfinu

Metfjöldi barna hefur dvalið það sem af er ári í Kvennaathvarfinu. Framkvæmdastýra segir ofbeldi alvarlegra og meira og erfitt að horfa upp á stöðuga fjölgun ofbeldismála. Á sama tíma sé erfiðara að losna undan slíku ofbeldi.

Innlent 5.6.2025 13:00

Þaggaði niður í þing­mönnum sem sögðu Krist­rúnu snúa út úr

Forsætisráðherra segist hafa áhyggjur af framleiðni og vinnu þingsins og í hvað það eyðir tíma. Þetta sagði hún í svari við fyrirspurn þingmanns Miðflokksins í óundirbúnum fyrirspurnum um samheldni ríkisstjórnarinnar. Uppúr sauð og þurfti forseti Alþingis að þagga niður í þingmönnum.

Innlent 5.6.2025 12:59

Á­kærð fyrir að myrða táning en líkið enn ófundið

Lögreglan í Queensland í Ástralíu hefur ákært mann og konu sem bjuggu með sautján ára stúlku sem hvarf sporlaust. Fólkið hefur verið ákært fyrir morð og fyrir að illa meðferð á líki en líkið er þó enn ófundið.

Erlent 5.6.2025 12:57

Ekkert sem bendi til þess að Víðir hafi stigið yfir strikið

Sérfræðingur í stjórnsýslurétti segir ekkert komið fram svo hægt sé að slá því föstu að formaður allsherjar og menntamála hafi brotið gegn lögum eða reglum með pólitískum afskiptum sínum af störfum Útlendingastofnunar. Málefnaleg rök geti legið fyrir því að Oscar Bocanegra hafi verið einn tekinn út fyrir sviga af þeim nítján sem voru á framkvæmdarlista um brottvísun.

Innlent 5.6.2025 12:30

Leigu­bíl­stjórar ó­sáttir við lokun skúrsins: „Aumingja­skapur í þeim“

Leigubílstjórar eru ósáttir við ákvörðun Isavia um að loka umdeildum kaffiskúr á Keflavíkurflugvelli sem leigubílstjórar höfðu afnot af þar til hann var lagður undir bænahald. Þeir segja allt of langa göngufjarlægð milli leigubílastæðanna og flugstöðvarinnar þangað sem þeir eiga nú að sækja kaffisopa og komast á klósettið.

Innlent 5.6.2025 12:14

„Þetta er úr­koma sem má vænta á ein­hverra ára­tuga fresti“

Sú mikla úrkoma sem hefur mælst í vatnsveðrinu fyrir norðan er veðuratburður sem vænta má á nokkurra áratugafresti að sögn ofanflóðasérfræðings. Slökkviliðsstjóri Fjallabyggðar segir útlitið bjartara en það var í gær því dregið hefur úr úrkomu en áfram er skriðu-og snjóflóðahætta.

Innlent 5.6.2025 12:01