Umfjöllun og viðtöl: ÍBV - Stjarnan 30-23 | Eyjamenn fyrstir til að leggja nýliðana Gabríel Sighvatsson í Vestmannaeyjum skrifar 29. september 2016 19:45 Agnar Smári Jónsson skoraði sjö mörk. vísir/vilhelm ÍBV vann Stjörnuna með sjö marka mun, 30-23, í fimmtu umferð Olís-deildar karla í handbolta í kvöld. Með sigrinum komst stjörnum prýdd lið Eyjamanna aftur á sigurbraut en liðið tapaði með sex mörkum fyrir FH í síðustu umferð. Þetta er aftur á móti fyrsta tap nýliða Stjörnunnar í deildinni en liðið byrjaði mótið á tveimur sigrum og tveimur jafnteflum. ÍBV leiddi frá upphafi til enda og var með sjö marka forskot, 17-10, í hálfleik. Mest náði Stjarnan að minnka muninn niður í fjögur mörk, 18-14. Theodór Sigurbjörnsson skoraði níu mörk fyrir ÍBV og Agnar Smári Jónsson sjö en Starri Friðriksson var markahæstur hjá Stjörnunni með sex mörk. Það var í raun aldrei spurning hvort liðið myndi vinna í viðureign ÍBV og Stjörnunnar í Vestmannaeyjum í dag. Í liði ÍBV vantaði 4 sterka leikmenn og komu mörg ný nöfn inn í liðið í dag. Það er óhætt að segja að þeir hafi staðið sig mjög vel í dag og er ljóst að það eru mörg spennandi nöfn að koma upp hjá ÍBV. Hjá Stjörnunni vantaði helst Ólaf Gústafsson sem skoraði 10 mörk í síðasta leik og munaði nokkuð um hann. ÍBV byrjaði betur og Stjarnan náði ekki að setja mark á töflunar fyrr en tæpar 8 mínútur voru liðnar af leiknum og var staðan þá 3-1. Hálfleikstölur voru 17-10, heimamönnum í vil. Garðbæingar mættu ákveðnir til leiks í seinni hálfleik og skoruðu fyrstu þrjú mörkin en eftir það tóku Eyjamönn öll völd aftur og kláruðu leikinn. 30-23 urðu lokatölur og fyrsta tap Stjörnunnar á tímabilinu staðreynd. Þá er ÍBV enn með fullt hús stiga á heimavelli. Kolbeinn Aron var í miklum ham í marki ÍBV og var með 11 varin skot eða 35% vörslu. Þá var Theodór Sigurbjörnsson markahæstur með 9 mörk í dag. Starri Friðriksson var atkvæðamestur hjá Stjörnunni, setti 6 mörk í dag, en það dugði ekki til.Arnar: Fyrri hálfleikur frábær Arnar Pétursson var sáttur eftir sjö marka sigur á Stjörnunni í dag. „Ég er ánægðastur með svörunina eftir seinasta leik, Sindri (Haraldsson), sem er mjög vel gefinn drengur var skynsamur í dag og okkur munar um hann þegar við erum í svona meiðslapakka,“ sagði Arnar. Hann var sérstaklega ánægður með hvernig sínir menn stigu upp eftir skellinn í síðustu umferð „FH-leikurinn var frábær í 20 mínútur af okkar hálfu en við missum Sindra út af og Magga í meiðsli og eftir það erum við í vandræðum í vörninni og töpum sannfærandi fyrir góðu FH-liði,“ „Fyrri hálfleikur var frábær hjá okkur í dag, Stjarnan er gott lið, voru taplausir fyrir þennan leik, þeir eru skynsamir og með flottan þjálfara,“ sagði Arnar Margir ungir leikmenn komu inn í hópinn hjá ÍBV í dag og Arnar var verulega ángæður með þeirra framlag. „Við eigum langt í land ennþá og fullt af hlutum sem við getum lagað, en ég er gríðarlega stoltur af þessari frammistöðu, við erum að spila á mörgum ungum strákum og skora sín fyrstu mörk og ég er stoltur af þessum peyjum,“ sagði Arnar. „Þessir strákar hafa unnið titla og gert flotta hluti í yngri flokkunum og þeirra tími er að koma og svona viljum við gera þetta, gefa þeim tækifæri með reynsluboltunum og við erum hægt og rólega að spila okkur í gang,“ bætti Arnar við sem vildi þó ekki meina að þetta hafi verið fullkominn leikur. „Við þurfum meiri tíma til að slípa okkur saman og eigum eftir að rekast á veggi áður en við verðum fullkomlega sáttir með okkar leik.“Einar: Köstuðum í hendurnar á þeim Einar Jónsson var lengi inni í klefa að fara yfir hlutina með leikmönnum sínum eftir leik en hann var alls ekki ánægður með spilamennskuna. „Auðvitað vonbrigði hvernig við spiluðum fyrri hálfleikinn, við vorum bara alls ekki góðir, fórum mjög illa með upplögð marktækifæri og svo fannst mér vanta upp á markvörsluna líka,“ sagði Einar við Vísi eftir leik. „Eftir korter er botninn dottinn úr þessu hjá okkur og Eyjamennirnir voru góðir, þeir spiluðu mjög vel í dag,“ bætti Einar við. Aðspurður hvað varð til þess að Stjarnan missti leik sinn svona niður sagði Einar að þetta hafi ekki verið þeirra dagur. „Það er erfitt að segja, það gekk ekkert upp, við vorum að kasta í hendurnar á þeim, við fórum illa með færi og vörnin opnast mjög illa hjá okkur,“ sagði Einar. „Það eru ákveðin atriði sem fara úrskeiðis og þá refsar lið eins og ÍBV manni grimmilega.“ ÍBV var sjö mörkum yfir í hálfleik og þá var brekkan framundan orðin brött hjá Stjörnunni. „Þetta var aldrei búið, en erfiður hjalli klárlega, mér fannst við byrja seinni hálfleikinn af miklum krafti og náum 3-0 kafla og fengum tækifæri að koma þessu í leik, en færanýtingin varð okkur að falli í dag,“ Ólaf Gústafsson vantaði í dag en hann er lykilmaður og skoraði til að mynda 10 mörk í seinasta leik. „Það vantar mikið þegar það vantar Óla, en það þýðir ekkert að skýla sér bak við það, við erum með nógu gott lið til að geta spilað betur en í dag,“ sagði Einar. Þá var Einar ekki sáttur með dómara leiksins en honum fannst halla á sitt lið í dómgæslunni. „Í hreinskilni, fannst mér þeir dæma með ÍBV í þessum leik en það hefur ekkert með úrslitin að gera, við vorum lélegri en dómararnir á löngum köflum en það var klárlega ósamræmi í dómgæslunni.“ sagði Einar að lokum. Olís-deild karla Mest lesið „Ein besta markvarsla sem ég hef séð“ Fótbolti Seinna spjaldið var ekki viljandi: „Er bara pirraður og missi hausinn“ Íslenski boltinn LIV-kylfingar mega áfram taka þátt í Ryder-bikarnum og PGA-meistaramótinu Golf Slæm byrjun Vals hélt áfram í Garðabænum Handbolti Elín Klara og Sara Sif sáu um Stjörnuna Handbolti „Höfðum mýmörg tækifæri til að klára þennan leik miklu fyrr“ Handbolti Atlético lagði sprækt lið Leipzig Fótbolti Gísli Þorgeir bar af í Íslendingaslag kvöldsins Handbolti Rautt spjald snemma leiks dýrt spaug fyrir Börsunga Fótbolti Raya hetjan er Skytturnar lögðu rútunni í Bergamo Fótbolti Fleiri fréttir Elín Klara og Sara Sif sáu um Stjörnuna Slæm byrjun Vals hélt áfram í Garðabænum „Höfðum mýmörg tækifæri til að klára þennan leik miklu fyrr“ „Fyrst og fremst bara ekki nógu sáttur með mína menn“ Gísli Þorgeir bar af í Íslendingaslag kvöldsins Haukar áfram á toppnum með fullt hús stiga Fram áfram með fullt hús Bjarki Már og Orri Freyr með stórsigra í Meistaradeildinni Uppgjörið: FH - ÍBV 33-30 | Góður kafli í fyrri hálfleik skilaði sigri FH-inga Framarar flæktir í óskýrum reglum HSÍ: „Þetta er alveg galið dæmi“ Haukur komið að nítján mörkum í fyrstu tveimur leikjunum í Meistaradeildinni Selfoss átti lítið í Íslandsmeistara Vals „Stefnum á að vera í þessum efri hluta“ Uppgjörið: ÍR - ÍBV 22-22 | Heimakonur komnar á blað Haukur magnaður í sigri á Viktor Gísla og félögum Alfa Brá og Katrín Anna í landsliðið Tímabilið byrjar vel hjá Bjarka sem varð markahæstur í stórsigri Gummersbach gaf mikið eftir í seinni hálfleik Íslendingaliðið byrjar vel í titilvörninni Rakel Dögg: Lokuðum vel varnarlega og Alfa skildi liðin að sóknarlega Uppgjörið: Fram - Haukar 27-26 | Heimakonur unnu æsispennandi leik Fyrsti sigurinn hjá bæði Stjörnukonum og Framkörlum Segir að Haukur Þrastar geti gert mikið fyrir íslenska landsliðið á HM í janúar Stjarnan sótti ekki gull í greipar Eyjamanna „Þurfum að vera fljótir að læra“ Valur ekki í vandræðum í Vestmannaeyjum Íslenskt markaflóð í Svíþjóð Uppgjörið: Valur - Afturelding 31-34 | Frábær sigur gestanna „Í versta falli fer allt til fjandans, svo kemur nýr dagur“ „Alltaf gaman að spila í KA heimilinu” Sjá meira
ÍBV vann Stjörnuna með sjö marka mun, 30-23, í fimmtu umferð Olís-deildar karla í handbolta í kvöld. Með sigrinum komst stjörnum prýdd lið Eyjamanna aftur á sigurbraut en liðið tapaði með sex mörkum fyrir FH í síðustu umferð. Þetta er aftur á móti fyrsta tap nýliða Stjörnunnar í deildinni en liðið byrjaði mótið á tveimur sigrum og tveimur jafnteflum. ÍBV leiddi frá upphafi til enda og var með sjö marka forskot, 17-10, í hálfleik. Mest náði Stjarnan að minnka muninn niður í fjögur mörk, 18-14. Theodór Sigurbjörnsson skoraði níu mörk fyrir ÍBV og Agnar Smári Jónsson sjö en Starri Friðriksson var markahæstur hjá Stjörnunni með sex mörk. Það var í raun aldrei spurning hvort liðið myndi vinna í viðureign ÍBV og Stjörnunnar í Vestmannaeyjum í dag. Í liði ÍBV vantaði 4 sterka leikmenn og komu mörg ný nöfn inn í liðið í dag. Það er óhætt að segja að þeir hafi staðið sig mjög vel í dag og er ljóst að það eru mörg spennandi nöfn að koma upp hjá ÍBV. Hjá Stjörnunni vantaði helst Ólaf Gústafsson sem skoraði 10 mörk í síðasta leik og munaði nokkuð um hann. ÍBV byrjaði betur og Stjarnan náði ekki að setja mark á töflunar fyrr en tæpar 8 mínútur voru liðnar af leiknum og var staðan þá 3-1. Hálfleikstölur voru 17-10, heimamönnum í vil. Garðbæingar mættu ákveðnir til leiks í seinni hálfleik og skoruðu fyrstu þrjú mörkin en eftir það tóku Eyjamönn öll völd aftur og kláruðu leikinn. 30-23 urðu lokatölur og fyrsta tap Stjörnunnar á tímabilinu staðreynd. Þá er ÍBV enn með fullt hús stiga á heimavelli. Kolbeinn Aron var í miklum ham í marki ÍBV og var með 11 varin skot eða 35% vörslu. Þá var Theodór Sigurbjörnsson markahæstur með 9 mörk í dag. Starri Friðriksson var atkvæðamestur hjá Stjörnunni, setti 6 mörk í dag, en það dugði ekki til.Arnar: Fyrri hálfleikur frábær Arnar Pétursson var sáttur eftir sjö marka sigur á Stjörnunni í dag. „Ég er ánægðastur með svörunina eftir seinasta leik, Sindri (Haraldsson), sem er mjög vel gefinn drengur var skynsamur í dag og okkur munar um hann þegar við erum í svona meiðslapakka,“ sagði Arnar. Hann var sérstaklega ánægður með hvernig sínir menn stigu upp eftir skellinn í síðustu umferð „FH-leikurinn var frábær í 20 mínútur af okkar hálfu en við missum Sindra út af og Magga í meiðsli og eftir það erum við í vandræðum í vörninni og töpum sannfærandi fyrir góðu FH-liði,“ „Fyrri hálfleikur var frábær hjá okkur í dag, Stjarnan er gott lið, voru taplausir fyrir þennan leik, þeir eru skynsamir og með flottan þjálfara,“ sagði Arnar Margir ungir leikmenn komu inn í hópinn hjá ÍBV í dag og Arnar var verulega ángæður með þeirra framlag. „Við eigum langt í land ennþá og fullt af hlutum sem við getum lagað, en ég er gríðarlega stoltur af þessari frammistöðu, við erum að spila á mörgum ungum strákum og skora sín fyrstu mörk og ég er stoltur af þessum peyjum,“ sagði Arnar. „Þessir strákar hafa unnið titla og gert flotta hluti í yngri flokkunum og þeirra tími er að koma og svona viljum við gera þetta, gefa þeim tækifæri með reynsluboltunum og við erum hægt og rólega að spila okkur í gang,“ bætti Arnar við sem vildi þó ekki meina að þetta hafi verið fullkominn leikur. „Við þurfum meiri tíma til að slípa okkur saman og eigum eftir að rekast á veggi áður en við verðum fullkomlega sáttir með okkar leik.“Einar: Köstuðum í hendurnar á þeim Einar Jónsson var lengi inni í klefa að fara yfir hlutina með leikmönnum sínum eftir leik en hann var alls ekki ánægður með spilamennskuna. „Auðvitað vonbrigði hvernig við spiluðum fyrri hálfleikinn, við vorum bara alls ekki góðir, fórum mjög illa með upplögð marktækifæri og svo fannst mér vanta upp á markvörsluna líka,“ sagði Einar við Vísi eftir leik. „Eftir korter er botninn dottinn úr þessu hjá okkur og Eyjamennirnir voru góðir, þeir spiluðu mjög vel í dag,“ bætti Einar við. Aðspurður hvað varð til þess að Stjarnan missti leik sinn svona niður sagði Einar að þetta hafi ekki verið þeirra dagur. „Það er erfitt að segja, það gekk ekkert upp, við vorum að kasta í hendurnar á þeim, við fórum illa með færi og vörnin opnast mjög illa hjá okkur,“ sagði Einar. „Það eru ákveðin atriði sem fara úrskeiðis og þá refsar lið eins og ÍBV manni grimmilega.“ ÍBV var sjö mörkum yfir í hálfleik og þá var brekkan framundan orðin brött hjá Stjörnunni. „Þetta var aldrei búið, en erfiður hjalli klárlega, mér fannst við byrja seinni hálfleikinn af miklum krafti og náum 3-0 kafla og fengum tækifæri að koma þessu í leik, en færanýtingin varð okkur að falli í dag,“ Ólaf Gústafsson vantaði í dag en hann er lykilmaður og skoraði til að mynda 10 mörk í seinasta leik. „Það vantar mikið þegar það vantar Óla, en það þýðir ekkert að skýla sér bak við það, við erum með nógu gott lið til að geta spilað betur en í dag,“ sagði Einar. Þá var Einar ekki sáttur með dómara leiksins en honum fannst halla á sitt lið í dómgæslunni. „Í hreinskilni, fannst mér þeir dæma með ÍBV í þessum leik en það hefur ekkert með úrslitin að gera, við vorum lélegri en dómararnir á löngum köflum en það var klárlega ósamræmi í dómgæslunni.“ sagði Einar að lokum.
Olís-deild karla Mest lesið „Ein besta markvarsla sem ég hef séð“ Fótbolti Seinna spjaldið var ekki viljandi: „Er bara pirraður og missi hausinn“ Íslenski boltinn LIV-kylfingar mega áfram taka þátt í Ryder-bikarnum og PGA-meistaramótinu Golf Slæm byrjun Vals hélt áfram í Garðabænum Handbolti Elín Klara og Sara Sif sáu um Stjörnuna Handbolti „Höfðum mýmörg tækifæri til að klára þennan leik miklu fyrr“ Handbolti Atlético lagði sprækt lið Leipzig Fótbolti Gísli Þorgeir bar af í Íslendingaslag kvöldsins Handbolti Rautt spjald snemma leiks dýrt spaug fyrir Börsunga Fótbolti Raya hetjan er Skytturnar lögðu rútunni í Bergamo Fótbolti Fleiri fréttir Elín Klara og Sara Sif sáu um Stjörnuna Slæm byrjun Vals hélt áfram í Garðabænum „Höfðum mýmörg tækifæri til að klára þennan leik miklu fyrr“ „Fyrst og fremst bara ekki nógu sáttur með mína menn“ Gísli Þorgeir bar af í Íslendingaslag kvöldsins Haukar áfram á toppnum með fullt hús stiga Fram áfram með fullt hús Bjarki Már og Orri Freyr með stórsigra í Meistaradeildinni Uppgjörið: FH - ÍBV 33-30 | Góður kafli í fyrri hálfleik skilaði sigri FH-inga Framarar flæktir í óskýrum reglum HSÍ: „Þetta er alveg galið dæmi“ Haukur komið að nítján mörkum í fyrstu tveimur leikjunum í Meistaradeildinni Selfoss átti lítið í Íslandsmeistara Vals „Stefnum á að vera í þessum efri hluta“ Uppgjörið: ÍR - ÍBV 22-22 | Heimakonur komnar á blað Haukur magnaður í sigri á Viktor Gísla og félögum Alfa Brá og Katrín Anna í landsliðið Tímabilið byrjar vel hjá Bjarka sem varð markahæstur í stórsigri Gummersbach gaf mikið eftir í seinni hálfleik Íslendingaliðið byrjar vel í titilvörninni Rakel Dögg: Lokuðum vel varnarlega og Alfa skildi liðin að sóknarlega Uppgjörið: Fram - Haukar 27-26 | Heimakonur unnu æsispennandi leik Fyrsti sigurinn hjá bæði Stjörnukonum og Framkörlum Segir að Haukur Þrastar geti gert mikið fyrir íslenska landsliðið á HM í janúar Stjarnan sótti ekki gull í greipar Eyjamanna „Þurfum að vera fljótir að læra“ Valur ekki í vandræðum í Vestmannaeyjum Íslenskt markaflóð í Svíþjóð Uppgjörið: Valur - Afturelding 31-34 | Frábær sigur gestanna „Í versta falli fer allt til fjandans, svo kemur nýr dagur“ „Alltaf gaman að spila í KA heimilinu” Sjá meira