Umfjöllun og viðtöl: ÍBV - Haukar 33-34 | Haukar komnir í 2-0 eftir ótrúlegan leik Guðmundur Tómas Sigfússon í Vestmannaeyjum skrifar 25. apríl 2016 22:00 Úr leik hjá Haukum og ÍBV. vísir/ernir Haukar eru komnir í 2-0 í undanúrslitaeinvígi sínu við ÍBV eftir eins marks sigur í maraþon-leik í kvöld. Staðan var jöfn eftir venjulegan leiktíma og einnig eftir fyrri framlenginguna en Haukamenn innsigluðu sigurinn í síðari framlengingu. Haukar virtust ætla að klára leikinn rétt eftir að seinni hálfleikur byrjaði en þá tóku Hvítu Riddararnir við sér og lyftu þakinu af húsinu. Stuðningur þeirra hjálpaði ÍBV að taka forystuna en þeir voru þremur mörkum yfir þegar fimm mínútur voru eftir af leiknum. Gestirnir sýndu ótrúlegan karakter og jöfnuðu metin þegar þrjátíu sekúndur voru eftir. Í framlengingunni voru Haukar sterkari og leiddu með þremur mörkum þegar 100 sekúndur voru eftir af fyrri framlengingu. Þá sýndi ÍBV ótrúlegan karakter og skoruðu leikmenn liðsins þrjú mörk á þeim tíma. Í síðustu framlengingunni voru Haukar sterkari en Einar Sverrisson klikkaði á síðasta skoti leiksins þegar tíu sekúndur voru eftir. Bæði lið stilltu upp sama leikmannahópi og á laugardaginn þar sem engin meiðsli eða leikbönn voru að trufla menn. Sömu byrjunarlið voru hjá liðunum og virtist uppleggið vera það sama. Haukamenn byrjuðu þennan leik þó mun betur en á Ásvöllum, þeir virtust hreinlega ætla að keyra yfir ÍBV. Hákon Daði Styrmisson var ótrúlegur í leiknum og skoraði 12 mörk, hann skoraði úr ellefu fyrstu skotum sínum og var með 100% nýtingu þegar tæpur klukkutími var liðinn. Hann gjörsamlega raðaði inn mörkum í byrjun en hans lið var alltaf skrefinu á undan ÍBV í dag. Eftir 35 mínútna leik var staðan 11-14 og ekkert sem benti til þess að ÍBV myndi komast aftur inn í leikinn. Þá tók stuðningsmannasveit ÍBV, Hvítu Riddararnir við sér, þakið var við það að rifna af húsinu. ÍBV sneri leiknum við og voru komnir yfir 22-19 þegar fimm mínútur voru eftir. Þá hélt maður að ÍBV ætlaði að klára dæmið. Daðarnir í liði Hauka jöfnuðu þá metin þar sem Hákon Daði skoraði eitt mark og Janus Daði Smárason gerði tvö. Það síðara kom þegar 30 sekúndur voru eftir, Eyjamenn tóku leikhlé þegar þrettán sekúndur voru eftir og ætluðu að galdra fram mark. Þeir reyndu kerfi sem oft er gripið til í svona stöðu og sendu Einar Sverrisson upp í loftið, Einar greip ekki boltann sem barst út fyrir teig. Þar tók Elliði Snær Viðarsson boltann upp og skoraði í markið en dómararnir dæmdu línu á Elliða, því þurfti að grípa til framlengingar. Elliði Snær spilaði stærra hlutverk en hann hefði vanalega gert eftir rautt spjald sem Kári Kristján Kristjánsson fékk. Elliði átti mjög góðan leik en hann er ungur og óreyndur á sínu fyrsta tímabili í meistaraflokki. Hákon Daði braut á Kára en þá var dæmt vítakast, Kári virtist þá fara viljandi með hendurnar í hausinn á Hákoni Daða og héldu margir að hann fengi rautt spjald. Dómararnir komust að þeirri niðurstöðu að Hákon fengi tveggja mínútna brottvísun fyrir brotið og Kári fyrir viðbrögð sín. Þegar þeir voru að labba af vellinum ætlaði Hákon Daði að taka í spaðann á Kára sem virðist hafa misst stjórn á sér í nokkrar sekúndur. Hann myndaði byssu með hendinni og færði hana í áttina að hausnum á Hákoni. Dómarar leiksins voru ekki lengi að sýna Kára rauða spjaldið sem verður að vera ósáttur við sjálfan sig að láta táning leiða sig í svona gildru. Haukarnir virtust miklu betri í framlengingunni, þeir voru tveimur mönnum færri síðustu tvær mínútur fyrri hálfleiks framlengingarinnar. Þeir unnu þann kafla 2-1 þar sem Tjörvi Þorgeirsson skoraði sitt eina mark í leiknum. Hann kom Haukum þremur mörkum yfir. Þeir héldu uppteknum hætti í seinni hálfleik og leiddu með þremur mörkum þegar 100 sekúndur voru eftir. ÍBV tók þá þvílíkan kafla og skoruðu þrjú mörk og jöfnuðu leikinn, í raun alveg lygilegt að ÍBV hafi náð að jafna leikinn. Stemningin sem var þá í húsinu var ótrúleg, ég í raun trúði ekki mínum eigin augum og eyrum. Sjálfur missti ég mig í raun eftir þessa endurkomu en meðbyrinn var allur með ÍBV. Haukar voru í raun ótrúlega sterkir í seinni framlengingunni og komust aftur þremur mörkum yfir. ÍBV klikkaði á víti eftir það, en náðu samt að minnka muninn í eitt mark. Þeir áttu tækifæri til þess að jafna leikinn og koma leiknum í vítakeppni. Einar Sverrisson tók skotið af tíu metrunum sem Giedrius Morkunas varði yfir markið. Leiknum lauk eftir vörsluna og mátti sjá tár í augum Eyjamanna. Haukar geta klárað einvígið á Ásvöllum á föstudag.Arnar: Okkar áhorfendur eru einstakir „Það er margt sem maður getur sagt, maður situr aðeins á sér og bíður aðeins með það,“ sagði Arnar Pétursson, þjálfari ÍBV, eftir leikinn í kvöld. „Frábær leikur og ábyggilega frábær skemmtun fyrir Haukamenn og hlutlausa, við Eyjamenn erum gríðarlega svekktir að ná ekki að klára þetta.“ „Við lögðum áherslu á að strákarnir soguðu í sig orkuna og stemninguna úr stúkunni. Menn gerðu það og við spiluðum frábæran leik fram á 57. - 58. mínútu þegar við fórum að verja það sem við vorum komnir með og verðum ragir. Fram að því spiluðum við frábæran leik og síðan frábærar framlengingar við þá,“ sagði Arnar en leikurinn virtist snúast við eftir rúman hálftíma þar sem stemningin var í hámarki. Ég persónulega hélt að þakið ætlaði af húsinu í Eyjum, slík var stemningin á köflum. Hvað finnst Arnari um þessa stuðningsmenn? „Okkar áhorfendur eru einstakir, það er löngu sannað. Þeir eru okkar áttundi og níundi maður. Það dugði ekki gegn gríðarsterku Hauka liði, þú sérð gæðin í þessu liði.“ „100 sekúndur og þrjú mörk, það sýnir karakterinn í þessum strákum, þeir gefast aldrei upp og grátlegt að nýta þetta ekki til að klára helvítis leikinn.“ Hákon Daði Styrmisson reyndist liðinu mjög erfiður, það hlýtur að vera ljótt að sjá hann fara í Hauka og eiga svona stórleiki á móti ÍBV. „Ég er búinn að segja það áður, ég vildi gjarnan hafa hann í mínu liði. Ég reyndi margt til þess, ég vildi alls ekki sá hann í Haukaliðinu og þetta er það sem maður óttaðist. Hann er okkur mjög erfiður, helvítis melurinn,“ sagði Arnar að lokum í léttum tón eftir grátlegt tap. Olís-deild karla Mest lesið Ómar Ingi skaut Evrópumeisturunum áfram eftir vítakeppni Handbolti FH fékk tvær sektir frá KSÍ Íslenski boltinn Fengið nóg af því að vera ruslakista fyrir viðbjóð frá fólki Körfubolti Bucks í sögubækurnar eftir sigurinn á Pacers Körfubolti Dortmund leiðir þökk sé þrumuskoti Füllkrug Fótbolti Segir aðeins þau hlutlausu hafa skemmt sér yfir fótbolta Ten Hag Enski boltinn „Féllu dómar í dag sem voru að mér fannst ansi augljósir“ Handbolti Elín Jóna færir sig á milli félaga á Jótlandi Handbolti Óheflaði Eyjapeyinn Kári Kristján: „Töpum aldrei í vítakeppnum“ Handbolti Uppgjörið: ÍBV - FH 39-38 | ÍBV tryggði sér oddaleik eftir vítakastkeppni Handbolti Fleiri fréttir Elín Jóna færir sig á milli félaga á Jótlandi Ómar Ingi skaut Evrópumeisturunum áfram eftir vítakeppni „Féllu dómar í dag sem voru að mér fannst ansi augljósir“ Óheflaði Eyjapeyinn Kári Kristján: „Töpum aldrei í vítakeppnum“ Uppgjörið: ÍBV - FH 39-38 | ÍBV tryggði sér oddaleik eftir vítakastkeppni Bjarki Már og félagar úr leik Haukakonur sópuðu Fram í sumarfrí og mæta Val í úrslitum Róbert fer frá Drammen og vill spila nærri Andreu Löwen í undanúrslit þrátt fyrir fína frammistöðu Orra Freys „Vantaði meiri breidd til þess að veita þeim harðari keppni“ „Náðum að stilla spennustigið betur í hálfleik“ Uppgjörið: Valur - ÍBV 30-22 | Valskonur mættu með sópinn gegn ÍBV Teitur Örn og félagar í undanúrslit þrátt fyrir tap Aldís Ásta frábær þegar Skara komst í undanúrslit Sigvaldi Björn markahæstur þegar Kolstad komst í úrslit Hrafnhildur Anna til Stjörnunnar Sveinn til Kolstad og vill ólmur læra af Gullerud Valsmenn spila fyrri leikinn á heimavelli Uppgjör,viðtöl og myndir : FH - ÍBV 28-29 | Elmar neitaði að fara í sumarfrí Valsmenn fyrstir í úrslit Evrópukeppni í 44 ár Ættingjarnir ábyggilega þreyttir á manni Sigrar hjá Íslendingaliðunum Óðinn Þór bikarmeistari í Sviss Fimm mörk Hauks þegar Kielce komst í úrslit Arnór stökk til: „Hugsaði að við hefðum engu að tapa“ „Það var ekkert annað í hausnum á mér“ Uppgjörið: Haukar 28-25 Fram | Aftur unnu Haukakonur eftir framlengingu Þórey Anna mögnuð og Valur sigri frá úrslitum „Þá á bara að gefa tilkynningu út af hálfu HSÍ“ Teitur hafði betur í Íslendingaslagnum Sjá meira
Haukar eru komnir í 2-0 í undanúrslitaeinvígi sínu við ÍBV eftir eins marks sigur í maraþon-leik í kvöld. Staðan var jöfn eftir venjulegan leiktíma og einnig eftir fyrri framlenginguna en Haukamenn innsigluðu sigurinn í síðari framlengingu. Haukar virtust ætla að klára leikinn rétt eftir að seinni hálfleikur byrjaði en þá tóku Hvítu Riddararnir við sér og lyftu þakinu af húsinu. Stuðningur þeirra hjálpaði ÍBV að taka forystuna en þeir voru þremur mörkum yfir þegar fimm mínútur voru eftir af leiknum. Gestirnir sýndu ótrúlegan karakter og jöfnuðu metin þegar þrjátíu sekúndur voru eftir. Í framlengingunni voru Haukar sterkari og leiddu með þremur mörkum þegar 100 sekúndur voru eftir af fyrri framlengingu. Þá sýndi ÍBV ótrúlegan karakter og skoruðu leikmenn liðsins þrjú mörk á þeim tíma. Í síðustu framlengingunni voru Haukar sterkari en Einar Sverrisson klikkaði á síðasta skoti leiksins þegar tíu sekúndur voru eftir. Bæði lið stilltu upp sama leikmannahópi og á laugardaginn þar sem engin meiðsli eða leikbönn voru að trufla menn. Sömu byrjunarlið voru hjá liðunum og virtist uppleggið vera það sama. Haukamenn byrjuðu þennan leik þó mun betur en á Ásvöllum, þeir virtust hreinlega ætla að keyra yfir ÍBV. Hákon Daði Styrmisson var ótrúlegur í leiknum og skoraði 12 mörk, hann skoraði úr ellefu fyrstu skotum sínum og var með 100% nýtingu þegar tæpur klukkutími var liðinn. Hann gjörsamlega raðaði inn mörkum í byrjun en hans lið var alltaf skrefinu á undan ÍBV í dag. Eftir 35 mínútna leik var staðan 11-14 og ekkert sem benti til þess að ÍBV myndi komast aftur inn í leikinn. Þá tók stuðningsmannasveit ÍBV, Hvítu Riddararnir við sér, þakið var við það að rifna af húsinu. ÍBV sneri leiknum við og voru komnir yfir 22-19 þegar fimm mínútur voru eftir. Þá hélt maður að ÍBV ætlaði að klára dæmið. Daðarnir í liði Hauka jöfnuðu þá metin þar sem Hákon Daði skoraði eitt mark og Janus Daði Smárason gerði tvö. Það síðara kom þegar 30 sekúndur voru eftir, Eyjamenn tóku leikhlé þegar þrettán sekúndur voru eftir og ætluðu að galdra fram mark. Þeir reyndu kerfi sem oft er gripið til í svona stöðu og sendu Einar Sverrisson upp í loftið, Einar greip ekki boltann sem barst út fyrir teig. Þar tók Elliði Snær Viðarsson boltann upp og skoraði í markið en dómararnir dæmdu línu á Elliða, því þurfti að grípa til framlengingar. Elliði Snær spilaði stærra hlutverk en hann hefði vanalega gert eftir rautt spjald sem Kári Kristján Kristjánsson fékk. Elliði átti mjög góðan leik en hann er ungur og óreyndur á sínu fyrsta tímabili í meistaraflokki. Hákon Daði braut á Kára en þá var dæmt vítakast, Kári virtist þá fara viljandi með hendurnar í hausinn á Hákoni Daða og héldu margir að hann fengi rautt spjald. Dómararnir komust að þeirri niðurstöðu að Hákon fengi tveggja mínútna brottvísun fyrir brotið og Kári fyrir viðbrögð sín. Þegar þeir voru að labba af vellinum ætlaði Hákon Daði að taka í spaðann á Kára sem virðist hafa misst stjórn á sér í nokkrar sekúndur. Hann myndaði byssu með hendinni og færði hana í áttina að hausnum á Hákoni. Dómarar leiksins voru ekki lengi að sýna Kára rauða spjaldið sem verður að vera ósáttur við sjálfan sig að láta táning leiða sig í svona gildru. Haukarnir virtust miklu betri í framlengingunni, þeir voru tveimur mönnum færri síðustu tvær mínútur fyrri hálfleiks framlengingarinnar. Þeir unnu þann kafla 2-1 þar sem Tjörvi Þorgeirsson skoraði sitt eina mark í leiknum. Hann kom Haukum þremur mörkum yfir. Þeir héldu uppteknum hætti í seinni hálfleik og leiddu með þremur mörkum þegar 100 sekúndur voru eftir. ÍBV tók þá þvílíkan kafla og skoruðu þrjú mörk og jöfnuðu leikinn, í raun alveg lygilegt að ÍBV hafi náð að jafna leikinn. Stemningin sem var þá í húsinu var ótrúleg, ég í raun trúði ekki mínum eigin augum og eyrum. Sjálfur missti ég mig í raun eftir þessa endurkomu en meðbyrinn var allur með ÍBV. Haukar voru í raun ótrúlega sterkir í seinni framlengingunni og komust aftur þremur mörkum yfir. ÍBV klikkaði á víti eftir það, en náðu samt að minnka muninn í eitt mark. Þeir áttu tækifæri til þess að jafna leikinn og koma leiknum í vítakeppni. Einar Sverrisson tók skotið af tíu metrunum sem Giedrius Morkunas varði yfir markið. Leiknum lauk eftir vörsluna og mátti sjá tár í augum Eyjamanna. Haukar geta klárað einvígið á Ásvöllum á föstudag.Arnar: Okkar áhorfendur eru einstakir „Það er margt sem maður getur sagt, maður situr aðeins á sér og bíður aðeins með það,“ sagði Arnar Pétursson, þjálfari ÍBV, eftir leikinn í kvöld. „Frábær leikur og ábyggilega frábær skemmtun fyrir Haukamenn og hlutlausa, við Eyjamenn erum gríðarlega svekktir að ná ekki að klára þetta.“ „Við lögðum áherslu á að strákarnir soguðu í sig orkuna og stemninguna úr stúkunni. Menn gerðu það og við spiluðum frábæran leik fram á 57. - 58. mínútu þegar við fórum að verja það sem við vorum komnir með og verðum ragir. Fram að því spiluðum við frábæran leik og síðan frábærar framlengingar við þá,“ sagði Arnar en leikurinn virtist snúast við eftir rúman hálftíma þar sem stemningin var í hámarki. Ég persónulega hélt að þakið ætlaði af húsinu í Eyjum, slík var stemningin á köflum. Hvað finnst Arnari um þessa stuðningsmenn? „Okkar áhorfendur eru einstakir, það er löngu sannað. Þeir eru okkar áttundi og níundi maður. Það dugði ekki gegn gríðarsterku Hauka liði, þú sérð gæðin í þessu liði.“ „100 sekúndur og þrjú mörk, það sýnir karakterinn í þessum strákum, þeir gefast aldrei upp og grátlegt að nýta þetta ekki til að klára helvítis leikinn.“ Hákon Daði Styrmisson reyndist liðinu mjög erfiður, það hlýtur að vera ljótt að sjá hann fara í Hauka og eiga svona stórleiki á móti ÍBV. „Ég er búinn að segja það áður, ég vildi gjarnan hafa hann í mínu liði. Ég reyndi margt til þess, ég vildi alls ekki sá hann í Haukaliðinu og þetta er það sem maður óttaðist. Hann er okkur mjög erfiður, helvítis melurinn,“ sagði Arnar að lokum í léttum tón eftir grátlegt tap.
Olís-deild karla Mest lesið Ómar Ingi skaut Evrópumeisturunum áfram eftir vítakeppni Handbolti FH fékk tvær sektir frá KSÍ Íslenski boltinn Fengið nóg af því að vera ruslakista fyrir viðbjóð frá fólki Körfubolti Bucks í sögubækurnar eftir sigurinn á Pacers Körfubolti Dortmund leiðir þökk sé þrumuskoti Füllkrug Fótbolti Segir aðeins þau hlutlausu hafa skemmt sér yfir fótbolta Ten Hag Enski boltinn „Féllu dómar í dag sem voru að mér fannst ansi augljósir“ Handbolti Elín Jóna færir sig á milli félaga á Jótlandi Handbolti Óheflaði Eyjapeyinn Kári Kristján: „Töpum aldrei í vítakeppnum“ Handbolti Uppgjörið: ÍBV - FH 39-38 | ÍBV tryggði sér oddaleik eftir vítakastkeppni Handbolti Fleiri fréttir Elín Jóna færir sig á milli félaga á Jótlandi Ómar Ingi skaut Evrópumeisturunum áfram eftir vítakeppni „Féllu dómar í dag sem voru að mér fannst ansi augljósir“ Óheflaði Eyjapeyinn Kári Kristján: „Töpum aldrei í vítakeppnum“ Uppgjörið: ÍBV - FH 39-38 | ÍBV tryggði sér oddaleik eftir vítakastkeppni Bjarki Már og félagar úr leik Haukakonur sópuðu Fram í sumarfrí og mæta Val í úrslitum Róbert fer frá Drammen og vill spila nærri Andreu Löwen í undanúrslit þrátt fyrir fína frammistöðu Orra Freys „Vantaði meiri breidd til þess að veita þeim harðari keppni“ „Náðum að stilla spennustigið betur í hálfleik“ Uppgjörið: Valur - ÍBV 30-22 | Valskonur mættu með sópinn gegn ÍBV Teitur Örn og félagar í undanúrslit þrátt fyrir tap Aldís Ásta frábær þegar Skara komst í undanúrslit Sigvaldi Björn markahæstur þegar Kolstad komst í úrslit Hrafnhildur Anna til Stjörnunnar Sveinn til Kolstad og vill ólmur læra af Gullerud Valsmenn spila fyrri leikinn á heimavelli Uppgjör,viðtöl og myndir : FH - ÍBV 28-29 | Elmar neitaði að fara í sumarfrí Valsmenn fyrstir í úrslit Evrópukeppni í 44 ár Ættingjarnir ábyggilega þreyttir á manni Sigrar hjá Íslendingaliðunum Óðinn Þór bikarmeistari í Sviss Fimm mörk Hauks þegar Kielce komst í úrslit Arnór stökk til: „Hugsaði að við hefðum engu að tapa“ „Það var ekkert annað í hausnum á mér“ Uppgjörið: Haukar 28-25 Fram | Aftur unnu Haukakonur eftir framlengingu Þórey Anna mögnuð og Valur sigri frá úrslitum „Þá á bara að gefa tilkynningu út af hálfu HSÍ“ Teitur hafði betur í Íslendingaslagnum Sjá meira