Karlmaður heimtaði frí vegna óléttu

Suður-Afrískur maður ákvað nýlega að verða sér úti um vikufrí í vinnunni. Hann fór því með kærustu sinni, sem var ólétt, til kvensjúkdómalæknis og stal þar vottorði. Þvínæst fyllti hann það út með sínu nafni og skilaði inn til yfirmanna sinna. Á vottorðinu stóð að hann þyrfti viku frí frá vinnu þar sem hann væri óléttur.

Maðurinn, sem heitir Charles Sibindana og er 27 ára, hafði ekki hugmynd um að aðeins konur færu til kvensjúkdómalækna. Hinir glöggu yfirmenn hans tóku hins vegar eftir ósamræminu og var herra Sibindana að lokum sektaður um 10.000 krónur fyrir að hafa ætlað sér að svíkja út frí.

Dómarinn sem tók málið fyrir varaði herra Sibindana að lokum við því að stela vottorðum frá kvensjúkdómalæknum til þess að svíkja út frí.