Innlent

Þóra og Ari þakklát fyrir stuðninginn

Þóra Arnórsdóttir og Ari Trausti Guðmundsson.
Þóra Arnórsdóttir og Ari Trausti Guðmundsson.
„Ég er afskaplega þakklát," sagði Þóra Arnórsdóttir, forsetaframbjóðandi en hún nýtur mest stuðnings hjá þeim sem tóku þátt í skoðanakönnun Vísis um helgina.

Könnunin stóð frá föstudegi og fram á mánudag. Alls bárust 7874 atkvæði. Þóra fékk 43% atkvæða á meðan Ólafur Ragnar Grímsson nýtur stuðnings 35%.

„Við höfum fundið fyrir miklum meðbyr á ferðalögum okkar um landið," sagði Þóra. „Við skulum þó ekki gleyma því að það eru enn tveir mánuðir í kosningar."

Samkvæmt Ólafíu B. Rafnsdóttur, sem starfar fyrir framboð Ólafs Ragnars, mun forsetinn ekki tjá sig um niðurstöður könnunarinnar.

Það vekur athygli að Ari Trausti Guðmundsson fær 15 prósent atkvæða en hann tilkynnti framboð sitt degi áður en skoðanakönnunin hófst.

„Ég er auðvitað afar ánægður," sagði Ari Trausti. „Og ég kalla þetta vísbendingu um það sem koma skal."

Ari bendir á að könnunin sé ekki gerð á vísindalegum forsendum - fyrst og fremst hafi verið að forvitnast um skoðun lesanda Vísis.

„Þetta er jákvæð vísbending og afar gott uppstart," bætir Ari við.


Tengdar fréttir

"Ég mun ekki gefast upp"

"Það er augljóst að lýðræðið er ekki virkt á Íslandi,“ segir Jón Lárusson, forsetaframbjóðandi, aðspurður um nýlega skoðanakönnun Vísi. Jón mældist þar með minna en eitt prósent atkvæða.

Þóra með átta prósentustiga forskot á Ólaf Ragnar

Þóra Arnórsdóttir nýtur mests stuðnings hjá þeim sem tóku þátt í könnun Vísis á fylgi þeirra sem lýst hafa yfir framboði til forseta. Könnunin stóð frá föstudegi og fram á mánudag og var þáttakan gríðarlega góð.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


×