Íslandshreyfingin stefnir á þingframboð

„Eins og staðan lítur út núna stefnum við að framboði í öllum kjördæmum og miðum okkar starf við það,“ segir Ómar Ragnarsson, formaður Íslandshreyfingarinnar, aðspurður hvort að flokkurinn muni bjóða fram í næstu þingkosningum. Í kosningunum vorið 2007 hlaut flokkurinn 3,3% fylgi og engan mann kjörinn.

Flokkurinn lagði höfuðáherslu á umhverfisvernd. „Sennilegra verður erfiðara nú að leggja áherslu á umhverfismál vegna þess að erum að tala fyrir munn milljóna Íslendinga sem eiga eftir að eiga heima í þessu landi en það er eins og fólk virðist ekki hafa áhuga á framtíðinni. Flestir hugsa um hvernig þeira geta bjargað sínu skinni núna,“ segir Ómar.

Íslandshreyfingin skuldar enn eftir seinustu kosningabaráttu. „Við höfum ekkert að bjóða nema okkur sjálf. Við erum undir það búin að heyja kosningabaráttu sem kostar ekki neitt.“