Lífið

Tímahylki til sölu í Laugardalnum

Stefán Árni Pálsson skrifar
Eign á besta stað.
Eign á besta stað.
Fasteignasalan Eignamiðlun er með virðulega íbúð á 2.hæð í fjórbýlishúsi við Kirkjuteig á söluskrá en kaupverðið er 69,9 milljónir.

Íbúðin er 174,4 fermetra að stærð og er einstaklega rúmgóð og vel skipulögð hæð.

Þrjár stórar samliggjandi stofur eru á hæðinni, tvö svefnherbergi, stórt hol með arni en eignin er í upprunalegu standi eins og sést á ljósmyndunum sem fylgja fasteignaauglýsingunni.

Art Deco stíllinn er ráðandi í húsgögnunum og innréttingum og litagleðin minnir óneitanlega á áttunda áratuginn.

Art Deco stíllinn naut vinsælda á fyrri hluta síðustu aldar og fram yfir miðja öld. Húsið var byggt árið 1948 en hér að neðan má sjá nokkrar fallegar myndir innan úr íbúðinni.

Falleg hæð í Laugardalnum.
Smekkleg setustofa.
Skemmtilegt baðherbergi.
Hjónaherbergið er blátt.





Fleiri fréttir

Sjá meira


×