Innlent

Heilbrigðisráðherra ekki starfi sínu vaxinn

Landspítalinn skuldar ellefu hundruð milljónir króna við birgja sem eru gjaldfallnar, segir Alfreð Þorsteinsson fyrrverandi formaður framkvæmdanefndar um byggingu hátæknisjúkrahúss. Ráðherra sem ekki taki á fjárhagsvanda spítalans sé ekki starfi sínu vaxinn.

Alfreð Þorsteinsson gegndi starfi formanns framkvæmdanefndar um byggingu hátæknisjúkrahúss um tveggja ára bil og var nýlega sagt upp störfum. Töluverðar skipulagsbreytingar voru gerðar og skipuð var ný nefnd, þar sem Inga Jóna Þórðardóttir er formaður.

Alfreð segir margt gagnrýnivert við skipulagsbreytingarnar. Það leysi ekki vanda Landspítalans að skipa nefndir út og suður. Hann viti til þess að skuldir spítalans við birgja nemi 1100 milljónum króna og þær séu gjaldfallnar. „Ráðherra sem ræðst ekki að þeim vanda, hann er ekki starfi sínu vaxinn," segir Alfreð.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


×