Siðblindingjar raðast í stjórnunarstöður

Lítið regluverk og krafa um hraða og áhættusækni líkt og verið hefur í fyrirtækjum hér á landi auka líkur á að siðblindingar raðist í áhrifastöður hér á landi. Þetta er meðal þess sem kom fram í fyrirlestri Nönnu Briem geðlæknis.

Siðblint fólk er fullkomlega ófært um að setja sig í spor annarra. Margri þeirra lenda í fangelsi en þeir klárari geta þróað með sér mikla persónutöfra sem fleyta þeim langt.

Gera má ráð fyrir því að hér á landi séu 1500 til 3000 manns með alvarlega siðblindu séu tölur frá Bandaríkjunum heimfærðar hingað.

Í því fyrirtækjaumhverfi sem þróast hefur síðustu ár, það er að segja þar sem regluverk er lítið og krafa er um áhættusækni og skjótar, jafnvel harðsvíraðar, ákvarðanir hefur siðblindu fólki orðið vel ágengt. Rannsóknir sýna að töluvert fleiri siðblindir finnast í stjórnunarstörfum fyrirtækja en annars staðar í samfélaginu.

Nanna Briem geðlæknir telur að hluti af ástæðum fyrir þessu sé sú að siðblindu sé stundum ruglað saman við leiðtogahæfileika. Hún sagði þeir sem hafi rannsakað þetta hvað mest segi þörf á því að skima betur eftir siðblindu við ráðningar. Margir séu sendir í persónuleikapróf til kanna hæfileika þeirra til að gegna mikilvægum störfum til að mynda lögreglumenn en slíkt sé ekki gert þegar fólk höndli með milljaðra.

Aukin þekking á einkennunum siðblindu hefði mátt koma í veg fyrir mikinn skaða á fyrirtækjum til dæmis Enron-hneykslið.