Tom Shillue með Mið-Íslandi

Bandaríski grínistinn Tom Shillue slæst í lið með uppistandshópnum Mið-Íslandi í Þjóðleikhúskjallaranum 9. til 11. apríl næstkomandi.

Shillue hefur meðal annars komið fram í spjallþáttum Conans O'Brien og Jimmy Fallon svo ljóst er að liðsaukinn er ekki af verri endanum.

Mið-Ísland stendur saman af Dóra DNA, Jóhanni Alfreð Kristinssyni, Ara Eldjárn og Birni Braga Björnssyni en í vetur hafa gestir þeirra meðal annars verið þau Saga Garðarsdóttir, Anna Svava Knútsdóttir, Þorsteinn Guðmundsson og Bergur Ebbi Bergsson, sem er hluti af hópnum en búsettur erlendis um þessar mundir.