Stjórnarformaður OR furðar sig á yfirlýsingum framkvæmdastjóra SA 16. mars 2010 14:58 Guðlaugur G. Sverrisson stjórnarformaður Orkuveitu Reykjavíkur (OR) lýsir furðu sinni á yfirlýsingum framkvæmdastjóra Samtaka atvinnulífsins (SA) í Fréttablaðinu í dag. Í yfirlýsingu um málið segir Guðlaugur að fjárhagsáætlun Orkuveitu Reykjavíkur fyrir yfirstandandi ár gerir ráð fyrir 18 milljarða króna fjárfestingum og eru þetta umfangsmestu framkvæmdir eins aðila á þeim samdráttartímum sem nú eru. Þá er ríkissjóður meðtalinn. „Hjá Orkuveitu Reykjavíkur vinna um 650 manns og hundruð til viðbótar hafa vinnu við núverandi framkvæmdir OR. Þetta eru virkjunarframkvæmdir á Hellisheiði og fráveituframkvæmdir á Vesturlandi og verða þær að meiri hluta fjármagnaðar með lánsfé. Stærsti einstaki fjármögnunaraðili verkefna OR er Evrópski fjárfestingabankinn, sem fjármagnar helming 5. áfanga Hellisheiðarvirkjunar. Var sú fjármögnun líklega fyrsta erlenda fyrirgreiðsla sem barst hingað til lands frá hruni fjármálakerfisins haustið 2008. Það hefur tekið lengri tíma en ráð var fyrir gert að koma atvinnulífi hér á landi aftur á skrið eftir hrunið. Samtök atvinnulífsins sem og samtök launafólks hafa verið í fararbroddi þeirra sem hvatt hafa til nýrra framkvæmda og eggjað stjórnvöld til athafna. Framkvæmdastjóri Samtaka atvinnulífsins hefur þar farið fremstur í flokki og bent á, að fyrirhugaðar virkjanaframkvæmdir og bygging álvers í Helguvík séu þar þyngst á metunum og muni leiða til aukins hagvaxtar og minna atvinnuleysis. Orkuveita Reykjavíkur hefur náð miklum árangri á undanförnum misserum í að hagræða og spara í rekstri eins og árshlutauppgjör fyrirtækisins hafa borið með sér. Stjórn Orkuveitu Reykjavíkur samþykkti á síðasta ári að fara í skuldabréfaútboð til þess að fjármagna þær mannaflsfreku framkvæmdir, sem fyrirtækið stendur fyrir. Skuldabréfin eru með bakábyrgð eigenda Orkuveitu Reykjavíkur. Með skuldabréfaútboðinu var stofnaður flokkur að fjárhæð 10 milljarðar króna og lífeyrissjóðum og öðrum boðin þátttaka í útboðinu. Fjölmargir sjóðir sýndu útboðinu áhuga og þegar eru seld skuldabréf að fjárhæð 5 milljarðar. Með kaupum á skuldabréfunum taka þessir lífeyrissjóðir þátt í endurreisn íslensks atvinnulífs. Það kom verulega á óvart að sá lífeyrissjóður, sem er undir forystu framkvæmdastjóra Samtaka atvinnulífsins, skyldi ekki taka þátt í skuldabréfaútboði OR. Með því vinnur hann gegn hagsmunum félaga sinna og þjóðarinnar í heild. Í viðtali við Fréttablaðið ber framkvæmdastjórinn m.a. við arðgreiðslum Orkuveitu Reykjavíkur til eigenda fyrirtækisins og að gjaldskrár hafi ekki verið hækkaðar „þrátt fyrir að öll tilefni séu til þess." Það er yfirlýst stefna stjórnar OR og eigenda fyrirtækisins að halda aftur af verðhækkunum á þeim þrengingatímum sem neytendur og atvinnurekstur á Íslandi búa við. Arðgreiðslur OR til eigenda hafa verið lækkaðar um helming og renna ekki í vasa eins eða neins, eins og almennt er hjá fyrirtækjum innan Samtaka atvinnulífsins. Arðgreiðslur OR renna til samfélagslegra verkefna á vegum eigendanna og gera sveitarfélögunum kleift að halda aftur af gjaldskrárhækkunum á sinni margþættu þjónustu. OR er fyrirtæki í almannaeigu, hefur samfélagslegri skyldu að gegna og ber þannig að standa vörð um hagsmuni þeirra íbúa sem búa í þeim sveitarfélögum sem eiga fyrirtækið og standa í ábyrgðum fyrir skuldbindingar þess. Orkuveita Reykjavíkur er aðili að Samtökum atvinnulífsins og skýtur það skökku við að framkvæmdastjóri samtakanna, sem jafnframt er stjórnarformaður Gildis, skuli ræða málefni fyrirtækisins með þeim hætti sem hann gerir," segir í yfirlýsingunni. Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Jón nýr formaður bankaráðs Landsbankans Viðskipti innlent Bankaráðið sakar bankasýsluna um aðdróttanir Viðskipti innlent Verðbólgan minnkar en vextirnir hækka Viðskipti innlent Hæstiréttur sker úr um hvort taka hafi mátt bjór úr hillum Viðskipti innlent Eitruð vinnustaðamenning algeng og margfaldar líkur á kulnun Atvinnulíf Töpuðu þremur milljörðum á fyrsta ársfjórðungi Viðskipti innlent Minnsta verðbólga í rúm tvö ár Viðskipti innlent Nú er hægt að elta góða veðrið um landið með kortavef Já.is Samstarf Sækjast eftir fangelsisdómi yfir rafmyntakóngi Viðskipti erlent Farsímatekjur undir væntingum Viðskipti innlent Fleiri fréttir Töpuðu þremur milljörðum á fyrsta ársfjórðungi Farsímatekjur undir væntingum Hæstiréttur sker úr um hvort taka hafi mátt bjór úr hillum Samþykkja helming umsókna um sölu eigna fyrir lok vikunnar Selma nýr formaður Kvenna í orkumálum Verðbólgan minnkar en vextirnir hækka Minnsta verðbólga í rúm tvö ár Tekjuhæsti fyrsti ársfjórðungur í sögu Icelandair Hefja viðræður um kaup á 47 þúsund fermetrum af atvinnuhúsnæði Reynslunni ríkari og opnar Wilson‘s Pizza á ný Stefna að opnun Fiskbúðarinnar við Sundlaugaveg í maí Anna Kristín nýr framkvæmdastjóri hjá atNorth Oculis komið á markað Viðskipti með bréf í Oculis hefjast á morgun Hættir sem fjármálastýra Ljósleiðarans Tekur við stöðu framkvæmdastjóra Grænna skáta Fækkuðu tímum í skriffinnsku um tugi klukkustunda á mánuði Breytinga þörf eigi Landsbankinn ekki að keppa á markaði Jón nýr formaður bankaráðs Landsbankans Sýn hættir við að selja vefmiðla og útvarp Sólin sest fyrir fullt og allt á Sælunni Opna verslun á Keflavíkurflugvelli þar sem Arion var áður Bein útsending: Hraunflæðihermar og hönnun hraunvarna Hafa náð nýjum sölusamningi í Bandaríkjunum Framkvæmdastjóri Jafnréttisstofu til Visku Bein útsending: Hrein tækifæri í orkumálum Fljúga til Wales í haust í tengslum við landsleikina Þau vilja stýra Framkvæmdasýslunni – Ríkiseignum Edda og Helgi bætast í hóp eigenda Expectus Segir frumvarp um húsaleigulög geta leitt til hærra leiguverðs Sjá meira
Guðlaugur G. Sverrisson stjórnarformaður Orkuveitu Reykjavíkur (OR) lýsir furðu sinni á yfirlýsingum framkvæmdastjóra Samtaka atvinnulífsins (SA) í Fréttablaðinu í dag. Í yfirlýsingu um málið segir Guðlaugur að fjárhagsáætlun Orkuveitu Reykjavíkur fyrir yfirstandandi ár gerir ráð fyrir 18 milljarða króna fjárfestingum og eru þetta umfangsmestu framkvæmdir eins aðila á þeim samdráttartímum sem nú eru. Þá er ríkissjóður meðtalinn. „Hjá Orkuveitu Reykjavíkur vinna um 650 manns og hundruð til viðbótar hafa vinnu við núverandi framkvæmdir OR. Þetta eru virkjunarframkvæmdir á Hellisheiði og fráveituframkvæmdir á Vesturlandi og verða þær að meiri hluta fjármagnaðar með lánsfé. Stærsti einstaki fjármögnunaraðili verkefna OR er Evrópski fjárfestingabankinn, sem fjármagnar helming 5. áfanga Hellisheiðarvirkjunar. Var sú fjármögnun líklega fyrsta erlenda fyrirgreiðsla sem barst hingað til lands frá hruni fjármálakerfisins haustið 2008. Það hefur tekið lengri tíma en ráð var fyrir gert að koma atvinnulífi hér á landi aftur á skrið eftir hrunið. Samtök atvinnulífsins sem og samtök launafólks hafa verið í fararbroddi þeirra sem hvatt hafa til nýrra framkvæmda og eggjað stjórnvöld til athafna. Framkvæmdastjóri Samtaka atvinnulífsins hefur þar farið fremstur í flokki og bent á, að fyrirhugaðar virkjanaframkvæmdir og bygging álvers í Helguvík séu þar þyngst á metunum og muni leiða til aukins hagvaxtar og minna atvinnuleysis. Orkuveita Reykjavíkur hefur náð miklum árangri á undanförnum misserum í að hagræða og spara í rekstri eins og árshlutauppgjör fyrirtækisins hafa borið með sér. Stjórn Orkuveitu Reykjavíkur samþykkti á síðasta ári að fara í skuldabréfaútboð til þess að fjármagna þær mannaflsfreku framkvæmdir, sem fyrirtækið stendur fyrir. Skuldabréfin eru með bakábyrgð eigenda Orkuveitu Reykjavíkur. Með skuldabréfaútboðinu var stofnaður flokkur að fjárhæð 10 milljarðar króna og lífeyrissjóðum og öðrum boðin þátttaka í útboðinu. Fjölmargir sjóðir sýndu útboðinu áhuga og þegar eru seld skuldabréf að fjárhæð 5 milljarðar. Með kaupum á skuldabréfunum taka þessir lífeyrissjóðir þátt í endurreisn íslensks atvinnulífs. Það kom verulega á óvart að sá lífeyrissjóður, sem er undir forystu framkvæmdastjóra Samtaka atvinnulífsins, skyldi ekki taka þátt í skuldabréfaútboði OR. Með því vinnur hann gegn hagsmunum félaga sinna og þjóðarinnar í heild. Í viðtali við Fréttablaðið ber framkvæmdastjórinn m.a. við arðgreiðslum Orkuveitu Reykjavíkur til eigenda fyrirtækisins og að gjaldskrár hafi ekki verið hækkaðar „þrátt fyrir að öll tilefni séu til þess." Það er yfirlýst stefna stjórnar OR og eigenda fyrirtækisins að halda aftur af verðhækkunum á þeim þrengingatímum sem neytendur og atvinnurekstur á Íslandi búa við. Arðgreiðslur OR til eigenda hafa verið lækkaðar um helming og renna ekki í vasa eins eða neins, eins og almennt er hjá fyrirtækjum innan Samtaka atvinnulífsins. Arðgreiðslur OR renna til samfélagslegra verkefna á vegum eigendanna og gera sveitarfélögunum kleift að halda aftur af gjaldskrárhækkunum á sinni margþættu þjónustu. OR er fyrirtæki í almannaeigu, hefur samfélagslegri skyldu að gegna og ber þannig að standa vörð um hagsmuni þeirra íbúa sem búa í þeim sveitarfélögum sem eiga fyrirtækið og standa í ábyrgðum fyrir skuldbindingar þess. Orkuveita Reykjavíkur er aðili að Samtökum atvinnulífsins og skýtur það skökku við að framkvæmdastjóri samtakanna, sem jafnframt er stjórnarformaður Gildis, skuli ræða málefni fyrirtækisins með þeim hætti sem hann gerir," segir í yfirlýsingunni.
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Jón nýr formaður bankaráðs Landsbankans Viðskipti innlent Bankaráðið sakar bankasýsluna um aðdróttanir Viðskipti innlent Verðbólgan minnkar en vextirnir hækka Viðskipti innlent Hæstiréttur sker úr um hvort taka hafi mátt bjór úr hillum Viðskipti innlent Eitruð vinnustaðamenning algeng og margfaldar líkur á kulnun Atvinnulíf Töpuðu þremur milljörðum á fyrsta ársfjórðungi Viðskipti innlent Minnsta verðbólga í rúm tvö ár Viðskipti innlent Nú er hægt að elta góða veðrið um landið með kortavef Já.is Samstarf Sækjast eftir fangelsisdómi yfir rafmyntakóngi Viðskipti erlent Farsímatekjur undir væntingum Viðskipti innlent Fleiri fréttir Töpuðu þremur milljörðum á fyrsta ársfjórðungi Farsímatekjur undir væntingum Hæstiréttur sker úr um hvort taka hafi mátt bjór úr hillum Samþykkja helming umsókna um sölu eigna fyrir lok vikunnar Selma nýr formaður Kvenna í orkumálum Verðbólgan minnkar en vextirnir hækka Minnsta verðbólga í rúm tvö ár Tekjuhæsti fyrsti ársfjórðungur í sögu Icelandair Hefja viðræður um kaup á 47 þúsund fermetrum af atvinnuhúsnæði Reynslunni ríkari og opnar Wilson‘s Pizza á ný Stefna að opnun Fiskbúðarinnar við Sundlaugaveg í maí Anna Kristín nýr framkvæmdastjóri hjá atNorth Oculis komið á markað Viðskipti með bréf í Oculis hefjast á morgun Hættir sem fjármálastýra Ljósleiðarans Tekur við stöðu framkvæmdastjóra Grænna skáta Fækkuðu tímum í skriffinnsku um tugi klukkustunda á mánuði Breytinga þörf eigi Landsbankinn ekki að keppa á markaði Jón nýr formaður bankaráðs Landsbankans Sýn hættir við að selja vefmiðla og útvarp Sólin sest fyrir fullt og allt á Sælunni Opna verslun á Keflavíkurflugvelli þar sem Arion var áður Bein útsending: Hraunflæðihermar og hönnun hraunvarna Hafa náð nýjum sölusamningi í Bandaríkjunum Framkvæmdastjóri Jafnréttisstofu til Visku Bein útsending: Hrein tækifæri í orkumálum Fljúga til Wales í haust í tengslum við landsleikina Þau vilja stýra Framkvæmdasýslunni – Ríkiseignum Edda og Helgi bætast í hóp eigenda Expectus Segir frumvarp um húsaleigulög geta leitt til hærra leiguverðs Sjá meira