ŽRIŠJUDAGUR 30. SEPTEMBER NŻJAST 23:45

Stķlstrķš: Hvor ber kjólinn betur?

LĶFIŠ

Tim Ward: Hvergi krafist rķkisįbyrgšar

Višskipti innlent
14:53 18. SEPTEMBER 2012
Ķslenska lögfręšiteymiš ķ Lśxemborg.
Ķslenska lögfręšiteymiš ķ Lśxemborg.

Það er ekkert í tilskipun Evrópusambandsins um innistæðutryggingar sem kveður á um að ríkisábyrgðar eða ríkisfjármögnunar sé krafist, sagði Tim Ward, aðalmálflytjandi Íslendinga í Icesavemálinu þegar hann flutti mál Íslands fyrir EFTA dómstólnum í Luxemborg í morgun. „Tilskipunin gerir ríkinu skylt að setja upp og að stjórna innistæðutryggingakerfi, en það er ekkert kveðið á um það að ríkið verði að greiða bætur," bætti Tim Ward við.

Tim Ward sagði að það væri alveg ljóst að til þess væri ætlast að kostnaðurinn við að fjármagna slíkt innistæðutryggingakerfi ætti í grundvallaratriðum vera borin uppi af lánastofnununum sjálfum. Þá sagði Tim Ward jafnframt að ef kröfur ESA, eftirlitsstofnunar EFTA, um að Íslendingum hefði borið að tryggja innstæðurnar hefði það strítt gegn reglugerð um ríkisaðstoð.

Tim Ward fór ítarlega yfir tilurð innstæðutilskipunarinnar og sýndi fram á að innstæðutryggingakerfið rís ekki undir stórfelldu bankaáfalli, hvorki á Íslandi né annars staðar. Fjarstæðukennt sé að sjóðirnir hafi yfir fjármunum að ráða sem dugi til að greiða út meirihluta innstæðna í viðkomandi landi. Í slíkum tilvikum grípi stjórnvöld ævinlega til annarra aðgerða, t.d. með því að endurskipuleggja bankakerfið. Íslensk stjórnvöld hafi gripið til þeirra aðgerða sem tækar voru og nauðsynlegar til að koma í veg fyrir heildarhrun á Íslandi. Jafnframt hafi hagur innstæðueigenda í erlendum útibúum bankanna verið tryggður með því að þeim var veittur forgangsréttur við slit og skiptameðferð gömlu bankanna.

Tim mótmælti ásökunum um brot gegn jafnræðisreglu. Grundvallaratriði væri að enginn hefði fengið greitt úr íslenska innstæðutryggingakerfinu og því væri alls ekki um að ræða mismunun innan þess. ESA hefði að öðru leyti ekki útskýrt í hverju meint mismununarbrot hefði falist og að í öllu falli væru réttlætingaraðstæður til staðar í skilningi dómaframkvæmdar á sviði Evrópuréttar.

Tim Ward lauk málflutningi sínum um hádegisbil í dag að íslenskum tíma. Búist er við því að niðurstaða geti fengist í málið fyrir áramót.


Deila
Athugiš. Allar athugasemdir eru į įbyrgš žeirra er žęr rita. Vķsir hvetur lesendur til aš halda sig viš mįlefnalega umręšu. Einnig įskilur Vķsir sér rétt til aš fjarlęgja ęrumeišandi eša ósęmilegar athugasemdir.

 

MEST LESIŠ

  • Nżjast į Vķsi
  • Mest Lesiš
  • Fréttir
  • Sport
  • Višskipti
  • Lķfiš
Forsķša / Višskipti / Višskipti innlent / Tim Ward: Hvergi krafist rķkisįbyrgšar
Fara efst