FÖSTUDAGUR 30. SEPTEMBER NÝJAST 17:06

Forsćtisráđherra fćr 15 míntútur á flokksţingi Framsóknar

FRÉTTIR

Allt bendir til ađ flokkur forsćtisráđherrans sigri í ţingkosningum í Slóvakíu

 
Erlent
23:34 05. MARS 2016
Robert Fico á kjörstađ í Slóvakíu.
Robert Fico á kjörstađ í Slóvakíu. VÍSIR/EPA

Útgönguspár í Slóvakíu benda til þess að flokkur forsætisráðherrans, Robert Fico, hafi unnið sigur í þingkosningum þar og hlotið á milli 27 og 31 prósent atkvæða. Það er heldur minna en flokkurinn fékk árið 2012 þegar hann vann stórsigur og fékk 44 prósent atkvæða.

Verði úrslitin á þennan veg þarf Fico að finna sér samstarfsflokk í ríkisstjórn ætli hann sér að vera áfram forsætisráðherra en það yrði þá hans þriðja kjörtímabil sem slíkur. Slóvakía tekur við forsæti Evrópusambandsins í júlí af Hollandi en Fico hefur verið harður andstæðingur þess að ríki ESB þurfi að taka við ákveðnum kvóta flóttafólks sem komið hefur til Grikklands og Ítalíu.

Samkvæmt kvótanum myndi Slóvakía taka við 2600 flóttamönnum en á seinasta ári sóttu aðeins 260 manns um hæli í landinu. Fico hefur lofað að taka á móti neinum múslimum en innflytjendastefnu hans svipar til stefnu þjóðarleiðtoga í Póllandi, Tékklandi og Ungverjalandi.

Talið er líklegt að allt að sjö flokkar nái manni inn á þing í kosningunum í Slóvakíu nú en á meðal flokka sem buðu fram er öfgahægriflokkurinn Okkar Slóvakía sem leiddur er af nýnasistanum Marian Kotleba en hann hefur verið svæðisstjóri á Banska Bystrica-svæðinu síðan í nóvember 2013.


Deila
Athugiđ. Allar athugasemdir eru á ábyrgđ ţeirra er ţćr rita. Vísir hvetur lesendur til ađ halda sig viđ málefnalega umrćđu. Einnig áskilur Vísir sér rétt til ađ fjarlćgja ćrumeiđandi eđa ósćmilegar athugasemdir og ummćli ţeirra sem tjá sig ekki undir eigin nafni.

 

MEST LESIĐ

  • Nýjast á Vísi
  • Mest Lesiđ
  • Fréttir
  • Sport
  • Viđskipti
  • Lífiđ
Forsíđa / Fréttir / Erlent / Allt bendir til ađ flokkur forsćtisráđherrans sigri í ţingkosningum í Slóvakíu
Fara efst