Umfjöllun og viðtöl: Fram - Valur 20-25 | Nielsen reyndist gömlu félögunum erfiður Ingvi Þór Sæmundsson í Safamýri skrifar 23. október 2014 15:36 Vísir/Andri Marinó Valur lyfti sér upp í þriðja sæti Olís-deildar karla með fimm marka sigri, 20-25, á Fram í Safamýrinni í kvöld. Eins og svo oft áður í vetur voru Framarar í vandræðum í sóknarleiknum í kvöld. Allir örvhentu leikmenn liðsins eru meiddir og sem eðlilegt er kemur það niður á flæðinu í sókninni. Í liði Vals er hins vegar öflug örvhent skytta, Geir Guðmundsson, sem spilaði frábærlega í fyrri hálfleik og skoraði sjö mörk úr níu skotum. Hinn danski Stephen Nielsen reyndist sínum gömlu félögum einnig erfiður, en hann varði 10 skot í fyrri hálfleik. Valsmenn náðu fljótlega forystunni, en eftir tíu mínútna leik var staðan 2-5 og eftir 20 mínútur var munurinn kominn upp í sex mörk, 4-10. Gestirnir voru duglegir að keyra fram í hraðaupphlaup og þá áttu Framarar engin svör við Geir sem skoraði hvert markið á fætur öðru. Valsmenn náðu sjö marka forystu í tvígang, en heimamenn enduðu fyrri hálfleikinn betur og náðu að minnka muninn í fjögur mörk fyrir leikhlé. Þegar liðin gengu til búningsherbergja var staðan, 11-15. Safamýrarpiltar komu ákveðnir til leiks í seinni hálfleik. Vörnin var þétt með Arnar Frey Arnarsson í broddi fylkingar og sóknarleikurinn gekk betur. Framarar skoruðu fjögur af fimm fyrstu mörkum seinni hálfleiks og náðu að minnka muninn í eitt mark, 15-16. Þá tóku Valsmenn við sér og náðu þriggja marka forystu, 16-19, en Framarar neituðu að gefast upp og minnkuðu muninn aftur í eitt mark, 19-20, þegar tíu mínútur lifðu leiks. En þá sýndu Valsmenn hvers þeir eru megnuir. Þeir skoruðu tvö hraðaupphlaupsmörk í röð og náðu aftur þriggja marka forystu sem þeir létu ekki af hendi. Þegar uppi var staðið var munurinn fimm mörk, 20-25. Geir og Nielsen stóðu sem áður sagði upp úr liði Vals. Sá fyrrnefndi var mjög ógnandi í sóknarleiknum og skoraði alls tíu mörk úr 16 skotum og sá síðarnefndi var magnaður í markinu og varði yfir 20 skot, mörg hver úr góðum færum. Í heildina voru fleiri sem báru byrðarnar í liði Vals, en mikið mæddi á útilínunni hjá Fram sem átti misjafnan leik. Stefán Darri Þórsson og Sigurður Örn Þorsteinsson voru markahæstir í liði Fram með fimm mörk hvor, en skotnýting þeirra var ekki góð og ákvarðanatakan á köflum slök. Þá er vert að geta Kristófers Fannars Guðmundssonar sem átti ágætan leik og varði 15 skot í marki Fram.Guðlaugur: Sýndum úr hverju við erum gerðir Þrátt fyrir tap gegn Val á heimavelli í kvöld var Guðlaugur Arnarsson, þjálfari Fram, sáttur með sína menn. „Ég var ofboðslega ánægður með 50 mínútur af þessum leik. Við lentum aðeins undir í fyrri hálfleik, en komum til baka. Varnarleikurinn í seinni hálfleik var mjög góður, sem og sóknarleikurinn. „En á síðustu tíu mínútunum slúttuðum við illa og okkur var refsað fyrir það. Valsmenn eru líklega með besta seinni bylgju liðið í deildinni í dag og það má ekki slútta svona illa á móti þeim. „En ég er engu að síður stoltur af strákunum í kvöld,“ sagði Guðlaugur sem tók undir með blaðamanni að það hafi verið ákveðinn vendipunktur í leiknum hversu illa Fram nýtti sér það að vera einum fleiri þegar um sex mínútur voru eftir af leiknum. Staðan á þeim tímapunkti var 19-22, en Framarar klúðruðu þremur sóknum í röð og töpuðu leiknum að lokum með fimm mörkum, 20-25. „Það lýsti okkur svolítið þessar síðustu tíu mínútur. Við vorum einum fleiri og gátum nýtt það betur. Við komum okkur í færi til að fá eitthvað út úr leiknum og ef við hefðum klárað þau hefðum við klárað leikinn. Stephen (Nielsen, markvörður Vals) félagi minn reyndist okkur erfiður,“ sagði Guðlaugur sem sá nóg af jákvæðum hlutum þrátt fyrir tapið. „Ég var mjög ánægður með varnarleikinn í seinni hálfleik og í raun öllum leiknum. Við vorum í smá vandræðum með Geir (Guðmundsson) í byrjun leiks þar sem hann var að hitta vel, en heilt yfir var ég ánægður. Við sýndum á löngum köflum í leiknum úr hverju við erum gerðir,“ sagði Guðlaugur að lokum, en Fram er með fjögur stig í 9. sæti deildarinnar.Jón: Vorum einhæfir sóknarlega Jón Kristjánsson, þjálfari Vals, var ánægður með sigurinn á Fram í kvöld, en sagði að Valsliðið gæti þó spilað betur en það gerði í kvöld. „Ég er þokkalega sáttur. Vörnin og markvarslan var góð, en sóknarlega vorum við ekki upp á okkar besta. Geir var í góðu formi, en sóknin hikstaði svolítið hjá okkur. „Heilt yfir vorum við svolítið einhæfir sóknarlega og boltinn gekk ekki nógu vel hjá okkur,“ sagði Jón sem var að vonum ánægður með Stephen Nielsen, markvörð Vals, sem varði yfir 20 skot gegn sínum gömlu félögum í kvöld. „Stephen var frábær í markinu og tók það sem við vildum að hann tæki og gott betur en það.“ Með sigrinum komust Valsmenn upp í 3. sæti deildarinnar, en liðið hefur unnið fimm af síðustu sex leikjum sínum eftir erfiða byrjun. Jón kveðst nokkuð sáttur með uppskeruna hingað til. „Við erum á ágætis stað í sjálfu sér og þetta er svona nokkurn veginn eins og við vildum hafa þetta. Við vildum kannski vera með aðeins fleiri stig, en engu að síður erum við hægt og rólega að slípast saman,“ sagði Jón að endingu. Olís-deild karla Mest lesið Bakgarðshlaupið í beinni útsendingu Sport „Ég sakna hennar á hverjum degi“ Handbolti Darius Morris látinn aðeins þrjátíu og þriggja ára að aldri Körfubolti Enginn náð í fleiri stig en McKenna síðan hann tók við Ipswich Enski boltinn „Við þurfum níu stig til að vinna titilinn“ Enski boltinn „Við höldum bara áfram þangað til að leikurinn er búinn“ Körfubolti HSÍ lengir bann Einars: „Framganga þjálfarans var mjög ógnandi og ódrengileg“ Handbolti „Við gleymum okkur á veiku hliðinni“ Körfubolti Uppgjör: Keflavík - Grindavík 84-83 | Ótrúlegur endir og allt jafnt í einvíginu Körfubolti Girona í fyrsta sinn í Meistaradeild Evrópu og tryggði Real í leiðinni titilinn Fótbolti Fleiri fréttir Öruggt hjá Teiti Erni og félögum HSÍ lengir bann Einars: „Framganga þjálfarans var mjög ógnandi og ódrengileg“ Grótta upp í Olís eftir sigur með minnsta mun í oddaleik Hætti óvænt: Fannst hann skulda fjölskyldunni smá tíma „Ég sakna hennar á hverjum degi“ Jóhanna Margrét frábær í góðum sigri Skara Viggó fór á kostum í góðum sigri Leipzig Reiður Einar hellti sér yfir eftirlitsdómarana Hættir eftir að hafa komið Fjölni upp „Við vorum bara ekki á svæðinu“ Metamfetamín fannst í báðum sýnum markmannsins Uppgjörið og viðtöl: Valur - Afturelding 39-25 | Valsmenn jafna einvígið með stórsigri PSG tókst ekki að leika ótrúlega endurkomu Kiel eftir Fjölnir tryggði sér sæti Olís deildinni á næsta tímabili Svekkjandi tap lækkar líkurnar hjá lærisveinum Arnórs Kielce kærir leikinn gegn Magdeburg Aron í myndatöku í dag vegna meiðslanna Sjáðu dramatísku vítakastskeppnina í Eyjum Elín Jóna færir sig á milli félaga á Jótlandi Ómar Ingi skaut Evrópumeisturunum áfram eftir vítakeppni „Féllu dómar í dag sem voru að mér fannst ansi augljósir“ Óheflaði Eyjapeyinn Kári Kristján: „Töpum aldrei í vítakeppnum“ Uppgjörið: ÍBV - FH 39-38 | ÍBV tryggði sér oddaleik eftir vítakastkeppni Bjarki Már og félagar úr leik Haukakonur sópuðu Fram í sumarfrí og mæta Val í úrslitum Róbert fer frá Drammen og vill spila nærri Andreu Löwen í undanúrslit þrátt fyrir fína frammistöðu Orra Freys „Vantaði meiri breidd til þess að veita þeim harðari keppni“ „Náðum að stilla spennustigið betur í hálfleik“ Uppgjörið: Valur - ÍBV 30-22 | Valskonur mættu með sópinn gegn ÍBV Sjá meira
Valur lyfti sér upp í þriðja sæti Olís-deildar karla með fimm marka sigri, 20-25, á Fram í Safamýrinni í kvöld. Eins og svo oft áður í vetur voru Framarar í vandræðum í sóknarleiknum í kvöld. Allir örvhentu leikmenn liðsins eru meiddir og sem eðlilegt er kemur það niður á flæðinu í sókninni. Í liði Vals er hins vegar öflug örvhent skytta, Geir Guðmundsson, sem spilaði frábærlega í fyrri hálfleik og skoraði sjö mörk úr níu skotum. Hinn danski Stephen Nielsen reyndist sínum gömlu félögum einnig erfiður, en hann varði 10 skot í fyrri hálfleik. Valsmenn náðu fljótlega forystunni, en eftir tíu mínútna leik var staðan 2-5 og eftir 20 mínútur var munurinn kominn upp í sex mörk, 4-10. Gestirnir voru duglegir að keyra fram í hraðaupphlaup og þá áttu Framarar engin svör við Geir sem skoraði hvert markið á fætur öðru. Valsmenn náðu sjö marka forystu í tvígang, en heimamenn enduðu fyrri hálfleikinn betur og náðu að minnka muninn í fjögur mörk fyrir leikhlé. Þegar liðin gengu til búningsherbergja var staðan, 11-15. Safamýrarpiltar komu ákveðnir til leiks í seinni hálfleik. Vörnin var þétt með Arnar Frey Arnarsson í broddi fylkingar og sóknarleikurinn gekk betur. Framarar skoruðu fjögur af fimm fyrstu mörkum seinni hálfleiks og náðu að minnka muninn í eitt mark, 15-16. Þá tóku Valsmenn við sér og náðu þriggja marka forystu, 16-19, en Framarar neituðu að gefast upp og minnkuðu muninn aftur í eitt mark, 19-20, þegar tíu mínútur lifðu leiks. En þá sýndu Valsmenn hvers þeir eru megnuir. Þeir skoruðu tvö hraðaupphlaupsmörk í röð og náðu aftur þriggja marka forystu sem þeir létu ekki af hendi. Þegar uppi var staðið var munurinn fimm mörk, 20-25. Geir og Nielsen stóðu sem áður sagði upp úr liði Vals. Sá fyrrnefndi var mjög ógnandi í sóknarleiknum og skoraði alls tíu mörk úr 16 skotum og sá síðarnefndi var magnaður í markinu og varði yfir 20 skot, mörg hver úr góðum færum. Í heildina voru fleiri sem báru byrðarnar í liði Vals, en mikið mæddi á útilínunni hjá Fram sem átti misjafnan leik. Stefán Darri Þórsson og Sigurður Örn Þorsteinsson voru markahæstir í liði Fram með fimm mörk hvor, en skotnýting þeirra var ekki góð og ákvarðanatakan á köflum slök. Þá er vert að geta Kristófers Fannars Guðmundssonar sem átti ágætan leik og varði 15 skot í marki Fram.Guðlaugur: Sýndum úr hverju við erum gerðir Þrátt fyrir tap gegn Val á heimavelli í kvöld var Guðlaugur Arnarsson, þjálfari Fram, sáttur með sína menn. „Ég var ofboðslega ánægður með 50 mínútur af þessum leik. Við lentum aðeins undir í fyrri hálfleik, en komum til baka. Varnarleikurinn í seinni hálfleik var mjög góður, sem og sóknarleikurinn. „En á síðustu tíu mínútunum slúttuðum við illa og okkur var refsað fyrir það. Valsmenn eru líklega með besta seinni bylgju liðið í deildinni í dag og það má ekki slútta svona illa á móti þeim. „En ég er engu að síður stoltur af strákunum í kvöld,“ sagði Guðlaugur sem tók undir með blaðamanni að það hafi verið ákveðinn vendipunktur í leiknum hversu illa Fram nýtti sér það að vera einum fleiri þegar um sex mínútur voru eftir af leiknum. Staðan á þeim tímapunkti var 19-22, en Framarar klúðruðu þremur sóknum í röð og töpuðu leiknum að lokum með fimm mörkum, 20-25. „Það lýsti okkur svolítið þessar síðustu tíu mínútur. Við vorum einum fleiri og gátum nýtt það betur. Við komum okkur í færi til að fá eitthvað út úr leiknum og ef við hefðum klárað þau hefðum við klárað leikinn. Stephen (Nielsen, markvörður Vals) félagi minn reyndist okkur erfiður,“ sagði Guðlaugur sem sá nóg af jákvæðum hlutum þrátt fyrir tapið. „Ég var mjög ánægður með varnarleikinn í seinni hálfleik og í raun öllum leiknum. Við vorum í smá vandræðum með Geir (Guðmundsson) í byrjun leiks þar sem hann var að hitta vel, en heilt yfir var ég ánægður. Við sýndum á löngum köflum í leiknum úr hverju við erum gerðir,“ sagði Guðlaugur að lokum, en Fram er með fjögur stig í 9. sæti deildarinnar.Jón: Vorum einhæfir sóknarlega Jón Kristjánsson, þjálfari Vals, var ánægður með sigurinn á Fram í kvöld, en sagði að Valsliðið gæti þó spilað betur en það gerði í kvöld. „Ég er þokkalega sáttur. Vörnin og markvarslan var góð, en sóknarlega vorum við ekki upp á okkar besta. Geir var í góðu formi, en sóknin hikstaði svolítið hjá okkur. „Heilt yfir vorum við svolítið einhæfir sóknarlega og boltinn gekk ekki nógu vel hjá okkur,“ sagði Jón sem var að vonum ánægður með Stephen Nielsen, markvörð Vals, sem varði yfir 20 skot gegn sínum gömlu félögum í kvöld. „Stephen var frábær í markinu og tók það sem við vildum að hann tæki og gott betur en það.“ Með sigrinum komust Valsmenn upp í 3. sæti deildarinnar, en liðið hefur unnið fimm af síðustu sex leikjum sínum eftir erfiða byrjun. Jón kveðst nokkuð sáttur með uppskeruna hingað til. „Við erum á ágætis stað í sjálfu sér og þetta er svona nokkurn veginn eins og við vildum hafa þetta. Við vildum kannski vera með aðeins fleiri stig, en engu að síður erum við hægt og rólega að slípast saman,“ sagði Jón að endingu.
Olís-deild karla Mest lesið Bakgarðshlaupið í beinni útsendingu Sport „Ég sakna hennar á hverjum degi“ Handbolti Darius Morris látinn aðeins þrjátíu og þriggja ára að aldri Körfubolti Enginn náð í fleiri stig en McKenna síðan hann tók við Ipswich Enski boltinn „Við þurfum níu stig til að vinna titilinn“ Enski boltinn „Við höldum bara áfram þangað til að leikurinn er búinn“ Körfubolti HSÍ lengir bann Einars: „Framganga þjálfarans var mjög ógnandi og ódrengileg“ Handbolti „Við gleymum okkur á veiku hliðinni“ Körfubolti Uppgjör: Keflavík - Grindavík 84-83 | Ótrúlegur endir og allt jafnt í einvíginu Körfubolti Girona í fyrsta sinn í Meistaradeild Evrópu og tryggði Real í leiðinni titilinn Fótbolti Fleiri fréttir Öruggt hjá Teiti Erni og félögum HSÍ lengir bann Einars: „Framganga þjálfarans var mjög ógnandi og ódrengileg“ Grótta upp í Olís eftir sigur með minnsta mun í oddaleik Hætti óvænt: Fannst hann skulda fjölskyldunni smá tíma „Ég sakna hennar á hverjum degi“ Jóhanna Margrét frábær í góðum sigri Skara Viggó fór á kostum í góðum sigri Leipzig Reiður Einar hellti sér yfir eftirlitsdómarana Hættir eftir að hafa komið Fjölni upp „Við vorum bara ekki á svæðinu“ Metamfetamín fannst í báðum sýnum markmannsins Uppgjörið og viðtöl: Valur - Afturelding 39-25 | Valsmenn jafna einvígið með stórsigri PSG tókst ekki að leika ótrúlega endurkomu Kiel eftir Fjölnir tryggði sér sæti Olís deildinni á næsta tímabili Svekkjandi tap lækkar líkurnar hjá lærisveinum Arnórs Kielce kærir leikinn gegn Magdeburg Aron í myndatöku í dag vegna meiðslanna Sjáðu dramatísku vítakastskeppnina í Eyjum Elín Jóna færir sig á milli félaga á Jótlandi Ómar Ingi skaut Evrópumeisturunum áfram eftir vítakeppni „Féllu dómar í dag sem voru að mér fannst ansi augljósir“ Óheflaði Eyjapeyinn Kári Kristján: „Töpum aldrei í vítakeppnum“ Uppgjörið: ÍBV - FH 39-38 | ÍBV tryggði sér oddaleik eftir vítakastkeppni Bjarki Már og félagar úr leik Haukakonur sópuðu Fram í sumarfrí og mæta Val í úrslitum Róbert fer frá Drammen og vill spila nærri Andreu Löwen í undanúrslit þrátt fyrir fína frammistöðu Orra Freys „Vantaði meiri breidd til þess að veita þeim harðari keppni“ „Náðum að stilla spennustigið betur í hálfleik“ Uppgjörið: Valur - ÍBV 30-22 | Valskonur mættu með sópinn gegn ÍBV Sjá meira