„Kerfið hefur algjörlega brugðist“ Sunna Kristín Hilmarsdóttir skrifar 2. maí 2015 13:50 Signa Hrönn Stefánsdóttir og Reynir Svan Sveinbjörnsson með dætur sínar tvær. Mynd/Signa Hrönn Signa Hrönn Stefánsdóttir og maðurinn hennar, Reynir Svan Sveinbjörnsson, keyptu sér íbúð á Akureyri í janúar 2008 og fluttu inn í hana rétt fyrir hrun. Þau fluttu út úr íbúðinni í gær, ásamt tveimur ungum dætrum sínum, þar sem Íbúðalánasjóður keypti íbúðina þann 31. mars síðastliðinn á eina milljón króna. „Við lögðum á sínum tíma 4 milljónir í íbúðina og tókum lán upp á 19 milljónir. Milljónirnar fjórar gufuðu svo upp nokkrum mánuðum eftir hrun og lánið stökkbreyttist. Það stendur nú í tæpum 34 milljónum en við hættum að greiða af því fyrir ári síðan,“ segir Signa í samtali við Vísi.Pössuðu hvorki inn í 110% leiðina né skuldaðlögunina Áður en þau hjónin hættu að greiða af láninu höfðu þau reynt að fara 110% leiðina og einnig sótt um skuldaaðlögun hjá Umboðsmanni skuldara. „Við gerðum eins og bankinn hvatti okkur til á sínum tíma og fengum lánað veð hjá foreldrum okkar. Það kom síðan í ljós að við pössuðum ekki inn í 110% leiðina því lánið hjá Íbúðalánasjóði var 109%. Foreldrar okkar reyndu þá að fara 110% leiðina en það gekk ekki heldur þar sem þau voru ekki að borga af láninu,“ segir Signa. Þau hafi svo heldur ekki fengið skuldaaðlögun hjá Umboðsmanni skuldara því þau voru ekki bæði í 100% vinnu. „Ég er í 50% vinnu á sambýli og vinn á kvöldin og um helgar. Þannig spara ég dagmömmukostnað fyrir yngri dóttur okkar og gat sýnt þeim svart á hvítu að við hefðum hærri tekjur með þessu fyrirkomulagi en ef ég væri í 100% dagvinnu og þyrfti að borga fyrir dagmömmu. Það skipti hins vegar engu og þeir sögðu bara nei.“ Signa segir að þau hafi svo fengið milljón út úr skuldaleiðréttingu ríkisstjórnarinnar. „Ein milljón hjálpar auðvitað ekki neitt svo þessi leiðrétting sem átti að hjálpa öllum hefur ekki gert það.“Lán þeirra hjóna stökkbreyttist í hruninu og peningarnir sem þau höfðu lagt í íbúðina gufuðu upp.Mynd/Signa HrönnBúin að borga 12 milljónir af láninu Á einum tímapunkti fengu Signa og Reynir að heyra að þau stæðu alltaf í skilum og þess vegna væri ekkert hægt að gera fyrir þau. „Við erum búin að borgar 12 milljónir af þessu 19 milljóna króna láni sem við tókum, fyrir utan svo 4 milljónirnar sem gufuðu upp. Þegar við vorum búin að reyna að tala við alla jakkafatamennina, eins og ég kalla þá, í tvö ár og sáum að ekkert yrði hægt að gera ákváðum við að hætta að borga af láninu. Það má eiginlega segja að því lengur sem við borguðum af láninu, því stærri holu grófum við okkur í því það hækkaði bara og hækkaði,“ segir Signa. Þegar þau hættu að borga af íbúðinni fyrir sléttu ári síðan fór ferli í gang sem lauk í gær þegar þau fluttu út úr henni. Þau búa nú hjá foreldrum Signu í 10 fermetra herbergi en stefna á að flytja til Noregs þar sem Reynir hefur verið við vinnu síðustu misseri.Signa og Reynir stefna á að flytja með dætur sínar til Noregs. Mynd/Signa Hrönn„Ekkert hægt að búa hérna með börn“ „Þetta tekur mikið á eldri stelpuna okkar sem er 4 ára. Hún skilur ekkert af hverju hún þarf að flytja úr herberginu sínu og heim til ömmu og afa en vinkona hennar flytur úr sínu herbergi í nýtt hús og fær nýtt herbergi. Það er í rauninni ekkert annað í stöðunni fyrir okkur en að flytja til Noregs. Það er ekkert hægt að búa hérna með börn og þó að fólk segi að allt sé svo dýrt í Noregi þá er kaupmátturinn þar miklu meiri en hér.“ Signa segir að það eigi eftir að koma í ljós hvað verði um 34 milljóna króna lánið. „Við erum auðvitað með það á bakinu. Við eigum aðeins eftir að skoða hvað er best að gera. Nú tökum við í rauninni bara einn dag í einu og sjáum hvað setur.“ Aðspurð hvort henni finnist sem að kerfið hafi brugðist þeim segir hún. „Já, kerfið hefur algjörlega brugðist. Þetta á ekki að vera svona, þetta á ekki að virka svona. Þeir vilja greinilega bara missa allt ungt fólk úr landi því þeir eru ekki að gera neitt. Því miður erum við hvorki þau fyrstu sem lenda í þessu né síðustu, það er fullt af fólki á götunni sem hefur misst húsnæði sitt, en við erum heppin að hafa í hús að venda og að geta verið hér hjá foreldrum mínum. Það eru ekki allir svo heppnir,“ segir Signa að lokum.Í gærkveldi skelltum við Ljómatúni 11 í lás í hinsta sinn eftir ógeðslega erfiðar undafarnar vikur. í þessari íbúð hö...Posted by Signa Hrönn Stefánsdóttir on Friday, 1 May 2015 Mest lesið „Okkur langar að börnin okkar fái öruggan stað til að vera á“ Innlent Leitinni að sundmanninum lokið að sinni Innlent Tapaði 20 milljónum á svipstundu við að samþykkja beiðni Innlent Lífstíðarfangelsi fyrir að selja dóttur sína Erlent Ísrael samþykkir vopnahlé Trumps Erlent Utanríkisráðherra Breta á Íslandi: „Gleður mig að Ísland vill vera með í bandalagi viljugra þjóða“ Innlent Barn fórst í Hvítá í gær Innlent Gróf slagsmál foreldra á fótboltamóti barna reyndust plat Innlent Stærsti óttinn varð að veruleika á þriðja degi af 90 Innlent Fjögurra ára martröð Karlottu lauk með sýknudómi Innlent Fleiri fréttir „Okkur langar að börnin okkar fái öruggan stað til að vera á“ Utanríkisráðherra Breta á Íslandi: „Gleður mig að Ísland vill vera með í bandalagi viljugra þjóða“ Biblíur og Kjarval sameinast í Vestmannaeyjum Tapaði 20 milljónum á svipstundu við að samþykkja beiðni Sjaldséð heimsókn utanríkisráðherra og háar upphæðir sem hverfa Ætla ekki að minnka leyfilegan dagsafla Leitinni að sundmanninum lokið að sinni „Arfavitlaus lausn“ að minnka aflann í hverri veiðiferð Barn fórst í Hvítá í gær Drengurinn er kominn í leitirnar Gróf slagsmál foreldra á fótboltamóti barna reyndust plat Ómetanlegt að koma skilaboðum sinnar kynslóðar á framfæri á svo stórum viðburði Segir ráðgjöf Hafró kippt úr sambandi og „gúmmítékki“ sendur á næstu ríkisstjórn Svæðið sem Veitur vilja girða „óþarflega stórt“ Enn unnið að því að ná dráttarvélinni upp eftir alvarlegt slys í Hvítá Strandveiðifrumvarp „með ólíkindum“ og drama í borðtennisheiminum Gæsluvarðhald framlengt um fjórar vikur Kynna bráðabirgðarúfærslu á strandveiðunum Dómur yfir Bergvini óbreyttur en þarf að greiða hærri miskabætur Fjórtán ára á rúntinum Verst þegar barninu líður eins og það sé annars flokks Rétt náði að stilla hjálminn sem bjargaði lífi dótturinnar Átta nemendur með ágætiseinkunn Margt til fyrirmyndar á Íslandi en gerir athugasemd við einangrunarvistun ódæmdra fanga Oscar fluttur úr landi á þriðjudag Sveitastjóraskipti í Reykhólahreppi Stærsti óttinn varð að veruleika á þriðja degi af 90 Fasteignamat fyrir 2026: Seltjarnarnes hástökkvarinn á höfuðborgarsvæðinu Tjaldaði á túni í miðborg Reykjavíkur Samrunatillögur bankanna og sjóveikur sundkappi Sjá meira
Signa Hrönn Stefánsdóttir og maðurinn hennar, Reynir Svan Sveinbjörnsson, keyptu sér íbúð á Akureyri í janúar 2008 og fluttu inn í hana rétt fyrir hrun. Þau fluttu út úr íbúðinni í gær, ásamt tveimur ungum dætrum sínum, þar sem Íbúðalánasjóður keypti íbúðina þann 31. mars síðastliðinn á eina milljón króna. „Við lögðum á sínum tíma 4 milljónir í íbúðina og tókum lán upp á 19 milljónir. Milljónirnar fjórar gufuðu svo upp nokkrum mánuðum eftir hrun og lánið stökkbreyttist. Það stendur nú í tæpum 34 milljónum en við hættum að greiða af því fyrir ári síðan,“ segir Signa í samtali við Vísi.Pössuðu hvorki inn í 110% leiðina né skuldaðlögunina Áður en þau hjónin hættu að greiða af láninu höfðu þau reynt að fara 110% leiðina og einnig sótt um skuldaaðlögun hjá Umboðsmanni skuldara. „Við gerðum eins og bankinn hvatti okkur til á sínum tíma og fengum lánað veð hjá foreldrum okkar. Það kom síðan í ljós að við pössuðum ekki inn í 110% leiðina því lánið hjá Íbúðalánasjóði var 109%. Foreldrar okkar reyndu þá að fara 110% leiðina en það gekk ekki heldur þar sem þau voru ekki að borga af láninu,“ segir Signa. Þau hafi svo heldur ekki fengið skuldaaðlögun hjá Umboðsmanni skuldara því þau voru ekki bæði í 100% vinnu. „Ég er í 50% vinnu á sambýli og vinn á kvöldin og um helgar. Þannig spara ég dagmömmukostnað fyrir yngri dóttur okkar og gat sýnt þeim svart á hvítu að við hefðum hærri tekjur með þessu fyrirkomulagi en ef ég væri í 100% dagvinnu og þyrfti að borga fyrir dagmömmu. Það skipti hins vegar engu og þeir sögðu bara nei.“ Signa segir að þau hafi svo fengið milljón út úr skuldaleiðréttingu ríkisstjórnarinnar. „Ein milljón hjálpar auðvitað ekki neitt svo þessi leiðrétting sem átti að hjálpa öllum hefur ekki gert það.“Lán þeirra hjóna stökkbreyttist í hruninu og peningarnir sem þau höfðu lagt í íbúðina gufuðu upp.Mynd/Signa HrönnBúin að borga 12 milljónir af láninu Á einum tímapunkti fengu Signa og Reynir að heyra að þau stæðu alltaf í skilum og þess vegna væri ekkert hægt að gera fyrir þau. „Við erum búin að borgar 12 milljónir af þessu 19 milljóna króna láni sem við tókum, fyrir utan svo 4 milljónirnar sem gufuðu upp. Þegar við vorum búin að reyna að tala við alla jakkafatamennina, eins og ég kalla þá, í tvö ár og sáum að ekkert yrði hægt að gera ákváðum við að hætta að borga af láninu. Það má eiginlega segja að því lengur sem við borguðum af láninu, því stærri holu grófum við okkur í því það hækkaði bara og hækkaði,“ segir Signa. Þegar þau hættu að borga af íbúðinni fyrir sléttu ári síðan fór ferli í gang sem lauk í gær þegar þau fluttu út úr henni. Þau búa nú hjá foreldrum Signu í 10 fermetra herbergi en stefna á að flytja til Noregs þar sem Reynir hefur verið við vinnu síðustu misseri.Signa og Reynir stefna á að flytja með dætur sínar til Noregs. Mynd/Signa Hrönn„Ekkert hægt að búa hérna með börn“ „Þetta tekur mikið á eldri stelpuna okkar sem er 4 ára. Hún skilur ekkert af hverju hún þarf að flytja úr herberginu sínu og heim til ömmu og afa en vinkona hennar flytur úr sínu herbergi í nýtt hús og fær nýtt herbergi. Það er í rauninni ekkert annað í stöðunni fyrir okkur en að flytja til Noregs. Það er ekkert hægt að búa hérna með börn og þó að fólk segi að allt sé svo dýrt í Noregi þá er kaupmátturinn þar miklu meiri en hér.“ Signa segir að það eigi eftir að koma í ljós hvað verði um 34 milljóna króna lánið. „Við erum auðvitað með það á bakinu. Við eigum aðeins eftir að skoða hvað er best að gera. Nú tökum við í rauninni bara einn dag í einu og sjáum hvað setur.“ Aðspurð hvort henni finnist sem að kerfið hafi brugðist þeim segir hún. „Já, kerfið hefur algjörlega brugðist. Þetta á ekki að vera svona, þetta á ekki að virka svona. Þeir vilja greinilega bara missa allt ungt fólk úr landi því þeir eru ekki að gera neitt. Því miður erum við hvorki þau fyrstu sem lenda í þessu né síðustu, það er fullt af fólki á götunni sem hefur misst húsnæði sitt, en við erum heppin að hafa í hús að venda og að geta verið hér hjá foreldrum mínum. Það eru ekki allir svo heppnir,“ segir Signa að lokum.Í gærkveldi skelltum við Ljómatúni 11 í lás í hinsta sinn eftir ógeðslega erfiðar undafarnar vikur. í þessari íbúð hö...Posted by Signa Hrönn Stefánsdóttir on Friday, 1 May 2015
Mest lesið „Okkur langar að börnin okkar fái öruggan stað til að vera á“ Innlent Leitinni að sundmanninum lokið að sinni Innlent Tapaði 20 milljónum á svipstundu við að samþykkja beiðni Innlent Lífstíðarfangelsi fyrir að selja dóttur sína Erlent Ísrael samþykkir vopnahlé Trumps Erlent Utanríkisráðherra Breta á Íslandi: „Gleður mig að Ísland vill vera með í bandalagi viljugra þjóða“ Innlent Barn fórst í Hvítá í gær Innlent Gróf slagsmál foreldra á fótboltamóti barna reyndust plat Innlent Stærsti óttinn varð að veruleika á þriðja degi af 90 Innlent Fjögurra ára martröð Karlottu lauk með sýknudómi Innlent Fleiri fréttir „Okkur langar að börnin okkar fái öruggan stað til að vera á“ Utanríkisráðherra Breta á Íslandi: „Gleður mig að Ísland vill vera með í bandalagi viljugra þjóða“ Biblíur og Kjarval sameinast í Vestmannaeyjum Tapaði 20 milljónum á svipstundu við að samþykkja beiðni Sjaldséð heimsókn utanríkisráðherra og háar upphæðir sem hverfa Ætla ekki að minnka leyfilegan dagsafla Leitinni að sundmanninum lokið að sinni „Arfavitlaus lausn“ að minnka aflann í hverri veiðiferð Barn fórst í Hvítá í gær Drengurinn er kominn í leitirnar Gróf slagsmál foreldra á fótboltamóti barna reyndust plat Ómetanlegt að koma skilaboðum sinnar kynslóðar á framfæri á svo stórum viðburði Segir ráðgjöf Hafró kippt úr sambandi og „gúmmítékki“ sendur á næstu ríkisstjórn Svæðið sem Veitur vilja girða „óþarflega stórt“ Enn unnið að því að ná dráttarvélinni upp eftir alvarlegt slys í Hvítá Strandveiðifrumvarp „með ólíkindum“ og drama í borðtennisheiminum Gæsluvarðhald framlengt um fjórar vikur Kynna bráðabirgðarúfærslu á strandveiðunum Dómur yfir Bergvini óbreyttur en þarf að greiða hærri miskabætur Fjórtán ára á rúntinum Verst þegar barninu líður eins og það sé annars flokks Rétt náði að stilla hjálminn sem bjargaði lífi dótturinnar Átta nemendur með ágætiseinkunn Margt til fyrirmyndar á Íslandi en gerir athugasemd við einangrunarvistun ódæmdra fanga Oscar fluttur úr landi á þriðjudag Sveitastjóraskipti í Reykhólahreppi Stærsti óttinn varð að veruleika á þriðja degi af 90 Fasteignamat fyrir 2026: Seltjarnarnes hástökkvarinn á höfuðborgarsvæðinu Tjaldaði á túni í miðborg Reykjavíkur Samrunatillögur bankanna og sjóveikur sundkappi Sjá meira
Utanríkisráðherra Breta á Íslandi: „Gleður mig að Ísland vill vera með í bandalagi viljugra þjóða“ Innlent
Utanríkisráðherra Breta á Íslandi: „Gleður mig að Ísland vill vera með í bandalagi viljugra þjóða“
Utanríkisráðherra Breta á Íslandi: „Gleður mig að Ísland vill vera með í bandalagi viljugra þjóða“ Innlent