Innlent

Krónprinsparið lenti á Reykjavíkurflugvelli

Friðrik krónprins Danmerkur og kona hans María Elísbet lentu nú á ellefta tímanum á Reykjavíkurflugvelli en hingað eru þau komin í opinbera heimsókn sem stendur fram á fimmtudag.

Hjónin koma hingað í boði forsetahjónanna Ólafs Ragnars Grímssonar og Dorrit Moussaieff og er fyrsti áfangastaður þeirra Bessastaðir.

Meðal þess sem krónprinsparið gerir í heimsókn sinni er að heimsækja grunnskóla, Stofnun Árna Magnússonar og Öskju, hús náttúruvísinda Háskóla Íslands. Þá fer parið í reiðtúr á íslenskum hestum og heimsækir Þingvelli og snæðir þar hádegisverð með forsætisráðherra og eiginkonu hans.

Þá verður Stykkishólmur heimsóttur og sömuleiðis danska herskipið Vædderen sem liggja mun í Reykjavíkurhöfn.

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið