Nokkuð sérstök viðureign fór fram á bökkum Dónár í Vínarborg í gær. Þar áttust við lið Austurríkis og Þýskalands sem voru skipuð ansi fáklæddum leikmönnum.
Liðin voru skipuð fáklæddu kvenfólki sem voru búnar að láta mála landsliðsbúninga Austurríkis og Þýskalands á sig. Þær austurrísku unnu, 10-5.
Landslið Austurríkis og Þýskalands mætast á EM í knattspyrnu í kvöld en bæði lið geta komist áfram í fjórðungsúrslitin með sigri.
„Ég vona að þetta efli strákana," sagði Doris Fastenmeir, 29 ára bankastarfsmaður, í samtali við fréttastofu Reuters. „Við lékum af hörku og urðum meira að segja fyrir einhverjum meiðslum. Ég til að mynda braut tánögl."
