Yfir 90 skiptinemar gengu Fimmvörðuháls

Síðustu helgi fóru hundrað háskólaskiptinemar í Þórsmörk með ESN Reykjavík sem eru hluti alþjóðlegra skiptinemasamtaka.

Upphaflega átti ferðin að vera í smærri kantinum en þegar byrjað var að bóka í ferðina var ljóst að áhuginn á ferðinni var gífurlegur.

Tvær fullar rútur af skiptinemum lögðu því af stað frá Háskóla Íslands og gengu nítíu manns upp Fimmvörðuhálsinn í veðri sem lék við mannskapinn.

ESN Reykjavík er félag skiptinema í háskólanámi á Íslandi og aðstoðar skiptinema við komuna til landsins, heldur utan um viðburði og myndar tengslanet milli skiptinemanna.