Var trođsla tímabilsins á Egilstöđum í kvöld? | Myndband

 
Körfubolti
20:53 08. JANÚAR 2016

Tobin Carberry átti frábæran leik í kvöld þegar Höttur tryggði sér fyrsta sigur sinn í Domino´s deild karla í körfubolta á tímabilinu.

Tobin Carberry skoraði bara 40 stig í leiknum því hann átti tilþrif leiksins þegar tróð viðstöðulaust í hraðaupphlaupi eftir sendingu frá
Eysteini Bjarna Ævarssyni.

Carberry kom Hetti í 53-45 með þessari frábæru troðslu en hún kom í þriðja leikhlutanum þar sem heimamenn í Hetti fóru á kostum.

Tobin Carberry hitti úr 12 af 22 skotum sínum og var auk stiganna 40 með 6 fráköst, 6 stoðsendingar og 6 stolna bolta. Ekki slæm byrjun á nýja árinu hjá kappanum.

Hattar-liðið var búið að tapa ellefu fyrstu leikjum sínum í Domino´s deildinni en sýndi á móti Njarðvík í kvöld að liðið er ekki búið að gefast upp þrátt fyrir mótlætið.

Það er hægt að sjá troðslu Tobin Carberry í myndbandinu í spilaranum hér fyrir ofan en það verður betur fjallað um sigur Hattar í Körfuboltakvöldinu sem hefst klukkan 22.00 á Stöð 2 Sport.


Deila
Athugiđ. Allar athugasemdir eru á ábyrgđ ţeirra er ţćr rita. Vísir hvetur lesendur til ađ halda sig viđ málefnalega umrćđu. Einnig áskilur Vísir sér rétt til ađ fjarlćgja ćrumeiđandi eđa ósćmilegar athugasemdir og ummćli ţeirra sem tjá sig ekki undir eigin nafni.

 

MEST LESIĐ

  • Nýjast á Vísi
  • Mest Lesiđ
  • Fréttir
  • Sport
  • Viđskipti
  • Lífiđ
Forsíđa / Sport / Körfubolti / Var trođsla tímabilsins á Egilstöđum í kvöld? | Myndband
Fara efst