Yngveldur samþykkt en Swanhildi hafnað

Mannanafnanefnd úrskurðaði á dögunum um þó nokkuð mörg nöfn sem óskað hafði verið eftir að yrðu færð á mannanafnaskrá. Úrskurðirnir voru birtir á vef nefndarinnar í dag.

 

Nefndin hafnaði millinafniu Pollux sem og kvenmannsnöfnunum Dyljá, Swanhildur og Adriana. Kvenmannsnöfnin Yngveldur, Beata og Jóhanndína voru hins vegar samþykkt.

Þá voru karlmannsnöfnin Gestar, Mummi, Sæmar, Raknar, Jötunn, Manuel, Líó, Tobbi, Freymann og Olli einnig samþykkt.

Úrskurði nefndarinnar má sjá hér.