Umfjöllun og viðtöl: Afturelding - Valur 25-23 | Áttundi sigur Mosfellinga í röð Ingvi Þór Sæmundsson skrifar 27. október 2016 21:45 Árni Bragi Eyjólfsson skoraði 10 mörk. Vísir/Anton Afturelding náði sex stiga forskoti á toppi Olís-deildar karla þegar liðið vann tveggja marka sigur, 25-23, á Val í kvöld. Þetta var áttundi sigur Mosfellinga í röð en þeir hafa verið óstöðvandi í upphafi tímabils þrátt fyrir að lykilmenn vanti í liðið vegna meiðsla. Valsmenn spiluðu mjög öfluga vörn í fyrri hálfleik og heimamenn komust lítt áleiðis, sama hvort þeir voru sex eða sjö í sókninni. Hlynur Morthens var svo frábær í markinu, varði fyrstu fjögur skot Mosfellinga og skoraði sjálfur fyrsta mark Vals sem leiddi allan fyrri hálfleikinn. Sóknarleikur Aftureldingar var stirður og öll ábyrgðin lá á herðum Árna Braga Eyjólfssonar og Elvars Ásgeirssonar. Til marks um það skoruðu þeir níu af 10 mörkum heimamanna í fyrri hálfleik. Aftur á móti skoruðu níu leikmenn 13 mörk Vals í fyrri hálfleik. Valur leiddi með þremur mörkum í hálfleik, 10-13, og skoraði fyrstu tvö mörkin í seinni hálfleik. Þá kviknaði á leikmönnum Aftureldingar, og þá sérstaklega á Elvari sem skoraði þrjú mörk í röð. Hann jafnaði svo metin í 15-15 þegar 10 mínútur voru liðnar af seinni hálfleik. Síðustu 20 mínútur leiksins voru gríðarlega spennandi. Valsmenn komust tvisvar sinnum tveimur mörkum yfir á lokakaflanum en tókst ekki að slíta sig frá heimamönnum sem spiluðu af skynsemi. Sölvi Ólafsson átti góða innkomu í mark Aftureldingar og Guðni Már Kristinsson létti undir með Elvari og Árna Braga í sókninni. Sá síðastnefndi kom Aftureldingu yfir í fyrsta sinn í leiknum, 23-22, þegar sex mínútur voru til leiksloka. Og Mosfellingar létu það forskot ekki af hendi, héldu haus á lokamínútunum og lönduðu sigrinum. Lokatölur 25-23, Aftureldingu í vil.Einar Andri: Veit ekki hvaðan krafturinn kom Það var létt yfir Einari Andra Einarssyni, þjálfara Aftureldingar, eftir sigur hans manna á Val í kvöld. „Þetta var hrikalega sætur sigur. Við vorum í vandræðum stóran hluta leiksins en strákarnir héldu áfram og fundu einhvern kraft til þess að klára þetta. Ég veit ekki alveg hvaðan hann kom,“ sagði Einar Andri. Mosfellingar voru í miklu basli í fyrri hálfleik þar sem sóknarleikur liðsins gekk mjög illa. En hvað breyttist til batnaðar í seinni hálfleik? „Sölvi [Ólafsson] kom í markið, fór að verja og kveikti í þessu. Hann gaf okkur það sem upp á vantaði. Elvar [Ásgeirsson] steig upp og Árni Bragi [Eyjólfsson] var góður allan leikinn,“ sagði Einar Andri. Afturelding er komið með sex stiga forystu á toppi Olís-deildarinnar eftir átta sigurleiki í röð. Einar Andri segist ekki hafa átt von á svona góðu gengi í upphafi tímabils. „Staðan á okkur með meiðsli var ekki góð í sumar, við vorum slakir á undirbúningstímabilinu og töpuðum fyrsta leik. Þannig að ef þú hefðir spurt mig þá hvort við myndum vinna átta leiki í röð hefði það verið algjörlega út úr korti. En við höfum fundið einhverja formúlu sem virkar,“ sagði þjálfarinn. Sterka leikmenn vantar í lið Aftureldingar vegna meiðsla. Einar Andri segir ekki sjálfgefið að liðið verði sterkara þegar þeir koma til baka. „Það eru margir að spá í þetta en það er ekkert sjálfsagt mál að við verðum betri en við erum núna. Það þarf að búa til liðsheild og það verður púsluspil að koma þessu saman. En strákana hungrar í árangur þannig að ég hef ekki miklar áhyggjur af því,“ sagði Einar Andri að lokum.Óskar Bjarni: Er sár og svekktur Óskari Bjarna Óskarssyni, þjálfara Vals, fannst sárt að horfa eftir stigunum tveimur í hendur Aftureldingar. „Við vorum með frumkvæðið mestallan leikinn og vorum mun sterkari. Við komust í 10-15 en svo erum allir þættir sem klikka,“ sagði Óskar Bjarni eftir leik. „Ég hugsa að við höfum klúðrað 7-8 dauðafærum, þar af 4-5 nánast í röð. Við vorum með tvo bolta varða í seinni hálfleik, vörnin var ekki góð og enginn sem steig upp. Mér fannst við klárlega eiga að taka þá og er mjög sár og svekktur með þetta.“ Óskar Bjarni kvaðst ánægður með Valsmenn í fyrri hálfleik en sá seinni var ekki nógu vel spilaður af þeirra hálfu. „Við hefðum getað verið með meiri forystu í hálfleik ef við hefðum skorað fleiri mörk úr hraðaupphlaupum. Við þurfum að bæta þann þátt. Í seinni hálfleik var sóknarleikurinn svo stífur og staður. Ég er alls ekki ánægður með seinni hálfleikinn,“ sagði Óskar Bjarni sem er ágætlega sáttur með stöðuna á Valsliðinu á þessum tímapunkti. „Það var mjög gott að vinna fimm leiki í röð en maður vill alltaf meira. Byrjunin var hörmuleg, það var of mikið að tapa fyrstu þremur leikjunum. Svo vildi ég vinna þennan leik. Þetta er mjög svekkjandi.“ Olís-deild karla Mest lesið „Ég á Íslandi líf mitt að þakka“ Íslenski boltinn Var hetjan framan af en stóð uppi sem skúrkurinn Fótbolti Arteta með vondar fréttir af meiðslum Ødegaards Enski boltinn Stjarnan í vondum málum eftir tap í Írlandi Fótbolti „Djúpir dalir en þú kemst upp úr þeim“ Sport Sett meira en 762 milljarða í að bæta ímynd sína Sport Stúkan: „Sama hvað hann gerir ekki gefa honum gult spjald“ Íslenski boltinn Muna vel leikinn við Liverpool fyrir 60 árum Fótbolti Dagskráin í dag: Meistaradeild Evrópu heldur áfram Sport Woj-fréttin hættir hjá ESPN og snýr sér að öðru Körfubolti Fleiri fréttir Selfoss átti lítið í Íslandsmeistara Vals „Stefnum á að vera í þessum efri hluta“ Uppgjörið: ÍR - ÍBV 22-22 | Heimakonur komnar á blað Haukur magnaður í sigri á Viktor Gísla og félögum Alfa Brá og Katrín Anna í landsliðið Tímabilið byrjar vel hjá Bjarka sem varð markahæstur í stórsigri Gummersbach gaf mikið eftir í seinni hálfleik Íslendingaliðið byrjar vel í titilvörninni Rakel Dögg: Lokuðum vel varnarlega og Alfa skildi liðin að sóknarlega Uppgjörið: Fram - Haukar 27-26 | Heimakonur unnu æsispennandi leik Fyrsti sigurinn hjá bæði Stjörnukonum og Framkörlum Segir að Haukur Þrastar geti gert mikið fyrir íslenska landsliðið á HM í janúar Stjarnan sótti ekki gull í greipar Eyjamanna „Þurfum að vera fljótir að læra“ Valur ekki í vandræðum í Vestmannaeyjum Íslenskt markaflóð í Svíþjóð Uppgjörið: Valur - Afturelding 31-34 | Frábær sigur gestanna „Í versta falli fer allt til fjandans, svo kemur nýr dagur“ „Alltaf gaman að spila í KA heimilinu” HK lagði Íslandsmeistarana og Grótta vann í Breiðholti Uppgjörið: KA - Haukar 26-34 | Stórsigur gestanna á Akureyri Haukur gekk frá lærisveinum Guðmundar Guðmundur Bragi gerði gæfumuninn Ein sú besta framlengir um þrjú ár Orri Freyr hafði betur gegn Viktori Gísla Birkir Fannar í Kaplakrika út leiktíðina Íslendingalið Kolstad mátti þola tap gegn stórliði Barcelona Þórir valdi enga úr gullliði Ólympíuleikanna í nýjasta hópinn Þórir ekki maður millivegarins: „Ég sem eyðilagði partýið“ Líður eins og hún geti sagt Þóri allt Sjá meira
Afturelding náði sex stiga forskoti á toppi Olís-deildar karla þegar liðið vann tveggja marka sigur, 25-23, á Val í kvöld. Þetta var áttundi sigur Mosfellinga í röð en þeir hafa verið óstöðvandi í upphafi tímabils þrátt fyrir að lykilmenn vanti í liðið vegna meiðsla. Valsmenn spiluðu mjög öfluga vörn í fyrri hálfleik og heimamenn komust lítt áleiðis, sama hvort þeir voru sex eða sjö í sókninni. Hlynur Morthens var svo frábær í markinu, varði fyrstu fjögur skot Mosfellinga og skoraði sjálfur fyrsta mark Vals sem leiddi allan fyrri hálfleikinn. Sóknarleikur Aftureldingar var stirður og öll ábyrgðin lá á herðum Árna Braga Eyjólfssonar og Elvars Ásgeirssonar. Til marks um það skoruðu þeir níu af 10 mörkum heimamanna í fyrri hálfleik. Aftur á móti skoruðu níu leikmenn 13 mörk Vals í fyrri hálfleik. Valur leiddi með þremur mörkum í hálfleik, 10-13, og skoraði fyrstu tvö mörkin í seinni hálfleik. Þá kviknaði á leikmönnum Aftureldingar, og þá sérstaklega á Elvari sem skoraði þrjú mörk í röð. Hann jafnaði svo metin í 15-15 þegar 10 mínútur voru liðnar af seinni hálfleik. Síðustu 20 mínútur leiksins voru gríðarlega spennandi. Valsmenn komust tvisvar sinnum tveimur mörkum yfir á lokakaflanum en tókst ekki að slíta sig frá heimamönnum sem spiluðu af skynsemi. Sölvi Ólafsson átti góða innkomu í mark Aftureldingar og Guðni Már Kristinsson létti undir með Elvari og Árna Braga í sókninni. Sá síðastnefndi kom Aftureldingu yfir í fyrsta sinn í leiknum, 23-22, þegar sex mínútur voru til leiksloka. Og Mosfellingar létu það forskot ekki af hendi, héldu haus á lokamínútunum og lönduðu sigrinum. Lokatölur 25-23, Aftureldingu í vil.Einar Andri: Veit ekki hvaðan krafturinn kom Það var létt yfir Einari Andra Einarssyni, þjálfara Aftureldingar, eftir sigur hans manna á Val í kvöld. „Þetta var hrikalega sætur sigur. Við vorum í vandræðum stóran hluta leiksins en strákarnir héldu áfram og fundu einhvern kraft til þess að klára þetta. Ég veit ekki alveg hvaðan hann kom,“ sagði Einar Andri. Mosfellingar voru í miklu basli í fyrri hálfleik þar sem sóknarleikur liðsins gekk mjög illa. En hvað breyttist til batnaðar í seinni hálfleik? „Sölvi [Ólafsson] kom í markið, fór að verja og kveikti í þessu. Hann gaf okkur það sem upp á vantaði. Elvar [Ásgeirsson] steig upp og Árni Bragi [Eyjólfsson] var góður allan leikinn,“ sagði Einar Andri. Afturelding er komið með sex stiga forystu á toppi Olís-deildarinnar eftir átta sigurleiki í röð. Einar Andri segist ekki hafa átt von á svona góðu gengi í upphafi tímabils. „Staðan á okkur með meiðsli var ekki góð í sumar, við vorum slakir á undirbúningstímabilinu og töpuðum fyrsta leik. Þannig að ef þú hefðir spurt mig þá hvort við myndum vinna átta leiki í röð hefði það verið algjörlega út úr korti. En við höfum fundið einhverja formúlu sem virkar,“ sagði þjálfarinn. Sterka leikmenn vantar í lið Aftureldingar vegna meiðsla. Einar Andri segir ekki sjálfgefið að liðið verði sterkara þegar þeir koma til baka. „Það eru margir að spá í þetta en það er ekkert sjálfsagt mál að við verðum betri en við erum núna. Það þarf að búa til liðsheild og það verður púsluspil að koma þessu saman. En strákana hungrar í árangur þannig að ég hef ekki miklar áhyggjur af því,“ sagði Einar Andri að lokum.Óskar Bjarni: Er sár og svekktur Óskari Bjarna Óskarssyni, þjálfara Vals, fannst sárt að horfa eftir stigunum tveimur í hendur Aftureldingar. „Við vorum með frumkvæðið mestallan leikinn og vorum mun sterkari. Við komust í 10-15 en svo erum allir þættir sem klikka,“ sagði Óskar Bjarni eftir leik. „Ég hugsa að við höfum klúðrað 7-8 dauðafærum, þar af 4-5 nánast í röð. Við vorum með tvo bolta varða í seinni hálfleik, vörnin var ekki góð og enginn sem steig upp. Mér fannst við klárlega eiga að taka þá og er mjög sár og svekktur með þetta.“ Óskar Bjarni kvaðst ánægður með Valsmenn í fyrri hálfleik en sá seinni var ekki nógu vel spilaður af þeirra hálfu. „Við hefðum getað verið með meiri forystu í hálfleik ef við hefðum skorað fleiri mörk úr hraðaupphlaupum. Við þurfum að bæta þann þátt. Í seinni hálfleik var sóknarleikurinn svo stífur og staður. Ég er alls ekki ánægður með seinni hálfleikinn,“ sagði Óskar Bjarni sem er ágætlega sáttur með stöðuna á Valsliðinu á þessum tímapunkti. „Það var mjög gott að vinna fimm leiki í röð en maður vill alltaf meira. Byrjunin var hörmuleg, það var of mikið að tapa fyrstu þremur leikjunum. Svo vildi ég vinna þennan leik. Þetta er mjög svekkjandi.“
Olís-deild karla Mest lesið „Ég á Íslandi líf mitt að þakka“ Íslenski boltinn Var hetjan framan af en stóð uppi sem skúrkurinn Fótbolti Arteta með vondar fréttir af meiðslum Ødegaards Enski boltinn Stjarnan í vondum málum eftir tap í Írlandi Fótbolti „Djúpir dalir en þú kemst upp úr þeim“ Sport Sett meira en 762 milljarða í að bæta ímynd sína Sport Stúkan: „Sama hvað hann gerir ekki gefa honum gult spjald“ Íslenski boltinn Muna vel leikinn við Liverpool fyrir 60 árum Fótbolti Dagskráin í dag: Meistaradeild Evrópu heldur áfram Sport Woj-fréttin hættir hjá ESPN og snýr sér að öðru Körfubolti Fleiri fréttir Selfoss átti lítið í Íslandsmeistara Vals „Stefnum á að vera í þessum efri hluta“ Uppgjörið: ÍR - ÍBV 22-22 | Heimakonur komnar á blað Haukur magnaður í sigri á Viktor Gísla og félögum Alfa Brá og Katrín Anna í landsliðið Tímabilið byrjar vel hjá Bjarka sem varð markahæstur í stórsigri Gummersbach gaf mikið eftir í seinni hálfleik Íslendingaliðið byrjar vel í titilvörninni Rakel Dögg: Lokuðum vel varnarlega og Alfa skildi liðin að sóknarlega Uppgjörið: Fram - Haukar 27-26 | Heimakonur unnu æsispennandi leik Fyrsti sigurinn hjá bæði Stjörnukonum og Framkörlum Segir að Haukur Þrastar geti gert mikið fyrir íslenska landsliðið á HM í janúar Stjarnan sótti ekki gull í greipar Eyjamanna „Þurfum að vera fljótir að læra“ Valur ekki í vandræðum í Vestmannaeyjum Íslenskt markaflóð í Svíþjóð Uppgjörið: Valur - Afturelding 31-34 | Frábær sigur gestanna „Í versta falli fer allt til fjandans, svo kemur nýr dagur“ „Alltaf gaman að spila í KA heimilinu” HK lagði Íslandsmeistarana og Grótta vann í Breiðholti Uppgjörið: KA - Haukar 26-34 | Stórsigur gestanna á Akureyri Haukur gekk frá lærisveinum Guðmundar Guðmundur Bragi gerði gæfumuninn Ein sú besta framlengir um þrjú ár Orri Freyr hafði betur gegn Viktori Gísla Birkir Fannar í Kaplakrika út leiktíðina Íslendingalið Kolstad mátti þola tap gegn stórliði Barcelona Þórir valdi enga úr gullliði Ólympíuleikanna í nýjasta hópinn Þórir ekki maður millivegarins: „Ég sem eyðilagði partýið“ Líður eins og hún geti sagt Þóri allt Sjá meira