Meirihluti í Reykjavík suður styður flugvöll í Vatnsmýri

Reykjavíkurflugvöllur er í Reykjavíkurkjördæmi suður en 800 manns voru spurðir hvort þeir teldu að flugvöllurinn ætti að vera áfram í Vatnsmýri eða flytjast annað. Af þeim 500 sem lýstu afstöðu sinni sögðust 52 prósent vilja hafa flugvöllinn áfram í Vatnsmýri en 48 prósent að flytja ætti hann annað. Nokkur munur kom fram á afstöðu eftir búsetu. Þannig sögðust 60 prósent íbúa í vestanverðri borginni, í póstnúmerum 101 til 108, vilja flytja flugvöllinn, meðan 60 prósent íbúar austurborgarinnar, í póstnúmerum 109 til 113, sögðust vilja hafa hann áfram í Vatnsmýri. Nokkur munur var einnig á afstöðu manna eftir því hvaða flokk þeir sögðust styðja. Þannig sögðust 65 prósent kjósenda Samfylkingarinnar í Reykjavíkurkjördæmi suður vilja flytja flugvöllinn, kjósendur Vinstri grænna í kjördæminu skiptust til helminga í afstöðu sinni meðan 60 prósent kjósenda Sjálfstæðisflokks sögðust vilja hafa völlinn áfram í Vatnsmýri.