Ólafur: Frjálslyndir eða sérframboð

19. ágúst 2008 20:00

Ólafur F. Magnússon, fráfarandi borgarstjóri, fullyrðir að hann verði í framboði í næstu borgarstjórnarkosningum. Annað hvort verði hann á framboðslista Frjálslynda flokksins eða hann myndi sérframboð. Þetta kom fram í viðtali Þorfinns Ómarssonar við Ólaf í Íslandi í dag fyrr í kvöld.

Í viðtalinu kom fram að Vilhjálmur Þ. Vilhjálmsson og Kjartan Magnússon hafi gengið að sögn Ólafs á eftir honum í talsverðan tíma til að mynda nýjan meirihluta og slíta Tjarnarkvartettinum svokallaða. Ólafur segir að Vilhjálmur og Kjartan hafi svikið sig. Þeir hafi fullvissað sig um að meirihlutasamstarfi F-lista og sjálfstæðismanna yrði ekki slitið. Ólafur segir að ekki hafi einungis verið um heiðursmannasamkomulag að ræða heldur loforð.

Málefnasamningur F-lista og Sjálfstæðisflokks var að mati Ólafs ,,óeðlilega góður."

Tengdar fréttir

Alikálfi ekki slátrað þótt Ólafur gangi í flokkinn

Jón Magnússon, formaður Frjálslynda flokksins í Reykjavík, segir að innganga Ólafs F. Magnússonar í Frjálslynda flokkinn verði ekki meðhöndluð með neinum öðrum hætti en venjulega. „Af hverju ætti svo að vera? Maðurinn studdi ekki flokkinn við síðustu kosningar og hefur ekki gert það hingað til,“ útskýrir Jón.

19. ágúst 2008 16:45

Margrét: Ólaf vantar einhvern til að borga herkostnaðinn

Ólafur F. Magnússon, fráfarandi borgarstjóri, sem hefur ákveðið að ganga til liðs við Frjálslynda flokksins á nýjan leik gerir það þar sem hann vantar fjárhagslegan stuðning fyrir næstu kosningar, að mati Margrétar Sverrisdóttur, fyrsta varaborgarfulltrúa F-lista og óháðra.

19. ágúst 2008 18:33

Ólafur til liðs við frjálslynda - niðurskurður í vændum hjá borginni

Ólafur F. Magnússon borgarstjóri boðaði til blaðamannafundar klukkan 11:00 í Ráðhúsi Reykjavíkur í morgun. Þar tilkynnti Ólafur að hann hygðist ganga í Frjálslynda flokkinn og bjóða fram undir merkjum hans í næstu kosningum. Ólafur sagðist hafa rætt við Guðjón Arnar Kristjánsson formann flokksins sem styður ákvörðun Ólafs. Á fundinum vitnaði Ólafur einnig í minnisblað sem samið var á fjármálaskrifstofu borgarinnar en þar er gert ráð fyrir því að launakostnaður borgarinnar verði minnkaður um átta prósent auk þess sem dregið verði úr yfirvinnu.

19. ágúst 2008 11:39

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið

Fleiri fréttir