Þingmaður hvetur fólk til að kaupa ekki flugelda

Jón Magnússon, þingflokksformaður Frjálslynda flokksins, hvetur fólk til að spara og kaupa ekki flugelda þetta árið. Með flugeldakaupum sé fólk að henda peningum. Hann var gestur Sigurjóns Egilssonar í þættinum Sprengjusandi í morgun þar sem meðal annars rætt um hvernig almenningur getur sparað.

,,Ég myndi vilja nota tækifærið til að hvetja Íslendinga til að kaupa ekki flugelda því það geta allir verið án þeirra. Það er bara verið að henda peningum með því að kaupa flugelda og sprengiefni," sagði Jón.

Auk þess talaði þingflokksformaðurinn fyrir því að fólk minnkaði gosdrykkju sína. Jón var eitt sinn formaður Neytendasamtakanna.

Árleg flugeldasala Slysavarnafélagsins Landsbjargar hefst í dag.