Volkswagen toppar Toyota í sölu Finnur Thorlacius skrifar 29. júlí 2016 09:25 Höfuðstöðvar Volkswagen í Wolfsburg. Á meðan Volkswagen bílafjölskyldan hefur selt 1,5% fleiri bíla á fyrri helmingi ársins hefur Toyota selt 0,6% færri bíla en á sama tíma í fyrra. Það gerir Volkswagen stærsta bílaframleiðanda heims þessa fyrstu 6 mánuði ársins. Volkswagen seldi 5,12 milljón bíla frá janúar til júní, en Toyota seldi 4,99 milljón bíla. Það sem skýrir út örlítið minni sölu Toyota bíla á þessu ári er ekki minnkandi eftirspurn eftir Toyota bílum, heldur hin ýmsu ytri áföll sem stöðvað hafa framleiðslu Toyota bíla, svo sem jarðskjálfta og sprengingar sem stöðvað hafa framleiðslu í eigin verksmiðjum og hjá birgjum Toyota. Toyota hefur fjögur síðustu ár verið söluhæsti bílaframleiðandi heims og rétt náði að taka framúr Volkswagen á seinni helmingi síðasta árs, en líkt og í ár var Volkswagen með forystuna er árið var hálfnað. Hvort það gerist einnig í ár er erfitt að segja til um. Volkswagen á von á því að salan fari eitthvað lítið yfir heildarsöluna í fyrra sem nam 9,93 milljón bílum. Það sem skýrir góða sölu Volkswagen eru undirmerkin Audi, Porsche og Skoda og einnig gengur ágætlega hjá hinu spænska bílamerki Seat. Þá virðist mikil sala bíla í Evrópu og Kína hjálpa sölu Volkswagen bílafjölskyldunnar meira en Toyota. Sú staðreynd vinnur upp dræma sölu Volkswagen bíla í Bandaríkjunum sökum dísilvélasvindls Volkswagen. Þriðji stærsti bílaframleiðandi heims er svo GM með 4,76 milljón bíla selda, en sala GM hefur minnkað um 1,2% frá því í fyrra. Sala Toyota Prius hefur fallið mikið í Bandaríkjunum þar sem Bandaríkjamenn kjósa nú í meira mæli stóra jeppa og pallbíla vegna lækkunar bensínverðs og það hjálpar ekki sölu Toyota. Mest lesið Endalaus þrautaganga Haraldar eftir svörum Innlent Benedikt Sveinsson er látinn Innlent Tuttugu konur saka Mohamed Al Fayed um kynferðisofbeldi Erlent Höfuðstöðvar nýrrar ríkisstofnunar verða á Hvolsvelli Innlent 20 létust og 450 slösuðust þegar talstöðvarnar sprungu Erlent „Afleitt“ að sjá Yazan gerðan að leiksoppi í deilum ráðherra Innlent Sjálfsagt að skoða að semja við önnur ríki um að hýsa erlenda fanga Innlent Vitorðsmaður viðurkennir að hafa gert það sama og Pelicot Erlent Átta ára tók fjölskyldubílinn, ók í Target og fékk sér frappó Erlent Blöskrar markaðssetning á réttum: „Þetta eru eins og jólin fyrir okkur“ Innlent
Á meðan Volkswagen bílafjölskyldan hefur selt 1,5% fleiri bíla á fyrri helmingi ársins hefur Toyota selt 0,6% færri bíla en á sama tíma í fyrra. Það gerir Volkswagen stærsta bílaframleiðanda heims þessa fyrstu 6 mánuði ársins. Volkswagen seldi 5,12 milljón bíla frá janúar til júní, en Toyota seldi 4,99 milljón bíla. Það sem skýrir út örlítið minni sölu Toyota bíla á þessu ári er ekki minnkandi eftirspurn eftir Toyota bílum, heldur hin ýmsu ytri áföll sem stöðvað hafa framleiðslu Toyota bíla, svo sem jarðskjálfta og sprengingar sem stöðvað hafa framleiðslu í eigin verksmiðjum og hjá birgjum Toyota. Toyota hefur fjögur síðustu ár verið söluhæsti bílaframleiðandi heims og rétt náði að taka framúr Volkswagen á seinni helmingi síðasta árs, en líkt og í ár var Volkswagen með forystuna er árið var hálfnað. Hvort það gerist einnig í ár er erfitt að segja til um. Volkswagen á von á því að salan fari eitthvað lítið yfir heildarsöluna í fyrra sem nam 9,93 milljón bílum. Það sem skýrir góða sölu Volkswagen eru undirmerkin Audi, Porsche og Skoda og einnig gengur ágætlega hjá hinu spænska bílamerki Seat. Þá virðist mikil sala bíla í Evrópu og Kína hjálpa sölu Volkswagen bílafjölskyldunnar meira en Toyota. Sú staðreynd vinnur upp dræma sölu Volkswagen bíla í Bandaríkjunum sökum dísilvélasvindls Volkswagen. Þriðji stærsti bílaframleiðandi heims er svo GM með 4,76 milljón bíla selda, en sala GM hefur minnkað um 1,2% frá því í fyrra. Sala Toyota Prius hefur fallið mikið í Bandaríkjunum þar sem Bandaríkjamenn kjósa nú í meira mæli stóra jeppa og pallbíla vegna lækkunar bensínverðs og það hjálpar ekki sölu Toyota.
Mest lesið Endalaus þrautaganga Haraldar eftir svörum Innlent Benedikt Sveinsson er látinn Innlent Tuttugu konur saka Mohamed Al Fayed um kynferðisofbeldi Erlent Höfuðstöðvar nýrrar ríkisstofnunar verða á Hvolsvelli Innlent 20 létust og 450 slösuðust þegar talstöðvarnar sprungu Erlent „Afleitt“ að sjá Yazan gerðan að leiksoppi í deilum ráðherra Innlent Sjálfsagt að skoða að semja við önnur ríki um að hýsa erlenda fanga Innlent Vitorðsmaður viðurkennir að hafa gert það sama og Pelicot Erlent Átta ára tók fjölskyldubílinn, ók í Target og fékk sér frappó Erlent Blöskrar markaðssetning á réttum: „Þetta eru eins og jólin fyrir okkur“ Innlent