Venjulegur dagur á skrifstofunni hjá Viðari Erni

Vatn er blautt, páfinn er kaþólskur og Viðar Örn Kjartansson skorar mörk í fótboltaleikjum. Allt þekktar staðreyndir.

Viðar Örn hefur skorað alls staðar þar sem hann hefur spilað og nú skorar hann í hverjum leik í Ísrael.

Í kvöld skoraði Viðar Örn tvö mörk í 5-0 sigri hans liðs, Maccabi Tel Aviv, á Hapoel Tel Aviv.

Viðar skoraði mörk númer fjögur og fimm. Mörkin komu á 75. og 83. mínútu.

Maccabi er með örugga forystu á toppi deildarinnar.

Hér að neðan má sjá viðtal við Viðar sem var tekið eftir leikinn.