Innlent

Stal skinkubréfi og raksápu

Skinkubréfið var frá Goða en ekki hráskinka eins og hér sést.
Skinkubréfið var frá Goða en ekki hráskinka eins og hér sést.

Karlmaður var í dag dæmdur í eins mánaðar skilorðsbundið fangelsi í Héraðsdómi Suðurlands fyrir þjófnað. Brotin áttu sér stað í maí á síðasta ári. Þá fór maðurinn fyrst inn í bílskúr á Selfossi og stal þaðan þráðlausu Butler 2500c símtóli og tveimur myndavélarafhlöðum.

Síðar sama kvöld fór hann í verslun Samkaupa á Selfossi og stal þaðan einu áleggsbréfi af Goða skinku og Gilette rakvél ásamt raksápu samtals að verðmæti 1.484 krónur.

Maðurinn játaði brot sín fyrir dómi og var dæmdur í eins mánaðar fangelsi en fresta skal fullunustu refsingarinnar og skal hún falla niður að liðnum tveimur árum haldi hann almennt skilorð. Hann var einnig dæmdur til þess að greiða allan sakarkostnað.







Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið