Nektardans bannaður á Íslandi

Nektardans hefur verið bannaður á Íslandi en Alþingi samþykkti lög þess eðlis í dag. Alls greiddu 31 þingmaður úr öllum flokkum atkvæði með banninu. Tveir þingmenn Sjálfstæðisflokksins studdu ekki frumvarpið.

Samkvæmt frumvarpinu er bannað að bjóða upp á nektarsýningar eða gera með öðrum hætti út á nekt starfsmanna eða annarra sem á staðnum eru.

Það var Kolbrún Halldórsdóttir, fyrrverandi þingmaður og ráðherra, sem flutti málið fyrst. En fyrsti flutningsmaður nú er Siv Friðleifsdóttir., þingkona Framsóknarflokksins. Steinunn Valdís Óskarsdóttir, þingmaður Samfylkingarinnar sagði bannið sögulegt.