Innlent

Hönnun samgöngumiðstöðvar boðin út í næsta mánuði

Reykjavíkurflugvöllur. Mynd/ Vilhelm.
Reykjavíkurflugvöllur. Mynd/ Vilhelm.

Hönnun samgöngumiðstöðvar á Reykjavíkurflugvelli verður boðin út í næsta mánuði og smíði hafin fyrir áramót, eftir að ríki og borg náðu í gær samkomulagi um skipulagsmál. Samgönguráðherra vonast til að miðstöðin verði tilbúin innan tuttugu mánaða.

Samgöngumiðstöð hefur verið valinn staður á lóð norðan við Loftleiðahótelið. Sérstakur stýrihópur ríkis og borgar gekk í gær frá samkomulagi um öll meginatriði, meðal annars um að fyrsti áfangi verði 3.200 fermetrar, að bílakjallari verði við húsið og að starfsemi BSÍ flytjist einnig í samgöngumiðstöðina ásamt innanlandsfluginu.

Kristján L. Möller samgönguráðherra segir að ákaflega gott samstarf hafi verið við borgaryfirvöld og það sé lykillinn að því að þetta sé að takast. Ríki og borg hafi unnið vel og þétt saman.

Kostnaður er áætlaður um tveir milljarðar króna og munu lífeyrissjóðir fjármagna verkið. Það verður svo endurgreitt með þjónustugjöldum leigutaka og brottfarargjaldi, sem farþegar eru þegar að greiða í innanlandsflugi. Það færist yfir, að sögn ráðherra, og þannig á viðskiptamódelið að ganga upp.

Stefnt er að því hönnun hússins verði boðin út í næsta mánuði og að smíðin hefjist fyrir áramót. Kristján L. Möller telur að hún taki 12-14 mánuði og vonast til að byggingin verði tilbúin um áramótin 2011-2012.







Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


×