Umfjöllun, viðtöl og myndir: Valur - Haukar 25-21 | Valsmenn komnir á blað Ingvi Þór Sæmundsson í Valshöllinni skrifar 22. september 2016 21:30 Valur vann sinn fyrsta leik í Olís-deild karla á tímabilinu þegar Íslandsmeistarar Hauka komu í heimsókn á Hlíðarenda í kvöld. Lokatölur 25-21, Val í vil. Fyrri hálfleikurinn var jafn en Valsmenn náðu aðeins að slíta sig frá Haukum undir lok hans og fóru með þriggja marka forystu, 14-11, til búningsherbergja. Heimamenn hófu svo seinni hálfleikinn af fítonskrafti, skoruðu fyrstu fjögur mörk hans og náðu sjö marka forystu, 18-11. Það bil reyndist of breitt fyrir Íslandsmeistarana sem voru ólíkir sjálfum sér í kvöld. Haukar fóru skelfilega illa með færin sín í fyrri hálfleik en í þeim seinni áttu þeir í mestu vandræðum með að finna lausnir á sterkum varnarleik Vals. Alltof margir leikmenn Hauka spiluðu undir pari og sóknarleikurinn var hægur og fyrirsjáanlegur. Á meðan voru Valsmenn afar skynsamir í sínum sóknarleik og fóru sér að engu óðslega. Tapaðir boltar voru full margir í fyrri hálfleik en þeim fækkaði í þeim seinni. Króatíska skyttan Josip Juric lék sinn fyrsta leik fyrir Val í kvöld og stóð sig vel. Hann skoraði fimm mörk og var ógnandi. Anton Rúnarsson átti sömuleiðis góðan leik sem og Ýmir Örn Gíslason sem leysti stöðu hægri skyttu virkilega vel. Anton var markahæstur í liði Vals með sex mörk en Juric og Vignir Stefánsson komu næstir með fimm mörk hvor. Hjá Haukum var Adam Haukur Baumruk atkvæðamestur með sex mörk og Guðmundur Árni Ólafsson, sem sá boltann varla í seinni hálfleik, kom næstur með fjögur mörk. Markverðir liðanna áttu báðir góðan leik. Hlynur Morthens varði 13 skot í marki Vals, mörg hver á mikilvægum augnablikum, á meðan Giedrius Morkunas tók 21 skot í Haukamarkinu. Bæði lið eru með tvö stig eftir fyrstu fjórar umferðirnar sem langt undir væntingum, sérstaklega hjá Haukum sem eru búnir að tapa jafn mörgum leikjum og þeir gerðu allt tímabilið í Olís-deildinni í fyrra.Guðlaugur: Spiluðum vel í 60 mínútur Guðlaugur Arnarsson, annar þjálfara Vals, kvaðst ánægður með frammistöðu sinna manna í kvöld. „Við spiluðum vel í 60 mínútur og það var enginn vondur kafli í leiknum. Vörn, markvarsla og heilsteyptur sóknarleikur skóp þetta,“ sagði Guðlaugur eftir leik. „Við áttum góðan leik og vorum í raun betri á öllum sviðum.“ Varnarleikur Vals var mjög öflugur, þá sérstaklega í seinni hálfleik þar sem Haukar áttu í mestu vandræðum með að skapa sér færi. „Ég er ánægður með hvernig við stigum upp í vörninni. Þetta var besti varnarleikur sem við höfum sýnt á tímabilinu og ég er ánægður með framfarirnar þar,“ sagði Guðlaugur. Þetta var fyrsti sigur Valsmanna á tímabilinu en þeir fóru hægt af stað og töpuðu fyrstu þremur leikjum sínum. En eru Valsmenn loksins komnir í gang? „Ég myndi segja það,“ sagði Guðlaugur ákveðinn að lokum.Gunnar: Byrjunin á tímabilinu vonbrigði Gunnar Magnússon, þjálfari Hauka, sagði slakan sóknarleik hafa orðið sínum mönnum að falli gegn Val í kvöld. „Sóknin var ekki nógu beitt. Við vorum óvenju staðir og hægir þar og það vantaði flæði og hraða. Svo þurfum við að gefa Bubba [Hlyni Morthens, markverði Vals] kredit, hann tók mörg dauðafæri, sérstaklega í fyrri hálfleik. Það gerði okkur erfitt fyrir,“ sagði Gunnar. Valsmenn leiddu með þremur mörkum í hálfleik, 14-11, og skoruðu svo fyrstu fjögur mörkin í seinni hálfleik. „Við vorum lengi í gang og brotnuðum kannski aðeins. Ég held við höfum farið með 8-9 dauðafæri í fyrri hálfleik sem var erfitt. En við komum til baka eftir mótlætið í byrjun seinni hálfleiks og fengum tækifæri til að komast inn í leikinn,“ sagði Gunnar. En hvað vantaði upp á svo Haukar næðu að jafna metin undir lok leiksins? „Betri nýtingu og betri sóknarleik. Við erum ánægðir með vörnina. Það er erfitt að eiga við þá því þeir fá að spila mjög lengi,“ sagði Gunnar sem er ósáttur með uppskeruna til þessa á tímabilinu en Haukar eru aðeins með tvö stig eftir fyrstu fjórar umferðirnar. „Þetta eru vonbrigði. Ég er ekki ánægður með þetta og við þurfum að vinna vel í okkar málum og leggja mikið á okkur,“ sagði Gunnar að endingu. Olís-deild karla Mest lesið Harma auglýsingar á gólfi og vilja banna þær eftir meiðsli Martins Körfubolti Segir aðeins þau hlutlausu hafa skemmt sér yfir fótbolta Ten Hag Enski boltinn Rangnick hafnar Bayern München Fótbolti Fengið nóg af því að vera ruslakista fyrir viðbjóð frá fólki Körfubolti Drakk átta bjóra fyrir beina útsendingu Fótbolti Veikur og meiddur Doncic fór á kostum og Boston flaug áfram Körfubolti Ómar Ingi skaut Evrópumeisturunum áfram eftir vítakeppni Handbolti FH fékk tvær sektir frá KSÍ Íslenski boltinn Bucks í sögubækurnar eftir sigurinn á Pacers Körfubolti Skúrkurinn endaði sem hetjan Íslenski boltinn Fleiri fréttir Sjáðu dramatísku vítakastskeppnina í Eyjum Elín Jóna færir sig á milli félaga á Jótlandi Ómar Ingi skaut Evrópumeisturunum áfram eftir vítakeppni „Féllu dómar í dag sem voru að mér fannst ansi augljósir“ Óheflaði Eyjapeyinn Kári Kristján: „Töpum aldrei í vítakeppnum“ Uppgjörið: ÍBV - FH 39-38 | ÍBV tryggði sér oddaleik eftir vítakastkeppni Bjarki Már og félagar úr leik Haukakonur sópuðu Fram í sumarfrí og mæta Val í úrslitum Róbert fer frá Drammen og vill spila nærri Andreu Löwen í undanúrslit þrátt fyrir fína frammistöðu Orra Freys „Vantaði meiri breidd til þess að veita þeim harðari keppni“ „Náðum að stilla spennustigið betur í hálfleik“ Uppgjörið: Valur - ÍBV 30-22 | Valskonur mættu með sópinn gegn ÍBV Teitur Örn og félagar í undanúrslit þrátt fyrir tap Aldís Ásta frábær þegar Skara komst í undanúrslit Sigvaldi Björn markahæstur þegar Kolstad komst í úrslit Hrafnhildur Anna til Stjörnunnar Sveinn til Kolstad og vill ólmur læra af Gullerud Valsmenn spila fyrri leikinn á heimavelli Uppgjör,viðtöl og myndir : FH - ÍBV 28-29 | Elmar neitaði að fara í sumarfrí Valsmenn fyrstir í úrslit Evrópukeppni í 44 ár Ættingjarnir ábyggilega þreyttir á manni Sigrar hjá Íslendingaliðunum Óðinn Þór bikarmeistari í Sviss Fimm mörk Hauks þegar Kielce komst í úrslit Arnór stökk til: „Hugsaði að við hefðum engu að tapa“ „Það var ekkert annað í hausnum á mér“ Uppgjörið: Haukar 28-25 Fram | Aftur unnu Haukakonur eftir framlengingu Þórey Anna mögnuð og Valur sigri frá úrslitum „Þá á bara að gefa tilkynningu út af hálfu HSÍ“ Sjá meira
Valur vann sinn fyrsta leik í Olís-deild karla á tímabilinu þegar Íslandsmeistarar Hauka komu í heimsókn á Hlíðarenda í kvöld. Lokatölur 25-21, Val í vil. Fyrri hálfleikurinn var jafn en Valsmenn náðu aðeins að slíta sig frá Haukum undir lok hans og fóru með þriggja marka forystu, 14-11, til búningsherbergja. Heimamenn hófu svo seinni hálfleikinn af fítonskrafti, skoruðu fyrstu fjögur mörk hans og náðu sjö marka forystu, 18-11. Það bil reyndist of breitt fyrir Íslandsmeistarana sem voru ólíkir sjálfum sér í kvöld. Haukar fóru skelfilega illa með færin sín í fyrri hálfleik en í þeim seinni áttu þeir í mestu vandræðum með að finna lausnir á sterkum varnarleik Vals. Alltof margir leikmenn Hauka spiluðu undir pari og sóknarleikurinn var hægur og fyrirsjáanlegur. Á meðan voru Valsmenn afar skynsamir í sínum sóknarleik og fóru sér að engu óðslega. Tapaðir boltar voru full margir í fyrri hálfleik en þeim fækkaði í þeim seinni. Króatíska skyttan Josip Juric lék sinn fyrsta leik fyrir Val í kvöld og stóð sig vel. Hann skoraði fimm mörk og var ógnandi. Anton Rúnarsson átti sömuleiðis góðan leik sem og Ýmir Örn Gíslason sem leysti stöðu hægri skyttu virkilega vel. Anton var markahæstur í liði Vals með sex mörk en Juric og Vignir Stefánsson komu næstir með fimm mörk hvor. Hjá Haukum var Adam Haukur Baumruk atkvæðamestur með sex mörk og Guðmundur Árni Ólafsson, sem sá boltann varla í seinni hálfleik, kom næstur með fjögur mörk. Markverðir liðanna áttu báðir góðan leik. Hlynur Morthens varði 13 skot í marki Vals, mörg hver á mikilvægum augnablikum, á meðan Giedrius Morkunas tók 21 skot í Haukamarkinu. Bæði lið eru með tvö stig eftir fyrstu fjórar umferðirnar sem langt undir væntingum, sérstaklega hjá Haukum sem eru búnir að tapa jafn mörgum leikjum og þeir gerðu allt tímabilið í Olís-deildinni í fyrra.Guðlaugur: Spiluðum vel í 60 mínútur Guðlaugur Arnarsson, annar þjálfara Vals, kvaðst ánægður með frammistöðu sinna manna í kvöld. „Við spiluðum vel í 60 mínútur og það var enginn vondur kafli í leiknum. Vörn, markvarsla og heilsteyptur sóknarleikur skóp þetta,“ sagði Guðlaugur eftir leik. „Við áttum góðan leik og vorum í raun betri á öllum sviðum.“ Varnarleikur Vals var mjög öflugur, þá sérstaklega í seinni hálfleik þar sem Haukar áttu í mestu vandræðum með að skapa sér færi. „Ég er ánægður með hvernig við stigum upp í vörninni. Þetta var besti varnarleikur sem við höfum sýnt á tímabilinu og ég er ánægður með framfarirnar þar,“ sagði Guðlaugur. Þetta var fyrsti sigur Valsmanna á tímabilinu en þeir fóru hægt af stað og töpuðu fyrstu þremur leikjum sínum. En eru Valsmenn loksins komnir í gang? „Ég myndi segja það,“ sagði Guðlaugur ákveðinn að lokum.Gunnar: Byrjunin á tímabilinu vonbrigði Gunnar Magnússon, þjálfari Hauka, sagði slakan sóknarleik hafa orðið sínum mönnum að falli gegn Val í kvöld. „Sóknin var ekki nógu beitt. Við vorum óvenju staðir og hægir þar og það vantaði flæði og hraða. Svo þurfum við að gefa Bubba [Hlyni Morthens, markverði Vals] kredit, hann tók mörg dauðafæri, sérstaklega í fyrri hálfleik. Það gerði okkur erfitt fyrir,“ sagði Gunnar. Valsmenn leiddu með þremur mörkum í hálfleik, 14-11, og skoruðu svo fyrstu fjögur mörkin í seinni hálfleik. „Við vorum lengi í gang og brotnuðum kannski aðeins. Ég held við höfum farið með 8-9 dauðafæri í fyrri hálfleik sem var erfitt. En við komum til baka eftir mótlætið í byrjun seinni hálfleiks og fengum tækifæri til að komast inn í leikinn,“ sagði Gunnar. En hvað vantaði upp á svo Haukar næðu að jafna metin undir lok leiksins? „Betri nýtingu og betri sóknarleik. Við erum ánægðir með vörnina. Það er erfitt að eiga við þá því þeir fá að spila mjög lengi,“ sagði Gunnar sem er ósáttur með uppskeruna til þessa á tímabilinu en Haukar eru aðeins með tvö stig eftir fyrstu fjórar umferðirnar. „Þetta eru vonbrigði. Ég er ekki ánægður með þetta og við þurfum að vinna vel í okkar málum og leggja mikið á okkur,“ sagði Gunnar að endingu.
Olís-deild karla Mest lesið Harma auglýsingar á gólfi og vilja banna þær eftir meiðsli Martins Körfubolti Segir aðeins þau hlutlausu hafa skemmt sér yfir fótbolta Ten Hag Enski boltinn Rangnick hafnar Bayern München Fótbolti Fengið nóg af því að vera ruslakista fyrir viðbjóð frá fólki Körfubolti Drakk átta bjóra fyrir beina útsendingu Fótbolti Veikur og meiddur Doncic fór á kostum og Boston flaug áfram Körfubolti Ómar Ingi skaut Evrópumeisturunum áfram eftir vítakeppni Handbolti FH fékk tvær sektir frá KSÍ Íslenski boltinn Bucks í sögubækurnar eftir sigurinn á Pacers Körfubolti Skúrkurinn endaði sem hetjan Íslenski boltinn Fleiri fréttir Sjáðu dramatísku vítakastskeppnina í Eyjum Elín Jóna færir sig á milli félaga á Jótlandi Ómar Ingi skaut Evrópumeisturunum áfram eftir vítakeppni „Féllu dómar í dag sem voru að mér fannst ansi augljósir“ Óheflaði Eyjapeyinn Kári Kristján: „Töpum aldrei í vítakeppnum“ Uppgjörið: ÍBV - FH 39-38 | ÍBV tryggði sér oddaleik eftir vítakastkeppni Bjarki Már og félagar úr leik Haukakonur sópuðu Fram í sumarfrí og mæta Val í úrslitum Róbert fer frá Drammen og vill spila nærri Andreu Löwen í undanúrslit þrátt fyrir fína frammistöðu Orra Freys „Vantaði meiri breidd til þess að veita þeim harðari keppni“ „Náðum að stilla spennustigið betur í hálfleik“ Uppgjörið: Valur - ÍBV 30-22 | Valskonur mættu með sópinn gegn ÍBV Teitur Örn og félagar í undanúrslit þrátt fyrir tap Aldís Ásta frábær þegar Skara komst í undanúrslit Sigvaldi Björn markahæstur þegar Kolstad komst í úrslit Hrafnhildur Anna til Stjörnunnar Sveinn til Kolstad og vill ólmur læra af Gullerud Valsmenn spila fyrri leikinn á heimavelli Uppgjör,viðtöl og myndir : FH - ÍBV 28-29 | Elmar neitaði að fara í sumarfrí Valsmenn fyrstir í úrslit Evrópukeppni í 44 ár Ættingjarnir ábyggilega þreyttir á manni Sigrar hjá Íslendingaliðunum Óðinn Þór bikarmeistari í Sviss Fimm mörk Hauks þegar Kielce komst í úrslit Arnór stökk til: „Hugsaði að við hefðum engu að tapa“ „Það var ekkert annað í hausnum á mér“ Uppgjörið: Haukar 28-25 Fram | Aftur unnu Haukakonur eftir framlengingu Þórey Anna mögnuð og Valur sigri frá úrslitum „Þá á bara að gefa tilkynningu út af hálfu HSÍ“ Sjá meira