Starfrækt í fimmta skipti

Um helgina hleypa Latibær og Glitnir af stokkunum samstarfsverkefni um rekstur Latóhagkerfisins, en það er hagkerfi ætlað börnum 11 ára og yngri. Markmiðið með hagkerfinu er að auðvelda börnum að átta sig á gildi þess að spara peninga, neyta hollrar fæðu, hreyfa sig og taka þátt í uppbyggilegu tómstundastarfi. Þetta kemur fram í fréttatilkynningu frá Latabæ.

Þetta er í fimmta skiptið sem Latóhagkerfið er starfrækt, en með Latóseðlum má meðal annars kaupa aðgang í sundlaugar, Húsdýragarðinn og strætó á höfuðborgarsvæðinu.