Innlent

Mikilvægt að nemendur hafi val

Hlíðaskóli Nemendur hans eiga forgang í MH og Versló.
Hlíðaskóli Nemendur hans eiga forgang í MH og Versló.

Mikilvægt er að nemendur hafi áfram val um skólagerð, milli bekkjarkerfis og fjölbrautakerfis segir Kristrún G. Guðmundsdóttir, skólastjóri Hlíðaskóla. Framhaldsskólarnir séu með misjafnar áherslur og ekki víst að hverfisskólarnir henti endilega öllum nemendum.

Þær reglur sem giltu í fyrra voru harðlega gagnrýndar. Kristrún bendir á að þær hafi einfaldlega ekki gefist vel, fjöldi ungmenna hafi ekki fengið skólavist fyrr en seint og um síðir. Ráðuneytið virðist hafa lært af því. Nú eigi nemendur að sækja um vist í framhaldsskóla um miðjan apríl, löngu áður en einkunnir liggi fyrir, væntanlega svo hægt verði að kortleggja hvert straumurinn liggur.

Alltaf er viss spenna meðal nemenda í tíunda bekk um vist í framhaldsskóla, en Kristrún segir engan óróleika meðal nemenda í Hlíðaskóla vegna breytinga á reglum um innritun.

„Nemendurnir takast á við sitt nám eins og venjulega og reyna að gera sitt besta.“

- bj

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið