Umfjöllun og viðtöl: Grótta - Víkingur 25-24 | Seltirningar unnu nýliðaslaginn Ingvi Þór Sæmundsson í Hertz-höllinni skrifar 12. nóvember 2015 21:45 Finnur Ingi Stefánsson, hornamaður Gróttu. vísir/vilhelm Grótta bar sigurorð af Víkingum, 25-24, í nýliðaslag í 12. umferð Olís-deildar karla í kvöld. Þetta var fjórði sigur Seltirninga í síðustu fimm leikjum en þeir eru í 6. sæti deildarinnar með 10 stig. Víkingar eru hins vegar í vondum málum í 10. og neðsta sæti deildarinnar, sex stigum frá öruggu sæti. Seltirningar byrjuðu á því að taka Karolis Stropus úr umferð en Litháinn er hættulegasti sóknarmaður Víkinga og þarf að bera ansi þungar byrðar nú þegar Jóhann Reynir Gunnlaugsson er frá vegna meiðsla. Þetta herbragð virkaði vel enda skoruðu Víkingar aðeins fimm mörk á fyrstu 22 mínútum leiksins gegn níu hjá Gróttu. Auk þess varði Lárus Helgi Ólafsson vel í marki heimamanna, alls átta skot í fyrri hálfleik (42%). Á meðan var vörn Víkinga ekki nógu þétt og sérstaklega veik fyrir gegnumbrotum og snöggum árásum sóknarmanna Gróttu. Daði Laxdal Gautason nýtti sér þetta vel og skoraði fjögur mörk úr fjórum skotum fyrir Seltirninga í fyrri hálfleiknum. Í stöðunni 9-5 tók Ágúst Jóhannsson leikhlé og eftir það brögguðust hans menn. Ægir Hrafn Jónsson kom inn á og þétti vörnina og þá átti Logi Ágústsson góða spretti í sókninni en hann skoraði þrjú mörk í fyrri hálfleik og fiskaði eitt vítakast. Logi minnkaði muninn í eitt mark, 12-11, en Aron Dagur Pálsson sá til þess að tveimur mörkum munaði á liðunum í hálfleik þegar hann skoraði lokamark fyrri hálfleiks. Aðeins annað liðið mætti til leiks í seinni hálfleik en Grótta skoraði sjö af átta fyrstu mörkum hans og náði átta marka forystu, 20-12. Víkingar voru heillum horfnir á þessum kafla og réðu ekkert við ákveðna Gróttumenn sem röðuðu inn mörkum. Þrátt fyrir skelfilega byrjun á seinni hálfleiknum gáfust gestirnir ekki upp og komu sér aftur inn í leikinn. Atli Karl Bachmann átti þar stærstan hlut að máli en hann fór hreinlega á kostum í seinni hálfleik. Atli skoraði átta mörk á síðustu 22 mínútum leiksins og leiddi endurkomu Víkinga ásamt Magnúsi Erlendssyni sem varði frábærlega eftir að hann kom í markið í seinni hálfleik. Þessi reyndi markvörður varði alls 10 skot, eða 56% þeirra skota sem hann fékk á sig. Víkingar skoruðu fimm mörk í röð og minnkuðu muninn í þrjú mörk, 20-17, og þegar 10 mínútur voru eftir af leiknum kom Atli Karl muninum niður í eitt mark, 22-21. En þá kom bakslag hjá gestunum og Grótta skoraði þrjú mörk í röð og komst fjórum mörkum yfir, 25-21. Atli Karl var hins vegar ekki búinn að gefast upp og skoraði tvö mörk í röð og minnkaði muninn í tvö mörk, 25-23, þegar fjórar mínútur lifðu leiks. Víkingar fengu nokkur tækifæri til að minnka muninn í eitt mark en fóru illa með sóknir sínar á lokamínútunum. Það sama má segja um heimamenn sem skoruðu ekki síðustu sex mínútur leiksins. Það kom þó ekki að sök. Atli minnkaði muninn í eitt mark undir blálokin en Víkingar höfðu ekki tíma fyrir annað mark og því fögnuðu Seltirningar mikilvægum sigri. Daði átti ljómandi fínan leik í liði Gróttu og skoraði sjö mörk úr sjö skotum. Aron Dagur skilaði fimm mörkum og þá varði Lárus Helgi vel framan af leik. Atli Karl skoraði 10 mörk fyrir Víking, þar af átta í seinni hálfleik. Nafni hans Hjörvar Einarsson gerði fjögur mörk líkt og Logi og Stropus sem var slakur á lokakaflanum.Daði: Hefðum átt að vinna þetta stærra Daði Laxdal Gautason átti flottan leik þegar Grótta vann eins marks sigur, 25-24, á Víkingi í Olís-deild karla í kvöld. Hann sagði sigurinn hafa verið sanngjarnan. "Ég er eiginlega á því. Við leiddum allan leikinn og vorum komnir með gott forskot en vorum klaufar að missa þetta niður í jafnan leik. "Það var lélegt hjá okkur, við hefðum átt að vinna þetta með meira en einu marki," sagði Daði en Grótta náði átta marka forskoti, 20-12, í byrjun seinni hálfleiks. "Við byrjuðum leikinn vel en misstum dampinn rétt fyrir hálfleikinn. Við vorum staðráðnir í að byrja seinni hálfleikinn af krafti og klára leikinn. "Við lögðum upp með að spila sterka vörn og fá hraðaupphlaupin sem við fengum ekki í fyrri hálfleik," sagði Daði en Grótta byrjaði seinni hálfleikinn með 7-1 kafla. Víkingar gáfust þó ekki upp og náðu að gera leikinn spennandi með góðum kafla um miðbik seinni hálfleiks. "Það var gott fyrir áhorfendur að hafa þetta spennandi," sagði Daði og glotti við tönn. Hann átti sem áður sagði góðan leik í kvöld og skoraði sjö mörk úr sjö skotum. Hann segist hafa fengið fyrirmæli um að vera ákveðinn og ráðast á vörn Víkings sem gekk líka svona ljómandi vel. "Ég var meiddur í síðustu tveimur leikjum og kom ferskur inn. Gunni (Gunnar Andrésson, þjálfari Gróttu) sagði að ég ætti að sækja á vörnina og gera það sem ég er bestur í. Það hentaði mjög vel og skilaði sjö mörkum," sagði Daði sigurreifur í leikslok. Olís-deild karla Mest lesið Sara hrundi niður listann eftir leiðréttingar Sport Davíð Tómasi bárust ljót skilaboð eftir leik: „Fokking mongolitið þitt“ Körfubolti Rashford: Nú er nóg komið Enski boltinn Virk sprengja úr seinni heimsstyrjöldinni undir leikvangi Mainz Fótbolti „Krakkarnir í stúkunni eru byrjaðir að taka upp á þessu líka“ Körfubolti Sjáðu og heyrðu sjónvarpslýsanda sturlast yfir Brynjólfi Fótbolti Littler stríddi stuðningsmönnum Liverpool Sport Leikmaður Newcastle tók meirapróf Enski boltinn Sjáðu ótrúlegan flautuþrist Þorvaldar Orra Körfubolti „Tel mjög vafasamt að klukkan hafi verið sett af stað á réttum tíma“ Körfubolti Fleiri fréttir Teitur hafði betur í Íslendingaslagnum Í beinni: Haukar - Fram | Haukakonur geta komist í 2-0 Sveinn í sigti Kolstad FH-ingar skrefi nær úrslitaeinvíginu Bjarki Már atkvæðamikill í dramatískum sigri Bjarni í Selvindi semur við Val Norðmenn töpuðu milljónum á því að halda HM í handbolta „Þetta einvígi er bara rétt að byrja“ Uppgjörið: Afturelding 28-25 Valur | Mosfellingar leiða einvígið eftir sveiflukenndan leik Haukur hafði betur í Meistaradeildarslagnum við Magdeburg „Það er ekkert plan B“ Ungir strákar þarna úti sem gætu spilað á HM á Íslandi „Ég hefði bara átt að taka leikhlé“ Uppgjör, viðtöl og myndir: Fram - Haukar 23-27 | Gestirnir sterkari undir lokin Íslandsmeistararnir byrja undanúrslitaeinvígið á sigri Teitur Örn öflugur og Flensburg í góðri stöðu Árs bann fyrir árás á eftirlitsmann og þjálfarinn fékk líka bann Carlos tekur við Selfossi: „Hann er algjör handboltaheili“ Aue ævintýri Óla Stef tekur enda eftir tímabilið „Mun stærri sigur en ég bjóst við“ Umfjöllun: Valur - Minaur Baia Mare 36-28 | Fara út með átta marka forskot „Hefðum þegið betri markvörslu“ „Höfðum stjórn á leiknum allan tímann“ Uppgjörið: FH - ÍBV 36-31 | FH komið í forystu í einvíginu við ÍBV Óðinn með 9 mörk þegar Kadetten tók forystuna í einvíginu „Við erum góðir og þeir eru góðir“ Aldís Ásta atkvæðamikil þegar Skara jafnaði einvígið Zwickau sogast niður í fallbaráttu Orri Freyr fór mikinn í stórsigri Sporting Fredericia missti toppsætið til Skjern Sjá meira
Grótta bar sigurorð af Víkingum, 25-24, í nýliðaslag í 12. umferð Olís-deildar karla í kvöld. Þetta var fjórði sigur Seltirninga í síðustu fimm leikjum en þeir eru í 6. sæti deildarinnar með 10 stig. Víkingar eru hins vegar í vondum málum í 10. og neðsta sæti deildarinnar, sex stigum frá öruggu sæti. Seltirningar byrjuðu á því að taka Karolis Stropus úr umferð en Litháinn er hættulegasti sóknarmaður Víkinga og þarf að bera ansi þungar byrðar nú þegar Jóhann Reynir Gunnlaugsson er frá vegna meiðsla. Þetta herbragð virkaði vel enda skoruðu Víkingar aðeins fimm mörk á fyrstu 22 mínútum leiksins gegn níu hjá Gróttu. Auk þess varði Lárus Helgi Ólafsson vel í marki heimamanna, alls átta skot í fyrri hálfleik (42%). Á meðan var vörn Víkinga ekki nógu þétt og sérstaklega veik fyrir gegnumbrotum og snöggum árásum sóknarmanna Gróttu. Daði Laxdal Gautason nýtti sér þetta vel og skoraði fjögur mörk úr fjórum skotum fyrir Seltirninga í fyrri hálfleiknum. Í stöðunni 9-5 tók Ágúst Jóhannsson leikhlé og eftir það brögguðust hans menn. Ægir Hrafn Jónsson kom inn á og þétti vörnina og þá átti Logi Ágústsson góða spretti í sókninni en hann skoraði þrjú mörk í fyrri hálfleik og fiskaði eitt vítakast. Logi minnkaði muninn í eitt mark, 12-11, en Aron Dagur Pálsson sá til þess að tveimur mörkum munaði á liðunum í hálfleik þegar hann skoraði lokamark fyrri hálfleiks. Aðeins annað liðið mætti til leiks í seinni hálfleik en Grótta skoraði sjö af átta fyrstu mörkum hans og náði átta marka forystu, 20-12. Víkingar voru heillum horfnir á þessum kafla og réðu ekkert við ákveðna Gróttumenn sem röðuðu inn mörkum. Þrátt fyrir skelfilega byrjun á seinni hálfleiknum gáfust gestirnir ekki upp og komu sér aftur inn í leikinn. Atli Karl Bachmann átti þar stærstan hlut að máli en hann fór hreinlega á kostum í seinni hálfleik. Atli skoraði átta mörk á síðustu 22 mínútum leiksins og leiddi endurkomu Víkinga ásamt Magnúsi Erlendssyni sem varði frábærlega eftir að hann kom í markið í seinni hálfleik. Þessi reyndi markvörður varði alls 10 skot, eða 56% þeirra skota sem hann fékk á sig. Víkingar skoruðu fimm mörk í röð og minnkuðu muninn í þrjú mörk, 20-17, og þegar 10 mínútur voru eftir af leiknum kom Atli Karl muninum niður í eitt mark, 22-21. En þá kom bakslag hjá gestunum og Grótta skoraði þrjú mörk í röð og komst fjórum mörkum yfir, 25-21. Atli Karl var hins vegar ekki búinn að gefast upp og skoraði tvö mörk í röð og minnkaði muninn í tvö mörk, 25-23, þegar fjórar mínútur lifðu leiks. Víkingar fengu nokkur tækifæri til að minnka muninn í eitt mark en fóru illa með sóknir sínar á lokamínútunum. Það sama má segja um heimamenn sem skoruðu ekki síðustu sex mínútur leiksins. Það kom þó ekki að sök. Atli minnkaði muninn í eitt mark undir blálokin en Víkingar höfðu ekki tíma fyrir annað mark og því fögnuðu Seltirningar mikilvægum sigri. Daði átti ljómandi fínan leik í liði Gróttu og skoraði sjö mörk úr sjö skotum. Aron Dagur skilaði fimm mörkum og þá varði Lárus Helgi vel framan af leik. Atli Karl skoraði 10 mörk fyrir Víking, þar af átta í seinni hálfleik. Nafni hans Hjörvar Einarsson gerði fjögur mörk líkt og Logi og Stropus sem var slakur á lokakaflanum.Daði: Hefðum átt að vinna þetta stærra Daði Laxdal Gautason átti flottan leik þegar Grótta vann eins marks sigur, 25-24, á Víkingi í Olís-deild karla í kvöld. Hann sagði sigurinn hafa verið sanngjarnan. "Ég er eiginlega á því. Við leiddum allan leikinn og vorum komnir með gott forskot en vorum klaufar að missa þetta niður í jafnan leik. "Það var lélegt hjá okkur, við hefðum átt að vinna þetta með meira en einu marki," sagði Daði en Grótta náði átta marka forskoti, 20-12, í byrjun seinni hálfleiks. "Við byrjuðum leikinn vel en misstum dampinn rétt fyrir hálfleikinn. Við vorum staðráðnir í að byrja seinni hálfleikinn af krafti og klára leikinn. "Við lögðum upp með að spila sterka vörn og fá hraðaupphlaupin sem við fengum ekki í fyrri hálfleik," sagði Daði en Grótta byrjaði seinni hálfleikinn með 7-1 kafla. Víkingar gáfust þó ekki upp og náðu að gera leikinn spennandi með góðum kafla um miðbik seinni hálfleiks. "Það var gott fyrir áhorfendur að hafa þetta spennandi," sagði Daði og glotti við tönn. Hann átti sem áður sagði góðan leik í kvöld og skoraði sjö mörk úr sjö skotum. Hann segist hafa fengið fyrirmæli um að vera ákveðinn og ráðast á vörn Víkings sem gekk líka svona ljómandi vel. "Ég var meiddur í síðustu tveimur leikjum og kom ferskur inn. Gunni (Gunnar Andrésson, þjálfari Gróttu) sagði að ég ætti að sækja á vörnina og gera það sem ég er bestur í. Það hentaði mjög vel og skilaði sjö mörkum," sagði Daði sigurreifur í leikslok.
Olís-deild karla Mest lesið Sara hrundi niður listann eftir leiðréttingar Sport Davíð Tómasi bárust ljót skilaboð eftir leik: „Fokking mongolitið þitt“ Körfubolti Rashford: Nú er nóg komið Enski boltinn Virk sprengja úr seinni heimsstyrjöldinni undir leikvangi Mainz Fótbolti „Krakkarnir í stúkunni eru byrjaðir að taka upp á þessu líka“ Körfubolti Sjáðu og heyrðu sjónvarpslýsanda sturlast yfir Brynjólfi Fótbolti Littler stríddi stuðningsmönnum Liverpool Sport Leikmaður Newcastle tók meirapróf Enski boltinn Sjáðu ótrúlegan flautuþrist Þorvaldar Orra Körfubolti „Tel mjög vafasamt að klukkan hafi verið sett af stað á réttum tíma“ Körfubolti Fleiri fréttir Teitur hafði betur í Íslendingaslagnum Í beinni: Haukar - Fram | Haukakonur geta komist í 2-0 Sveinn í sigti Kolstad FH-ingar skrefi nær úrslitaeinvíginu Bjarki Már atkvæðamikill í dramatískum sigri Bjarni í Selvindi semur við Val Norðmenn töpuðu milljónum á því að halda HM í handbolta „Þetta einvígi er bara rétt að byrja“ Uppgjörið: Afturelding 28-25 Valur | Mosfellingar leiða einvígið eftir sveiflukenndan leik Haukur hafði betur í Meistaradeildarslagnum við Magdeburg „Það er ekkert plan B“ Ungir strákar þarna úti sem gætu spilað á HM á Íslandi „Ég hefði bara átt að taka leikhlé“ Uppgjör, viðtöl og myndir: Fram - Haukar 23-27 | Gestirnir sterkari undir lokin Íslandsmeistararnir byrja undanúrslitaeinvígið á sigri Teitur Örn öflugur og Flensburg í góðri stöðu Árs bann fyrir árás á eftirlitsmann og þjálfarinn fékk líka bann Carlos tekur við Selfossi: „Hann er algjör handboltaheili“ Aue ævintýri Óla Stef tekur enda eftir tímabilið „Mun stærri sigur en ég bjóst við“ Umfjöllun: Valur - Minaur Baia Mare 36-28 | Fara út með átta marka forskot „Hefðum þegið betri markvörslu“ „Höfðum stjórn á leiknum allan tímann“ Uppgjörið: FH - ÍBV 36-31 | FH komið í forystu í einvíginu við ÍBV Óðinn með 9 mörk þegar Kadetten tók forystuna í einvíginu „Við erum góðir og þeir eru góðir“ Aldís Ásta atkvæðamikil þegar Skara jafnaði einvígið Zwickau sogast niður í fallbaráttu Orri Freyr fór mikinn í stórsigri Sporting Fredericia missti toppsætið til Skjern Sjá meira