Umfjöllun og viðtöl: Haukar - ÍR 38-23 | Íslandsmeistararnir í miklum ham Guðmundur Marinó Ingvarsson í Schenker-höllinni skrifar 9. október 2015 15:34 Giedrius Morkunas hefur byrjað tímabilið frábærlega. vísir/vilhelm Haukar unnu ÍR 38-23 í síðasta leik 7. umferðar Olís deildar karla í handbolta í kvöld í Schenkerhöllinni á Ásvöllum. Haukar sýndu sparihliðarnar á heimavelli sínum í kvöld. Liðið var mikið sterkari aðilinn frá fyrstu mínútu og þó ÍR hafi verið inni í leiknum allan fyrri hálfleikinn voru Haukar með öll tök á leiknum. Staðan í hálfleik var 19-15 en hraðaupphlaup og óvenju slök markvarsla í marki Hauka var í raun það sem hélt ÍR inni í leiknum. Haukar löguðu þetta í hálfleik. ÍR fékk nánast engin hraðaupphlaup í seinni hálfleiks. Giedrius Morkunas varði betur fyrir aftan sterka vörn Hauka og Haukar gátu áfram skorað að vild í sókninni. ÍR-ingar réðu ekkert við Tjörva Þorgeirsson og Janus Daða Smárason auk þess sem það virtist ekki skipta máli hver kom inn á hjá Haukum. Allir gátu skorað. Aðall ÍR-inga í vetur hefur verið barátta en í kvöld lenti liðið á vegg. Varnarleikur liðsins var í molum í 60 mínútur og þurfti liðið að hafa mikið fyrir flestum mörkum sínum. Þegar Haukar sigldu fram úr í seinni hálfleik misstu ÍR-ingar svo endanlega sjálfstraustið og fyrir vikið unnu Haukar 15 marka sigur. Haukar lyftu sér á topp deildarinnar með sigrinum en þetta var þriðja tap ÍR í röð sem er nú fjórum stigum frá toppnum. Janus: Verst hvað það er leiðinlegt að spila hægri skyttuJanus Daði Smárason tók að sér að fylla skarð Elíasar Más Halldórssonar í hægri skyttunni hjá Haukum í kvöld og gerði það virkilega vel. „Það er verst hvað það er leiðinlegt en það gleymist í leiknum. Það er ástæða af hverju maður heldur sig frá þessu,“ sagði Janus um að leika hægri skyttu glaðbeittur eftir sigurinn í kvöld. „Þetta spilaðist skringilega, seinni hálfleikurinn. Eftir að við rifum okkur frá þeim var þetta ekki mesta skemmtunin en það var hægt að hafa gaman að öðrum hlutum á vellinum.“ Haukar voru ekki fullkomlega ánægðir með fyrri hálfleikinn þó liðið hafi verið fjórum mörkum yfir og skorað 19 mörk. „Sóknarleikurinn var góður en við fengum dálítið af hraðaupphlaupum á okkur og svo erum við klaufar. Við stöndum góða vörn en fáum svo frákast í bakið eða við gefum þeim færi. Við hefðum getað haldið þeim í 10 mörkum og verið að vinna með 9 í hálfleik. „Það voru boltar að leka inn í dag sem gerast ekki oft. Þú spilar aldrei fulkominn leik, það er nokkuð ljóst,“ sagði Janus Daði eftir 15 marka sigur á ÍR. Einar: Þeir handrotuðu okkur í kvöldEinar Hólmgeirsson annar þjálfari ÍR fór ekki leynt með vonbrigði sín eftir slaka frammistöðu gegn Haukum í kvöld og fagnar því að leikið sé hratt þessa dagana. „Sem betur fer er hann strax á mánudaginn. Í kvöld var þetta lélegt frá byrjun. Við vorum alltaf skrefi eða tveimur á eftir,“ sagði Einar en ÍR mætir Fram á mánudaginn. „Þeir setja sex mörk á fyrstu sex mínútunum. Við snertum þá ekki og þar að leiðandi komumst við ekki inn í leikinn með hröðum upphlaupum á móti. „Við skorum eitthvað en sóknin var léleg líka. Morkunas tók ekki sína bolta. Hann missti bolta inn sem hann átti að grípa og það hélt okkur inni í leiknum í fyrri hálfleik. Það og einstaka hraðaupphlaup sem við týndum upp úr gólfinu,“ sagði Einar. Það munaði aðeins fjórum mörkum í hálfleik en ÍR-ingar náðu ekki að rífa sig upp í seinni hálfleik og gefa Haukum leik. „Það var ótrúlegt að þetta var bara fjögur mörk í hálfleik. Við vorum inni í leiknum en svo byrjum seinni hálfleik með brottvísun og eftir það sáum við aldrei til sólar. Við áttum ekki möguleika. „Þetta var vel spilað hjá Haukum. Þeir eru með gott lið, Íslandsmeistarar en það er sárt að koma hingað og steinliggja. „Við erum ekki fimmtán mörkum lélegri en þeir en þegar við mætum ekki klárir til leiks þá eigum við ekki möguleika í þessi lið. „Þetta var mjög erfitt í seinni hálfleik. Það gekk allt upp hjá þeim en við skutum í stangirnar. Við misstum þrjú fráköst í fæturna á okkur o.s.frv.,“ sagði Einar sem segist ekki ætla að missa svefn yfir þessari frammistöðu í kvöld. „Ég hef engar áhyggjur af þessu. Við mætum klárir á mánudaginn í Austurbergið gegn Fram. Þeir handrotuðu okkur í kvöld en nú þýðir ekkert annað en að standa upp og taka næstu lotu.“ Olís-deild karla Mest lesið Bakgarðshlaupið í beinni útsendingu Sport „Ég sakna hennar á hverjum degi“ Handbolti Enginn náð í fleiri stig en McKenna síðan hann tók við Ipswich Enski boltinn Darius Morris látinn aðeins þrjátíu og þriggja ára að aldri Körfubolti „Við þurfum níu stig til að vinna titilinn“ Enski boltinn „Við höldum bara áfram þangað til að leikurinn er búinn“ Körfubolti HSÍ lengir bann Einars: „Framganga þjálfarans var mjög ógnandi og ódrengileg“ Handbolti „Við gleymum okkur á veiku hliðinni“ Körfubolti Uppgjör: Keflavík - Grindavík 84-83 | Ótrúlegur endir og allt jafnt í einvíginu Körfubolti Girona í fyrsta sinn í Meistaradeild Evrópu og tryggði Real í leiðinni titilinn Fótbolti Fleiri fréttir Öruggt hjá Teiti Erni og félögum HSÍ lengir bann Einars: „Framganga þjálfarans var mjög ógnandi og ódrengileg“ Grótta upp í Olís eftir sigur með minnsta mun í oddaleik Hætti óvænt: Fannst hann skulda fjölskyldunni smá tíma „Ég sakna hennar á hverjum degi“ Jóhanna Margrét frábær í góðum sigri Skara Viggó fór á kostum í góðum sigri Leipzig Reiður Einar hellti sér yfir eftirlitsdómarana Hættir eftir að hafa komið Fjölni upp „Við vorum bara ekki á svæðinu“ Metamfetamín fannst í báðum sýnum markmannsins Uppgjörið og viðtöl: Valur - Afturelding 39-25 | Valsmenn jafna einvígið með stórsigri PSG tókst ekki að leika ótrúlega endurkomu Kiel eftir Fjölnir tryggði sér sæti Olís deildinni á næsta tímabili Svekkjandi tap lækkar líkurnar hjá lærisveinum Arnórs Kielce kærir leikinn gegn Magdeburg Aron í myndatöku í dag vegna meiðslanna Sjáðu dramatísku vítakastskeppnina í Eyjum Elín Jóna færir sig á milli félaga á Jótlandi Ómar Ingi skaut Evrópumeisturunum áfram eftir vítakeppni „Féllu dómar í dag sem voru að mér fannst ansi augljósir“ Óheflaði Eyjapeyinn Kári Kristján: „Töpum aldrei í vítakeppnum“ Uppgjörið: ÍBV - FH 39-38 | ÍBV tryggði sér oddaleik eftir vítakastkeppni Bjarki Már og félagar úr leik Haukakonur sópuðu Fram í sumarfrí og mæta Val í úrslitum Róbert fer frá Drammen og vill spila nærri Andreu Löwen í undanúrslit þrátt fyrir fína frammistöðu Orra Freys „Vantaði meiri breidd til þess að veita þeim harðari keppni“ „Náðum að stilla spennustigið betur í hálfleik“ Uppgjörið: Valur - ÍBV 30-22 | Valskonur mættu með sópinn gegn ÍBV Sjá meira
Haukar unnu ÍR 38-23 í síðasta leik 7. umferðar Olís deildar karla í handbolta í kvöld í Schenkerhöllinni á Ásvöllum. Haukar sýndu sparihliðarnar á heimavelli sínum í kvöld. Liðið var mikið sterkari aðilinn frá fyrstu mínútu og þó ÍR hafi verið inni í leiknum allan fyrri hálfleikinn voru Haukar með öll tök á leiknum. Staðan í hálfleik var 19-15 en hraðaupphlaup og óvenju slök markvarsla í marki Hauka var í raun það sem hélt ÍR inni í leiknum. Haukar löguðu þetta í hálfleik. ÍR fékk nánast engin hraðaupphlaup í seinni hálfleiks. Giedrius Morkunas varði betur fyrir aftan sterka vörn Hauka og Haukar gátu áfram skorað að vild í sókninni. ÍR-ingar réðu ekkert við Tjörva Þorgeirsson og Janus Daða Smárason auk þess sem það virtist ekki skipta máli hver kom inn á hjá Haukum. Allir gátu skorað. Aðall ÍR-inga í vetur hefur verið barátta en í kvöld lenti liðið á vegg. Varnarleikur liðsins var í molum í 60 mínútur og þurfti liðið að hafa mikið fyrir flestum mörkum sínum. Þegar Haukar sigldu fram úr í seinni hálfleik misstu ÍR-ingar svo endanlega sjálfstraustið og fyrir vikið unnu Haukar 15 marka sigur. Haukar lyftu sér á topp deildarinnar með sigrinum en þetta var þriðja tap ÍR í röð sem er nú fjórum stigum frá toppnum. Janus: Verst hvað það er leiðinlegt að spila hægri skyttuJanus Daði Smárason tók að sér að fylla skarð Elíasar Más Halldórssonar í hægri skyttunni hjá Haukum í kvöld og gerði það virkilega vel. „Það er verst hvað það er leiðinlegt en það gleymist í leiknum. Það er ástæða af hverju maður heldur sig frá þessu,“ sagði Janus um að leika hægri skyttu glaðbeittur eftir sigurinn í kvöld. „Þetta spilaðist skringilega, seinni hálfleikurinn. Eftir að við rifum okkur frá þeim var þetta ekki mesta skemmtunin en það var hægt að hafa gaman að öðrum hlutum á vellinum.“ Haukar voru ekki fullkomlega ánægðir með fyrri hálfleikinn þó liðið hafi verið fjórum mörkum yfir og skorað 19 mörk. „Sóknarleikurinn var góður en við fengum dálítið af hraðaupphlaupum á okkur og svo erum við klaufar. Við stöndum góða vörn en fáum svo frákast í bakið eða við gefum þeim færi. Við hefðum getað haldið þeim í 10 mörkum og verið að vinna með 9 í hálfleik. „Það voru boltar að leka inn í dag sem gerast ekki oft. Þú spilar aldrei fulkominn leik, það er nokkuð ljóst,“ sagði Janus Daði eftir 15 marka sigur á ÍR. Einar: Þeir handrotuðu okkur í kvöldEinar Hólmgeirsson annar þjálfari ÍR fór ekki leynt með vonbrigði sín eftir slaka frammistöðu gegn Haukum í kvöld og fagnar því að leikið sé hratt þessa dagana. „Sem betur fer er hann strax á mánudaginn. Í kvöld var þetta lélegt frá byrjun. Við vorum alltaf skrefi eða tveimur á eftir,“ sagði Einar en ÍR mætir Fram á mánudaginn. „Þeir setja sex mörk á fyrstu sex mínútunum. Við snertum þá ekki og þar að leiðandi komumst við ekki inn í leikinn með hröðum upphlaupum á móti. „Við skorum eitthvað en sóknin var léleg líka. Morkunas tók ekki sína bolta. Hann missti bolta inn sem hann átti að grípa og það hélt okkur inni í leiknum í fyrri hálfleik. Það og einstaka hraðaupphlaup sem við týndum upp úr gólfinu,“ sagði Einar. Það munaði aðeins fjórum mörkum í hálfleik en ÍR-ingar náðu ekki að rífa sig upp í seinni hálfleik og gefa Haukum leik. „Það var ótrúlegt að þetta var bara fjögur mörk í hálfleik. Við vorum inni í leiknum en svo byrjum seinni hálfleik með brottvísun og eftir það sáum við aldrei til sólar. Við áttum ekki möguleika. „Þetta var vel spilað hjá Haukum. Þeir eru með gott lið, Íslandsmeistarar en það er sárt að koma hingað og steinliggja. „Við erum ekki fimmtán mörkum lélegri en þeir en þegar við mætum ekki klárir til leiks þá eigum við ekki möguleika í þessi lið. „Þetta var mjög erfitt í seinni hálfleik. Það gekk allt upp hjá þeim en við skutum í stangirnar. Við misstum þrjú fráköst í fæturna á okkur o.s.frv.,“ sagði Einar sem segist ekki ætla að missa svefn yfir þessari frammistöðu í kvöld. „Ég hef engar áhyggjur af þessu. Við mætum klárir á mánudaginn í Austurbergið gegn Fram. Þeir handrotuðu okkur í kvöld en nú þýðir ekkert annað en að standa upp og taka næstu lotu.“
Olís-deild karla Mest lesið Bakgarðshlaupið í beinni útsendingu Sport „Ég sakna hennar á hverjum degi“ Handbolti Enginn náð í fleiri stig en McKenna síðan hann tók við Ipswich Enski boltinn Darius Morris látinn aðeins þrjátíu og þriggja ára að aldri Körfubolti „Við þurfum níu stig til að vinna titilinn“ Enski boltinn „Við höldum bara áfram þangað til að leikurinn er búinn“ Körfubolti HSÍ lengir bann Einars: „Framganga þjálfarans var mjög ógnandi og ódrengileg“ Handbolti „Við gleymum okkur á veiku hliðinni“ Körfubolti Uppgjör: Keflavík - Grindavík 84-83 | Ótrúlegur endir og allt jafnt í einvíginu Körfubolti Girona í fyrsta sinn í Meistaradeild Evrópu og tryggði Real í leiðinni titilinn Fótbolti Fleiri fréttir Öruggt hjá Teiti Erni og félögum HSÍ lengir bann Einars: „Framganga þjálfarans var mjög ógnandi og ódrengileg“ Grótta upp í Olís eftir sigur með minnsta mun í oddaleik Hætti óvænt: Fannst hann skulda fjölskyldunni smá tíma „Ég sakna hennar á hverjum degi“ Jóhanna Margrét frábær í góðum sigri Skara Viggó fór á kostum í góðum sigri Leipzig Reiður Einar hellti sér yfir eftirlitsdómarana Hættir eftir að hafa komið Fjölni upp „Við vorum bara ekki á svæðinu“ Metamfetamín fannst í báðum sýnum markmannsins Uppgjörið og viðtöl: Valur - Afturelding 39-25 | Valsmenn jafna einvígið með stórsigri PSG tókst ekki að leika ótrúlega endurkomu Kiel eftir Fjölnir tryggði sér sæti Olís deildinni á næsta tímabili Svekkjandi tap lækkar líkurnar hjá lærisveinum Arnórs Kielce kærir leikinn gegn Magdeburg Aron í myndatöku í dag vegna meiðslanna Sjáðu dramatísku vítakastskeppnina í Eyjum Elín Jóna færir sig á milli félaga á Jótlandi Ómar Ingi skaut Evrópumeisturunum áfram eftir vítakeppni „Féllu dómar í dag sem voru að mér fannst ansi augljósir“ Óheflaði Eyjapeyinn Kári Kristján: „Töpum aldrei í vítakeppnum“ Uppgjörið: ÍBV - FH 39-38 | ÍBV tryggði sér oddaleik eftir vítakastkeppni Bjarki Már og félagar úr leik Haukakonur sópuðu Fram í sumarfrí og mæta Val í úrslitum Róbert fer frá Drammen og vill spila nærri Andreu Löwen í undanúrslit þrátt fyrir fína frammistöðu Orra Freys „Vantaði meiri breidd til þess að veita þeim harðari keppni“ „Náðum að stilla spennustigið betur í hálfleik“ Uppgjörið: Valur - ÍBV 30-22 | Valskonur mættu með sópinn gegn ÍBV Sjá meira