Innlent

25 ára gamall Íslendingur handtekinn í Taílandi

Valur Grettisson skrifar
Utanríkisráðuneytið staðfestir að maðurinn sé í haldi í Taílandi.
Utanríkisráðuneytið staðfestir að maðurinn sé í haldi í Taílandi.
25 ára gamall Íslendingur hefur verið úrskurðaður í gæsluvarðhald í Taílandi vegna gruns um fíkniefnamisferli. Hann var handtekinn í Bankok, höfuðborg landsins, fyrir þremur dögum.

Utanríkisráðuneytið staðfestir að maðurinn hafi verið handtekinn en vill ekki tjá sig um málið að öðru leytinu til.

Að sögn aðstandanda mannsins gæti hann átt yfir höfði sér allt að 30 ára fangelsi verði hann fundinn sekur. Hann var handtekinn ásamt öðrum karlmanni sem er frá Ástralíu. Ástralinn var með amfetamín undir höndum en Íslendingurinn neitar sök alfarið.

Fíkniefnalöggjöfin í Taílandi er afar ströng og ein sú harðasta í heiminum. Þá er aðbúnaður í fangelsum landsins yfirleitt afar slæmur. Nánar verður fjallað um málið í fréttum Stöðvar 2 í kvöld.

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið