MIĐVIKUDAGUR 27. JÚLÍ NÝJAST 09:45

Varaforsetaefnin Kaine og Pence

FRÉTTIR

Ţetta verđur mitt ár

 
Sport
06:00 13. JANÚAR 2016
Hafdís Sigurđardóttir vildi fara út fyrir landsteinana fyrst hún hvort sem er ćtlađi ađ flytja ađ norđan.
Hafdís Sigurđardóttir vildi fara út fyrir landsteinana fyrst hún hvort sem er ćtlađi ađ flytja ađ norđan. VÍSIR/AUĐUNN

Hafdís Sigurðardóttir, frjálsíþróttakona og Íslandsmethafi í langstökki, flaug út til Svíþjóðar í morgun þar sem hún mun búa að minnsta kosti fram á næsta haust.

Hafdís hefur verið einn fremsti frjálsíþróttamaður Íslands undanfarin ár og raðað inn verðlaunum á innlendum vettvangi, en hún keppti einnig fyrir Íslands hönd á EM í Zürich 2014.

Ekki til Reykjavíkur
Eftir að Gísli Sigurðsson, þjálfari hjá UFA, hætti, fannst Hafdísi kominn tími til að hugsa út fyrir kassann í leit að nýrri æfingaaðstöðu.

„Ég var þjálfaralaus og stóð bara ein. Þá ákvað ég að horfa í kringum mig og horfa út fyrir landsteinana. Ég er búin að vera á Akureyri í tólf ár og ellefu ár hjá Gísla og árangurinn verið góður. Aðstaðan er ekki sú besta en hann er góður þjálfari,“ segir Hafdís við Fréttablaðið, en að æfa og búa í Reykjavík kom ekki til greina hjá henni.

„Mig langaði bara ekkert til Reykjavíkur ef ég á að segja satt og rétt frá. Fyrst ég var að yfirgefa Akureyri yfir höfuð þá langaði mig að fara eitthvert lengra. Ég talaði því við Véstein Hafsteinsson sem býr í Svíþjóð, en hann hjálpaði mér að finna þjálfara og æfingaaðstöðu.“

Vésteinn fann þjálfara fyrir Hafdísi í Gautaborg, en um er að ræða öfluga eistneska konu sem þjálfar besta stökkvara Svíþjóðar og fleiri afreksíþróttamenn.

„Ég fór til Gautaborgar í desember og leist mjög vel á. Þessi þjálfari er alveg ótrúlega flott kona. Ég verð þarna að æfa með besta stökkvara Svíþjóðar og fleiri íþróttamönnum sem hún er með,“ segir Hafdís, sem er virkilega spennt fyrir nýju og breyttu umhverfi.

„Þetta er alveg rosalega spennandi. Kærastinn minn fer með mér og hann er kominn með vinnu þannig að allt er að ganga upp. Við fengum íbúð í gær þannig að ég ætla bara að drífa mig út núna, koma mér fyrir og koma svo aftur heim til að keppa á RIG (Reykjavík International Games).“

Hver sentimetri erfiður
Stóra markmiðið með flutningunum til Svíþjóðar og æfa þar eins og atvinnumaður er Ólympíulágmark. Íslandsmet Hafdísar í langstökki er 6,56 metrar en hana vantar 14 sentimetra upp á lágmarkið til Ríó.

„Ég held að þetta auki möguleika mína á að komast alla leið þangað fyrst ég er ekki lengur með minn toppþjálfara,“ segir Hafdís og heldur áfram:

„Ég ætla bara að byrja upp á nýtt í rauninni og það á Ólympíuári. Þetta er auðvitað smá áhætta en nýir hlutir geta líka leitt til hins betra. Ég hugsa þetta þannig að þetta verði mitt ár.“

Hafdís hefur mikla trú á sjálfri sér og sér sig klára þessa 14 sentimetra fyrir júlí þegar lágmarkafrestur rennur út.

„Auðvitað er þetta mjög langt og hver sentimetri er bara helvíti þegar maður er kominn í þennan klassa. Fólk heldur að einn sentimetri sé ekki neitt en í raun er það rosalegt stökk fyrir mann sjálfan,“ segir Hafdís Sigurðardóttir.


Deila
Athugiđ. Allar athugasemdir eru á ábyrgđ ţeirra er ţćr rita. Vísir hvetur lesendur til ađ halda sig viđ málefnalega umrćđu. Einnig áskilur Vísir sér rétt til ađ fjarlćgja ćrumeiđandi eđa ósćmilegar athugasemdir.

 

MEST LESIĐ

  • Nýjast á Vísi
  • Mest Lesiđ
  • Fréttir
  • Sport
  • Viđskipti
  • Lífiđ
Forsíđa / Sport / Ţetta verđur mitt ár
Fara efst