Viðskipti innlent

Fons tekið til gjaldþrotaskipta

Pálmi Haraldsson
Pálmi Haraldsson

Fons, félag athafnamannsins Pálma Haraldssonar, hefur óskað eftir gjaldþrotaskiptum. Kröfur í búið nema um tuttugu milljörðum en eignir á móti eru nokkrar auk þess sem félagið á fjóra milljarða inni á bankabók samkvæmt heimildum Vísis.

Þegar Vísir náði sambandi við Pálma Haraldsson vildi hann lítið tjá sig um málið. „Þetta er hundleiðinlegt en eitthvað sem þurfti að gera. Nú sitja allir við sama borð," segir Pálmi og bætir við að hlutirnir hafi breyst hratt hjá Fons til hins verra. „Fyrir ári var eigið fé Fons um 60 milljarðar og um áramótin um 20 milljarðar. Þetta umhverfi, sem við lifum í dag, er hins vegar þannig að það var ekki raunhæft að halda áfram."

Helstu eignir Fons eru Securitas, stór hlutur í bresku leikfangakeðjunni Hamleys, sænska ferðaskrifstofan Ticket og Plastprent.

Heimildir Vísis herma að íslensku bankarnir, Íslandsbanki, Kaupþing og Landsbankinn, hafi viljað ganga að veðum sínum í eignum Fons og því hafi Pálmi ákveðið að óska eftir gjaldþrotaskiptum.

Gjaldþrot Fons hefur þó engin áhrif á helstu eign Pálma Iceland Express. „Það er annað félag sem á Iceland Express," segir Pálmi og vísar þar til eignarhaldsfélagsins Fengs sem er einnig í eigu hans.









Fleiri fréttir

Sjá meira


Mesta hækkun dagsins


Félag
Br.%
Fjöldi
Velta*
ORIGO
5,11
14
50.451
ICEAIR
2,95
34
234.414
SIMINN
2,83
27
416.767
REGINN
2,29
14
153.964
EIM
2,23
15
226.541

Mesta lækkun dagsins


Félag
Br.%
Fjöldi
Velta*
MARL
-0,39
12
242.543
SYN
-0,23
9
140.003
Velkomin á Vísi. Þessi vefur notar vafrakökur. Sjá nánar.