Viðskipti innlent

Bannað að framselja varanlegar aflaheimildir

Í frumvarpi því um breytingar á kvótakerfinu sem sent verður þingflokkum ríkisstjórnarflokkanna er alfarið bannað að framselja varanlegar aflaheimildir. Áfram verður hinsvegar hægt að framselja leigukvóta, það er kvóta til eins árs.

Aðrar helstu breytingar, samkvæmt heimildum fréttastofu, eru að útgerðir leigi út aflaheimildir til 15 ára í senn með möguleika á að endurnýja leigusamningana þegar tímabilið er hálfnað.

Þá er gert ráð fyrir að veiðigjaldið hækki um helming og fari í 5 milljarða kr. á ári. Af þessum 5 milljörðum er gert ráð fyrir að sjávarútvegsbyggðir um allt landið fái 30% eða 1,5 milljarð kr. í sinn hlut.

Sérstök ákvæði eru um svokallaða potta í frumvarpinu. Þannig er gert ráð fyrir að 8% kvótans fari í byggðapott eða kvóta sem úthlutað er til sjávarplássa á landsbyggðinni. Hlutfall þessara potta verði svo aukið í 15% á næstu fimmtán árum.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið