MIĐVIKUDAGUR 22. OKTÓBER NÝJAST 00:04

Kona grýtt til dauđa í nýju myndbandi IS

FRÉTTIR

Gosiđ enn í gangi - fariđ ađ bera á öskufalli

Innlent
06:12 22. MARS 2010
Myndin var tekin í eftirlitsflugi Landhelgisgćslunnar í gćrkvöldi.
Myndin var tekin í eftirlitsflugi Landhelgisgćslunnar í gćrkvöldi. MYND/EGILL

Gosórói í Eyjafjallajökli fór vaxandi um ellefu leytið í gærkvöldi og hélst fram til klukkan þrjú í nótt, að heldur dró úr honum aftur og það er staðan núna í morgunsárið.

Þegar vísindamenn flugu yfir eldstöðvarnar með Landhelgisgæslunni í gærkvöldi voru tíu virkir gosstrókar á gossprungunni og risu sterkustu strókarnir í 100 til 150 metra hæð.

Gossprungan hefur styst frá því í gærmorgun og var í gærkvöldi 300 til 350 metra löng, en hún var allt að 500 metrum í upphafi. Hraun hefur runnið um einn kílómetra til norðausturs frá gossprungunni en ekki var hægt að kanna hraunrennsli til norðvesturs. Sáralítill gosmökkur var í gærkvöldi frá gosinu og undir morgun var útlit fyrir að ekki yrðu truflanir á flugi vegna hans.

Öskufall hófst í Fljótshlíð og alveg til Hvolsvallar í nótt, þar sem bílar eru allir gráir af ösku. Hún er hinsvegar fíngerð, en verið er að taka sýni úr henni til að kanna hvort hún er hættuleg skepnum.

Bændum hefur verið ráðlagt að taka skepnur í hús til öryggis. Mikil umferð var eystra í gærkvöldi en vegirnir upp á Fimmvörðuháls og í Þórsmörk eru lokaðir. Fjölskyldur af 14 bæjum þurftu að gista annarsstaðar í nótt, en verður leyft að sinna skepnum nú í morgunsárið. Það ræðst svo á fundi Almannavarna, sem hefst klukkan níu, hvort fólk fær að flytja aftur heim.



Deila
Athugiđ. Allar athugasemdir eru á ábyrgđ ţeirra er ţćr rita. Vísir hvetur lesendur til ađ halda sig viđ málefnalega umrćđu. Einnig áskilur Vísir sér rétt til ađ fjarlćgja ćrumeiđandi eđa ósćmilegar athugasemdir.

 

MEST LESIĐ

  • Nýjast á Vísi
  • Mest Lesiđ
  • Fréttir
  • Sport
  • Viđskipti
  • Lífiđ
Forsíđa / Fréttir / Innlent / Gosiđ enn í gangi - fariđ ađ bera á öskufalli
Fara efst