ŢRIĐJUDAGUR 21. OKTÓBER NÝJAST 13:19

Náđi í vinkonu fyrrverandi

LÍFIĐ

Vill matsmenn til ţess ađ skođa raflagnir

Innlent
16:03 28. FEBRÚAR 2013
Kári Stefánsson.
Kári Stefánsson.

Kári Stefánsson, forstjóri Íslenskra erfðagreiningar, hefur krafist þess að dómari kveði til matsmann til þess að taka út raflagnir í nýju húsi sem hann lét byggja í Kópavogi.

Matsmaðurinn á að leggja mat á störf rafverktakafyrirtækisins Elmax ehf., en Kári tapaði einmitt dómsmáli gegn fyrirtækinu í desember síðastliðnum. Þá var honum gert að greiða 800 þúsund krónur fyrir vinnu þeirra. Sjálfur vildi Kári þá meina að reikningurinn væri allt of hár, og að hann væri nær 300 þúsund krónunum.

Þessu hafnaði Héraðsdómur Reykjavíkur. Nú hefur hann stefnt fyrirtækinu fyrir Héraðsdóm Reykjaness.

Kári telur nú að verk Elmax sé ekki nægjanlega vel unnið. Verjandi Elmax mótmælti spurningum sem matsmaður leitar svara við og bókaði sérstaklega mótmæli vegna þeirra.

Húsið sem Kári lét byggja er 500 fermetra glæsibygging sem stendur við Fagraþing í Kópavogi. Bygging hússins komst í fréttirnar þegar Kópavogsbær hótaði að beita Kára dagsektum þegar framkvæmdir stóðu í stað, en bæjaryfirvöld kröfuðust þess að hann gengi frá lóðinni þannig að ekki stafaði hætta af framkvæmdasvæðinu.


Deila
Athugiđ. Allar athugasemdir eru á ábyrgđ ţeirra er ţćr rita. Vísir hvetur lesendur til ađ halda sig viđ málefnalega umrćđu. Einnig áskilur Vísir sér rétt til ađ fjarlćgja ćrumeiđandi eđa ósćmilegar athugasemdir.

 

MEST LESIĐ

  • Nýjast á Vísi
  • Mest Lesiđ
  • Fréttir
  • Sport
  • Viđskipti
  • Lífiđ
Forsíđa / Fréttir / Innlent / Vill matsmenn til ţess ađ skođa raflagnir
Fara efst