FÖSTUDAGUR 29. APRĶL NŻJAST 12:00

Sjįšu upphitunaržįtt Pepsi-markanna ķ heild sinni

SPORT

Tvö kynferšisbrot kęrš til lögreglunnar į Selfossi

 
Innlent
11:59 05. ĮGŚST 2014
Frį Selfossi.
Frį Selfossi. VĶSIR/PJETUR

Tvö kynferðisbrot voru kærð til lögreglunnar í Árnessýslu um helgina. Annað var á Flúðum og hitt á Selfossi. Í öðru tilvikinu er um að ræða blygðunarsemisbrot, þar sem ungur karlmaður gekk inn á konu sem var á almenningssalerni. Hitt atvikið átti sér stað í heimahúsi á Selfossi og hefur lögreglan það til rannsóknar.

Lögreglan segir ekki hægt að upplýsa frekar um þessi mál að svo stöddu þar sem þau séu í rannsókn.

Þá kom til slagsmála á Flúðum aðfararnótt laugardags, sem lauk með því að maður tók upp dúkahníf og lagði til annars og skar hann á fætinum. Lögreglan biður alla þá sem veitt geta upplýsingar um aðdraganda átakana, árásina og lyktir hennar að hafa samband í síma 480-1010.

Önnur líkamsárás var kærð á Flúðum sömu nótt. Í tilkynningu lögreglunnar segir að þar hafi verið um minni háttar árás að ræða þar sem stimpingar áttu sér stað milli ungs fólks.

Brotist var inn í Tryggvaskála á Selfossi í nótt þar sem þjófur skreið inn um rúðu sem hann braut. Sá hafði á brott sjóðsvél og lögreglan biður einstaklinga sem búa yfir upplýsingum um innbrotið að hafa samband.

Ellefu umferðaróhöpp voru tilkynnt lögreglu í Árnessýslu en engin alvarleg slys urðu á fólki. Lögregla var kölluð til fimm sinnum vegna slysa á fólki.

Maður axlarbrotnaði á Flúðum á sunnudaginn og var hann fluttur til Reykjavíkur í sjúkrabíl. Þá fór maður úr axlarlið þegar honum skrikaði fótur og féll við Kerið. Einnig slasaðist kona á höfði þegar hún féll á palli við sumarbústað í Bláskógabyggð. Þar datt svo maður af hestbaki í gær og skaddaðist á baki.

„Lögreglan á Selfossi vill koma þakklæti til ökumanna sem sýndu öðrum tillitssemi í umferðinni.  Ekki síður er þökkum komið til þeirra vegfaranda sem hringdu til lögreglu með ábendingar um ökumenn sem sýndu ábyrgðarleysi og glannaskap í umferðinni. Í mörgum tilvikum náðu lögreglumenn til þessara ökumanna.

Upplýsingar af þessu tagi eru mjög mikilvæg viðbót við þá frábæru leiðbeiningar frá starfsfólki Samgöngustofu sem fluttar voru í fjölmiðlum alla helgina. Allt þetta leiddi til þess að nú er hægt að státa af því að enginn alvarleg slys urðu í umferðinni þessa miklu umferðarhelgi,“ segir í tilkynningu lögreglunnar.


Deila
Athugiš. Allar athugasemdir eru į įbyrgš žeirra er žęr rita. Vķsir hvetur lesendur til aš halda sig viš mįlefnalega umręšu. Einnig įskilur Vķsir sér rétt til aš fjarlęgja ęrumeišandi eša ósęmilegar athugasemdir.

 

MEST LESIŠ

  • Nżjast į Vķsi
  • Mest Lesiš
  • Fréttir
  • Sport
  • Višskipti
  • Lķfiš
Forsķša / Fréttir / Innlent / Tvö kynferšisbrot kęrš til lögreglunnar į Selfossi
Fara efst